Ĩsaya 1:30 - AMASAKO ABOYTRTRE WA NYAMUHANGA AWAKAHULAWA MO BIBLIA

³⁰ Kusangwa mwasyabya ngʼomuti wʼeterebĩntĩ ebikoma byago bikuma, kandi ngʼeririma erite mo magetsi.

Ĩsaya 1:30 Iomraidhean Croise

Enzũko 12:6

Neryo Abramu mwalaba omo kihugo erĩhĩka ahakahulawa mo Sekemũ, oko muti More. Omunya Kanana abya omo kihugo oko mugulu oyo.

Ĩsaya 5:6

Nage nasyaheryalyo, siryendisyakolerwa kutse eririmirwa, nĩkwa hasyalasa emisakisaki nʼamahwa. Nibya nasyahana ebĩtũ nyiti sĩbĩwĩsaye embũla yo kulyo.

Ĩsaya 58:11

Kandi Omwami Mukulu asyakusondola emigulu yosĩ, nʼerĩũgũtĩrya omutima wawe omo myanya yũmĩre, nʼerĩkala-kalya amakũha wawe. Kandi Wasyabya ngʼeririma lyahĩrawa mwʼamagetsi, kandi ngʼengũnũnũko yʼamagetsi, amagetsi wayo sialiuma.

Ĩsaya 64:5

Ũkahĩndana nʼoyũtsemĩre omwʼikola ekitunganene, oyukakwibuka omo nzira syawe. Lebaya, wabya uhitene, kusangwa twakola ebibi, motwasiba mubyo mugulu muli, kandi twanasyalamĩbwa kwehĩ?

Ĩsaya 64:6

Kusangwa ĩtwe bosĩ twabiribya ngʼoyũtũnda-tũndĩre, nʼemĩbĩrĩ yetu yosĩ itunganene iri ngʼolukimba lwĩtĩre nye, kandi ĩtwe bosĩ tukuma ngʼekikoma, nʼebibi byetu, bikatuheka ngʼerihunga.

Yeremĩa 31:12

Nabo basyasa nʼeriimbira oko kitwa kyʼeSĩonĩ nʼerĩũsũla nʼobubuya bʼOmwami Mukulu, oko ngano, nʼebĩnyũ bihya-bihya, nʼamagũta, nʼehyana hyʼesyombũlĩ, nʼehyʼesyonde. Nʼomutima wabo asyabya ngʼeririma lĩkahĩrawa mwʼamagetsi, kandi Sibendisyaswabya nʼobũlĩge nʼahake.

Ezekĩelĩ 17:24

Nʼemiti yosĩ yʼomolĩ yasyaminya ko ndi Mwami Mukulu. Ngakĩmaya omuti muli nʼerisumba omuti mũkũhĩ, nabĩrĩũmya omuti mubisi, nʼerĩboya omuti ogũmĩre. Ĩngye indi Mwami Mukulu. Nabĩrĩbũga, kandi nasyakolakyo.

Matayo 21:19

Neryo abere alangira omuti wʼomũtĩnĩ oko mũsĩke wʼenzira mwaya oko muti oyo, nĩkwa mwatabana kugo ko kindu, bye nʼebikoma bisa. Neryo Yesu mwabwira omuti wʼomũtĩnĩ ati, Siwendisyaswaheta na kera! Nʼomuti wʼomũtĩnĩ oyo muma neryo-neryo.