Ĩsaya 1:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Ĩlolo, uwe kihanda kyʼebibi, abandu bakalĩtoherawa nʼamalolo, abana bʼabakola-nabi, abana bʼerĩtsandya! Babĩrĩsĩganĩa Omwami Mukulu, babiripona Oyũbũyĩrĩre wa Ĩsraelĩ, babirimutswako.

Ĩsaya 1:4 Iomraidhean Croise

Enzũko 13:13

Nĩkwa abandu bʼeSodomo babya babi abakolĩ bʼamalolo kutsibu embere syʼOmwami Mukulu.

2 Abami 21:22

Kandi mwasĩganĩa Omwami Mukulu, Nyamuhanga wʼabotata-kulu buwe, mwatalendera omo nzira yʼOmwami Mukulu.

2 Emyatsi yʼEmigulu 12:1

Neryo omugulu obwami bwa Rehoboamũ bwahangana, naye iniamabiyira maka, neryo mwasĩganĩa emigambo yʼOmwami Mukulu, nʼAbaĩsraelĩ bosĩ haguma naye.

2 Emyatsi yʼEmigulu 27:2

Naye mwakola ekitunganene omo meso wʼOmwami Mukulu, ngʼebyosĩ tata wuwe Ũzĩa akola; nĩkwa mwatingira omo Hekalũ yʼOmwami Mukulu. Nʼabandu babya ibakinakola ebibi.

Nehemĩa 1:7

Twabirikola nye nyingi ukʼuwe, sĩtwetateya ebihano byawe, kutse emigambo yawe, kutse ebilayiro byawe, ebyo wahana omugombe wawe Musa.

Esyonyimbo 58:3

Abandu babi bakakola nabi okwʼibutwa lyabo; Bakabiha erĩtsũka ekiro babutawa.

Esyonyimbo 71:22

Nasyakupipa omo nanga; Uwe Nyamuhanga, nasyapipa eritindalegula lyawe, Oko nanga nasyakuwatira esyonyimbo, Uwe Mũbũyĩrĩre wa Ĩsraelĩ.

Esyonyimbo 78:40

Engendo singahi bahona omo mbwarara, Kandi engendo singahi mobamwĩta obũlĩge eyo!

Esyonyimbo 78:41

Mobalenga uku Nyamuhanga kandi nʼakandi, Nʼerĩhĩtanĩa Oyũbũyĩrĩre wa Ĩsraelĩ.

Esyonyimbo 78:57

Nĩkwa mobahona nʼeriteba ngʼaboso-kulu wabo, Mwayihengeka nʼobuta oyũhengemĩre.

Esyonyimbo 78:8

Sibabye ngʼaboso-kulu wabo, Abandu abakayisamambula nʼerĩtendĩowa. Abandu abatawite erĩkĩrĩrya erĩsĩkĩre uku Nyamuhanga, Kandi mobatabya nʼeritindalegula embere sya Nyamuhanga.

Esyonyimbo 89:18

Kusangwa Omwami Mukulu mwayisoga Omũhanganĩrĩ wetu, Uwe Oyũbũyĩrĩre wa Ĩsraelĩ, mowatuha omwami wetu.

Erĩlũayo 32:7

Neryo Omwami Mukulu mwabũga na Musa ati, Ũkĩme, ugende; kusangwa abandu bawe abo walũsaya omo kihugo kyʼeMĩsĩrĩ, babĩrĩyĩtsandya;

Ĩsaya 1:23

Abatabalĩ bawe ni bandu bakahona, nĩ bĩra bʼabĩbĩ. Obuli mundu anzĩre esigulo, bakakwama ebihembo. Sĩberekeraya esyongũbĩ, kandi olubanza lwʼabakwakalĩ sĩlũlĩhĩka embere syabo.

Ĩsaya 1:28

Nĩkwa abakahalaya nʼabakola-nabi basyahĩnokala haguma-guma, nʼabakasĩganaya. Omwami Mukulu basyahwa.

Ĩsaya 10:6

Ngatumalyo oko kihanda kitawite Nyamuhanga, ngatumalyo oko bandu bʼerihitana lyage erĩhũnga eminyego, kandi erihamba obuhiyi, nʼeriryatangirirabo ahisi ngʼolondo lʼomo syonzira.

Ĩsaya 12:6

Umoleke omulenge ũbũgaye olukuko, Uwe ndũlanĩ yʼeSĩonĩ, kusangwa Oyũbũyĩrĩre wʼeĨsraelĩ ni mukulu omo katĩkatĩ kenyũ.

Ĩsaya 14:20

Siwendisyasangana nabo omwʼitabwa, Kusangwa wabĩrĩtsandya ekihugo kyawe, wabĩrĩta abandu bawe. Abana bʼabakola-nabi, sibahulawe kera na kera.

Ĩsaya 29:19

Nʼabandu bʼobũlĩge basyakanyĩrĩrya obutseme bwabo omo Mwami Mukulu, nʼabandu bʼobwaga basyatsema ũmwʼOyũbũyĩrĩre wa Ĩsraelĩ.

Ĩsaya 3:8

Kusangwa eYerũsalema yabĩrĩherĩbwa, nʼeYũda yabiriwa, kusangwa olulimi lwabo nʼemĩbĩrĩ yabo nĩ bũyĩgũ oko Mwami Mukulu, erihona embere syʼowʼolukengerwa.

Ĩsaya 30:1

Omwami Mukulu ati, Obũlĩge oko bana bʼerihona, abakakola omwatsi owate wage. Nʼabakayira erisakana erite ryʼEkĩrĩmũ kyage, bati bakatomekera ebibi oko bibi.

Ĩsaya 30:15

Kusangwa Omukama Omwami Mukulu, Oyũbũyĩrĩre wa Ĩsraelĩ abĩrĩbũga ati, Omwʼibinduka nʼerireka ebibi, nʼeriluhuka mwasyalamĩbwa. Omwʼiyibombeka nʼeriyiketera ni maka wenyũ. Nĩkwa momũtalĩga.

Ĩsaya 30:9

Kusangwa aba ni bandu bʼerihona, ni bana bʼamabehĩ, ni bana batanzĩre erĩowa erĩkangĩrĩrya lyʼOmwami Mukulu.

Ĩsaya 31:2

Nĩkwa iye anawite amenge nibya, kandi asyaleta erĩkwa, ĩsĩendĩsyasũbũlva ebĩnywa biwe, nĩkwa asyahangana erilwa nʼekĩtũnga kyʼabakola-nabi, nʼerilwa nʼabo abakawatĩkaya abakakola ebibi.

Ĩsaya 37:23

Wabiriponandi nʼeritsumandi kwehĩ? Kandi wabĩrĩkandalya omulenge wawe ukundi, nʼerisumbira ameso wawe endata? Ko nʼoko Yũbũyĩrĩre wa Ĩsraelĩ!

Ĩsaya 41:14

Sigubahe, uwe kihanda kya Yakobo, uwe munyole, nenyũ abalume ba Ĩsraelĩ simubahe. Omwami Mukulu ati, Ngandĩkũwatĩkya, nʼomũtongolya wawe, Oyũbũyĩrĩre wa Ĩsraelĩ.

Ĩsaya 41:16

Wasyagũlũkyabyo, nʼerihunga lyasyahekabyo, nʼakanyabungu kasyapanza-panzabyo. Nawe wasyatsemera Omwami Mukulu, wasyayihalamba ũmwʼOyũbũyĩrĩre wa Ĩsraelĩ.

Ĩsaya 41:20

Batoke erilangira, nʼeriminya, nʼerĩrengekanĩa, nʼeribana amenge nibya ngoko ebyala byʼOmwami Mukulu byabirikola ekĩ, Nʼoyũbũyĩrĩre wa Ĩsraelĩ yo wahangikakyo.

Ĩsaya 5:19

Abakabũga bati, Anguhe, angũhaye omũbĩrĩ wuwe, tulole kugo. Kandi erĩyĩtsũtsa lyʼOyũbũyĩrĩre wa Ĩsraelĩ lisegere hakũhĩ, libererere itwatoka eriminyalyo!

Ĩsaya 5:24

Neryo ngʼekirimi kyʼomuliro ko kikalya esyombuba, kandi ngʼobunyatsi bũmĩre bukawa omo kirimi kyʼomuliro, ko mũlĩhĩ wabo asyabya ngʼerihonda, nʼomusanga wabo asyaguluka ngʼolũtũtũ. Kusangwa babirigana emigambo yʼOmwami Mukulu wʼemilondo, kandi babiripona ekĩnywa kyʼOyũbũyĩrĩre wa Ĩsraelĩ.

Ĩsaya 57:17

Monahitana busana nʼebibi biwe, byʼendũndĩ itatolere monamũswĩrya. Monabĩsa obũsũ bwage monahitana, naye mwakwamirira erikitira ehandi, omo nzira yʼomutima wuwe.

Ĩsaya 58:2

Nĩkwa bakanyisonda-sonda ebiro byosĩ, bakatsema eriminya enzira yage, ngʼekihanda ekyakola eritunganene, nʼerĩtĩndasĩganĩa ebilayiro bya Nyamuhanga wabo. Bakanyĩbũlaya erĩtwa omwatsi omo lĩbanza litunganene, bakatsema kusangwa Nyamuhanga ali hakũhĩ.

Ĩsaya 65:11

Nĩkwa ĩnywe mũkasĩga Omwami Mukulu, ĩnywe mukibirirawa ekitwa kyage kĩbũyĩrĩre, ĩnywe mukasesa emesa busana na Gadĩ, ĩnywe mũkũsũlĩraya ebĩnyũ bĩtũlũngene busana na Menĩ.

Ĩsaya 65:3

Ni bandu abakanyĩhĩtanaya ebiro byosĩ oko bũsũ bwage, abakahongera amahere omo malima, nʼerĩhĩsya obukwa oko matafalĩ.

Ĩsaya 9:17

Neryo Omukama sialitsemera abalwana babo, kandi sialiganyira esyongũbĩ syabo nʼabakwakalĩ. Kusangwa obuli mundu nĩ mũtsandĩrya nʼomukola-nabi, nʼobuli buno bũkabũga ebyʼobũkĩrũ. Kusangwa busana nʼebĩ byosĩ erihitana liwe sĩryetalũaho, nĩkwa ebyala biwe bĩkĩnayĩsũmbĩre.

Yeremĩa 15:6

Omwami Mukulu ati, Ĩnywe mwabirinyigana, mukinasuba enyũma. Kikaleka inasumba ebyala byage erilwa nenyũ, nʼerĩbaherya. Namaluha erĩyĩkakĩrya!

Yeremĩa 2:13

Kusangwa abandu bage babirikola ebibi bibiri. Babĩrĩnyĩsĩganĩa, ĩngye ĩsoko yʼamagetsi wʼengebe, babiriyitakulira ebĩrĩba, ebĩrĩba ebĩkalũa, ebitetoka eribika amagetsi.

Yeremĩa 2:17

Sulitayibanira emyatsi eyĩ kusangwa wabĩrĩsĩganĩa Omwami Mukulu Nyamuhanga wawe omugulu akusondola omo nzira kwehĩ?

Yeremĩa 2:19

Ebibi byawe ĩwowene byasyakuhabula, nʼerisuba enyũma lyawe lyasyakukunga. Neryo Uminye kandi Ũlebaye kwʼali mwatsi mubi nʼowakalĩhĩre, uti ũkasĩganaya Omwami Mukulu Nyamuhanga wawe, nʼobuba bwage sibuli omwisi wawe, Omukama Omwami Mukulu wʼemilondo atya.

Yeremĩa 2:31

Uwe kihanda, mowe ekĩnywa kyʼOmwami Mukulu. Nabiribya mbwarara busana na Ĩsraelĩ kwehĩ? Kutse ekihugo kyʼomwĩrĩmya mungi kwehĩ? Busana nakĩ abandu bage bakabũga bati, Tuli nʼobwĩranda bwʼeriganga-ganga. Sĩtwendĩsyaswahĩka ukʼuwe?

Yeremĩa 2:33

Wamakokotya enzira yawe erisondasonda olwanzo uti! Busana nʼekyo wabĩrĩkangĩrĩrya abakalĩ babi esyonzira syawe.

Yeremĩa 2:5

Omwami Mukulu ati, Abotata wenyũ mobanyibana kwʼĩbanza libi ryahi, kyaleka ĩbanyĩsĩga hali kwehĩ? Bamakwama emyatsi mitya-mitya, nabo babiribya batya-batya.

Yeremĩa 32:32

busana nʼebibi byosĩ byʼabana ba Ĩsraelĩ nʼabana ba Yũda ebyo bakola erĩnyĩhĩtanĩa, ibo, nʼabami babo, nʼabasondolĩ babo, nʼabahererĩ babo, nʼabamĩnyererĩ babo, nʼabandu ba Yũda, nʼesyondũlanĩ syʼeYerũsalema.

Yeremĩa 50:29

Mubirikire haguma abalasĩ bʼemisoha erilwa nʼeBabelĩ, nʼabosĩ abakakanda obuta. Muhande enganda erĩmũtĩmbako, sĩhabalĩbawe nʼomuguma wa kubo. Mumulihe ngʼemĩbĩrĩ yiwe. Ngʼebyosĩ abirikola, mukolebyo mutya, kusangwa abĩrĩyĩhamya nʼerilwa nʼOmwami Mukulu, nʼerilwa nʼoyũbũyĩrĩre wa Ĩsraelĩ.

Yeremĩa 51:5

Kusangwa Ĩsraelĩ, kutse Yũda sĩbetasĩganĩbwa na Nyamuhanga wabo, Omwami Mukulu wʼemilondo, nomo kihugo kyabo kyoswĩre mwʼamalolo embere syʼOyũbũyĩrĩre wa Ĩsraelĩ.

Yeremĩa 7:19

Omwami Mukulu ati, Nĩ ngye bakapona kwehĩ? Sibeyipona ĩbobene, nʼeriyihemula kwehĩ?

Yeremĩa 7:26

Nĩkwa mobatanyowa, kutse eritega okũtũ kwabo, nĩkwa mobakongomĩa engoto yabo. Mobakola ebibi kwilaba abotata wabo.

Ezekĩelĩ 14:5

inatoka erihamba emitima yʼekihanda kya Ĩsraelĩ, ababiriyigaba ũkwʼĩngye busana nʼesyosanamu syabo syosĩ.

Ezekĩelĩ 16:33

Bakaha ebihembo oko bamalaya bosĩ. Nĩkwa uwe ukaha ebihembo byawe oko baragane bawe bosĩ, inukahabo esigulo, ibaminya erĩkũhĩkako oko mbande syosĩ busana nʼobũsĩngĩrĩ bwawe.

Ezekĩelĩ 16:45

Uwe uli mwali wa koyo wawe, Oyũkakwa ĩba wuwe nʼabana buwe bʼesyonye. Kandi uli mwali wabo bali benyũ, abakwa abĩba wabo nʼabana babo bʼesyonye. Koyo wawe abya Mũhĩtĩ, na tata wawe abya Mũamorĩ.

Danĩelĩ 9:11

Ega, Ĩsraelĩ bosĩ babĩrĩhalya oko bihano byawe, nʼerikitira ehandi, sĩbowe omulenge wawe; kyaleka eritakira ĩryahĩrwa ũkwʼĩtwe, nʼerĩlahĩrya eryasakawa omo bihano bya Musa omugombe wa Nyamuhanga; kusangwa twabirimukola nabi.

Zefania 1:6

Kandi abasuba enyũma erireka erikwama Omwami Mukulu; kandi abatasonda-sonda Omwami Mukulu, kutse erĩmũbũlya.

Emiganzo 32:14

Neryo, Ĩnywe mwabirihangana omo mwanya wʼabotata wenyũ, endeko yʼabandu bʼebibi eritomekerya erihitana erĩkalĩre lyʼOmwami Mukulu uku Ĩsraelĩ.

Matayo 11:28

Mwase ũkwʼĩngye, ĩnywe bosĩ ko mukanuba nʼeriheka ebĩrĩtohĩre, ngandibalũhũkya.

Matayo 23:33

Ĩywe nzoka, ĩnywe bana bʼesyonzoka! Mwasyabala muti olubanza lwʼomuliro wʼeKũlĩmũ.

Matayo 3:7

Neryo Yoane abere alangira Abafarĩsayo nʼAbasadũkayo bangi bakahĩka busana nʼerĩbatĩsĩbwa, mwabwirabo ati, Ĩnywe bana bʼesyonzoka, nindi wabahana erisaga erikarama erĩkandĩsyahĩka kwehĩ?

AbanyaRoma 8:7

Kusangwa omundu oyukakwama obũlangekanĩa bwʼomubiri nĩ nzĩgũ uku Nyamuhanga. Sialĩowa Emigambo ya Nyamuhanga, kandi sialitoka erĩowayo.

1 AbanyaKorinto 10:22

Tukasonda erĩhĩtanĩa Omukama kwehĩ? Ko tũmũlengĩrye maka kwehĩ?

Eryibuka Ebihano 29:25

Neryo abandu basyabũga bati, Kusangwa balekĩre endagano yʼOmwami Mukulu, Nyamuhanga wʼabotata-kulu wabo, eyo alagana nabo omugulu alũsayabo omo kihugo kyʼeMĩsĩrĩ.

Eryibuka Ebihano 31:16

Neryo Omwami Mukulu mwabũga na Musa ati, Lebaya, wasyeya abotata-kulu bawe; nʼabandu aba basyahangana, basyayira oburagane nʼesyonyamuhanga esĩtasĩbwe syʼekihugo eyo bakaya, basyanyĩsĩganĩa, nʼerĩtwa endagano yage eyo nabirilagana nabo.

Eryibuka Ebihano 32:19

Kandi Omwami Mukulu mwalangira, mwaponabo Busana nʼerĩhĩtanĩbwa nʼabagala buwe nʼabali buwe.

Eryibuka Ebihano 32:5

Babirimukola nabi, Si bana buwe, busana nʼekirema kyabo. Ni lulengo lwʼomwaga nʼolũhengemĩre.

AbanyaKolosai 1:24

Neryo lino ngatsema omo malĩge wage busana nenyũ. Kusangwa omo mubiri wage ngasangira amalĩge wa Kristo busana nʼomubiri wuwe ye kanĩsa. Ngawatĩkaya erĩberererya amalĩge wuwe.

Eribisurirwa 18:5

Kusangwa ebibi byago byabiritomengekana erĩhĩka elubula, Kandi Nyamuhanga abiryibuka amalolo wago.

Abatswerĩ 10:10

Neryo abana ba Ĩsraelĩ mobalakira Omwami Mukulu, bati, Twamakũhalyako kusangwa twabĩrĩsĩganĩa Nyamuhanga wetu, kandi twabirikolera esyo Balĩ.