Ĩsaya 1:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Ko ni hahi mwasyaswasuyirwa, imukinahona kwehĩ? Omutwe gosĩ alwere, nʼomutima gosĩ akalembera.

Ĩsaya 1:5 Iomraidhean Croise

2 Abami 1:13

Kandi mwatuma omukulu wʼamakũmĩ atanu wʼakasatu haguma nʼamakũmĩ atanu wuwe. Omugulu omukulu wʼakasatu wʼamakũmĩ atanu ahetukirayo, mwasa mwakũkama oko marwĩ wuwe embere sya Elĩya, mwamulakira, mwamubwira ati, Kĩsĩkĩsĩ, uwe mundu wa Nyamuhanga, engebe yage nʼengebe yʼabagombe bawe makũmĩ atanu aba yibye yʼobũgũlĩ bunene omo meso wawe.

2 Emyatsi yʼEmigulu 28:22

Nʼomwami Ahazĩ omugulu asĩsĩkana, mwalegula oko Mwami Mukulu kwilaba.

Nehemĩa 9:34

Kutse abami betu, nʼabakulu betu, nʼabamĩnyererĩ betu, kutse abotata-kulu wetu, mobatateya emigambo yawe, kutse erihulikirira erĩhano lyawe nʼerihana lyawe eryo wahanabo.

Ĩsaya 1:23

Abatabalĩ bawe ni bandu bakahona, nĩ bĩra bʼabĩbĩ. Obuli mundu anzĩre esigulo, bakakwama ebihembo. Sĩberekeraya esyongũbĩ, kandi olubanza lwʼabakwakalĩ sĩlũlĩhĩka embere syabo.

Ĩsaya 31:6

Musube oko yo mwahonako kutsibu, ĩnywe bana ba Ĩsraelĩ.

Ĩsaya 33:24

Kandi sihali ndũlanĩ eyĩkandĩsyabũga iti, Nyilwere. Abandu abĩkeremo basyabuyirwa ebibi byabo.

Ĩsaya 9:13

Nĩkwa abandu sibebũnũkalira oyo wĩtabo, kandi sibesonda-sonda Omwami Mukulu wʼemilondo.

Ĩsaya 9:21

Manase akalya Efũraĩmũ na Efũraĩmũ akalya Manase. Nabo ababiri haguma nĩ nzĩgũ sya Yũda. Busana nʼebĩ byosĩ erihitana liwe sĩryetalũaho, nĩkwa ebyala biwe bĩkĩnayĩsũmbĩre.

Yeremĩa 13:23

Ko Mũetĩopĩa angabindula erangĩ yʼengoba yiwe, kutse esoro yangabindula ebitanga-bitanga byayo kwehĩ? Nenyũ litya mwanganatoka erikola ebibuya, ĩnywe mwabiribegera erikola ebibi.

Yeremĩa 17:9

Omutima ni wʼeriteba kwilaba emyatsi yosĩ, kandi alwere nabi. Nindi wangatoka eriminyago kwehĩ?

Yeremĩa 2:30

Mongaswĩrĩraya bagala bawe bo busa. Mobatalĩga erikungwa. Omũyalĩ wenyũ abĩrĩĩta abamĩnyererĩ benyũ, ngʼendale eyĩkaheraya.

Yeremĩa 44:15

Neryo abalume bosĩ ababya basĩ kwʼabakalĩ babo bahĩsaya obukwa oko Sindi nyamuhanga, nʼabakalĩ bosĩ abimana hakũhĩ, endeko nene, ba bandu bosĩ ababya bĩkere omo kihugo kyʼeMĩsĩrĩ, ePatro, mobasũbĩrya Yeremĩa batĩ,

Yeremĩa 5:3

Ameso wawe sĩalĩrebaya ekwenene kwehĩ? Wabĩrĩswĩryabo, nĩkwa mobatoloba. Mowahwerekereryabo, nĩkwa mobagana erikungwa. Babĩrĩkalya obũsũ bwabo bo po-po-po kwilaba erĩbwe; babirigana eribinduka nʼerireka ebibi.

Yeremĩa 5:31

Abamĩnyererĩ bakaminyerera omo mabehĩ, nʼabahererĩ bakatabala omo hamũlĩ yabo, nʼabandu bage bakanza batya! Nenyũ mwasyakolakĩ omugulu endũlĩ yasyahĩka kwehĩ?

Yeremĩa 5:5

Ngandiya oko bakulu ĩnabũga nabo, kusangwa banasĩ enzira yʼOmwami Mukulu, nʼekilayiro kya Nyamuhanga wabo. Nĩkwa aba nʼomutima muguma babirigana ehamũlĩ yʼomukama. Bakagana erĩmowa.

Yeremĩa 9:3

Bakakondomaya olulimi lwabo ngʼobuta bwabo, amabehĩ nʼebite kwenene biri omo kihugo. Kusangwa abakakwamirira ebibi oko bibi, kandi sĩbanyasĩ, Omwami Mukulu atya.

Ekiriro 5:17

Busana nʼekĩ, emitima yetu eyĩ yabirirembera, Busana nʼemyatsi eyĩ ameso wetu abĩrĩhũma.

Ezekĩelĩ 24:13

Omo nye syawe muli obũsĩngĩrĩ. Kusangwa namakwerya nĩkwa sulitera, siwendĩsyaswerĩbwa kandi kwʼesyonye syawe, erĩhĩka aho asyabugira erikuhitanako.

Ezekĩelĩ 34:16

Nasyasondasondya esitere, nʼerĩsũbũlya esyapanzapanzawa, nʼerisenga esyabũnĩka, nʼerĩsĩkya esyabya silwere. Nĩkwa esĩnenehĩre nʼesyʼamaka nasyaheryasyo. Nasyalĩsyasyo omwʼitswera.

Ezekĩelĩ 34:4

Esilwere simwetasĩkyasyo, sĩmwetalamya esilwere, simwetasenga esĩbũnĩkĩre, simwetasũbũlya esyapanzawa, kutse simwetasondasondya eyabya yitere. Nĩkwa omo maka nʼomo butsibu mwabiritabala kusyo.