Ĩsaya 1:26 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁶ Kandi nasyasũbya abatswerĩ bawe ngoko babya erĩmbere, nʼabahanĩ bawe ngoko babya okwʼĩtsũka. Enyũma wʼaho wasyahulwa mo mũyĩ wʼeritunganene, mo mũyĩ owateregula.

Ĩsaya 1:26 Iomraidhean Croise

Ĩsaya 1:21

Ko mũyĩ owateregula amahinduka ati eribya mũsĩngĩrĩ, owabya oswĩre mwʼerĩbanza lyʼekwenene! Ebitunganene byabya bĩkere mugo, nĩkwa lino muli abĩtĩ.

Ĩsaya 2:3

Ebihanda bingi byasyayabũga biti, Mwase, tuhetukire oko kitwa kyʼOmwami Mukulu, oko nyũmba ya Nyamuhanga wa Yakobo, naye atoke erĩtũkangĩrĩrya esyonzira siwe, netu itwatoka erirendera omo syombalu siwe. Kusangwa omo Sĩonĩ mwasyalũa emigambo, nʼekĩnywa kyʼOmwami Mukulu kyasyahulukira eYerũsalema.

Ĩsaya 33:5

Omwami Mukulu amahamĩbwa, kusangwa ĩkere endata. Amũsũlya eSĩonĩ mwʼĩbanza lĩhĩkene nʼeritunganene.

Ĩsaya 54:14

Wasyahanganĩbwa omo litunganene. Wasyabya hali okwʼĩnũbĩbwa, kusangwa siwendisyubaha. Wasyabya hali okwʼĩũbahya, sĩryendĩsyahĩka hakũhĩ nawe.

Ĩsaya 60:14

Kandi abagala bʼabandu abakwagalaya, Basyakwasako bakakũnamira. Abosĩ abakupona basyayũnamya oko bisando byawe. Kandi basyakwahula mo mũyĩ wʼOmwami Mukulu, ESĩonĩ omũyĩ wʼOyũbũyĩrĩre wa Ĩsraelĩ.

Ĩsaya 60:21

Neryo abandu bawe basyabya batunganene abosĩ. Basyasĩgalya ekihugo kera na kera. Omutahi ogo nahera, omũbĩrĩ wʼebyala byage, Inatoka erikengwa.

Yeremĩa 31:23

Omwami Mukulu wʼemilondo, Nyamuhanga wa Ĩsraelĩ ati, Basyaswabũga ekĩnywa ekĩ omo kihugo kyʼeYũda nʼomo mĩyĩ yayo, omugulu nasyasũbũlya omũyĩsa wabo bati, Omwami Mukulu akutsumule uwe ahʼerĩĩkala litunganene, uwe kitwa kĩbũyĩrĩre.

Yeremĩa 33:11

omulenge wʼobutseme, nʼomulenge wʼeritsanga, nʼomulenge wʼĩba wʼomũherũkĩ, nʼomulenge wʼomũherũkĩ, nʼomulenge wʼabo abakabũga bati, Muhe ewasĩngya oko Mwami Mukulu wʼemilondo, kusangwa Omwami Mukulu ni mubuya, kusangwa obubuya buwe bʼolwanzo ni bwa kera na kera; nʼabakaleta esyohongo syʼewasĩngya omo nyũmba yʼOmwami Mukulu. Kusangwa Omwami Mukulu ati, Nasyasũbũlya omũyĩsa wʼekihugo ngoko abya erĩmbere.

Yeremĩa 33:7

Nasyasũbũlya omũyĩsa wa Yũda, nʼomũyĩsa wa Ĩsraelĩ, nʼerĩhĩmbaho ngoko babya erĩmbere.

Ezekĩelĩ 45:8

Ekĩ kyasyabya kitaka kiwe, enzĩgalĩ yiwe omo Ĩsraelĩ. Neryo abanya-mwami bage sĩbendĩsyaswanũbya abandu bage. Nĩkwa basyaha ekindi kitaka ekyo oko kihanda kya Ĩsraelĩ, ngʼebihanda byabo ko biri.

Mĩka 4:8

Nĩkwa uwe musunguliko wʼekihangulo, uwe katwa ka mwali wʼeSĩonĩ kyasyakũhĩkako, ega, eritabala lyʼerĩmbere lyasyasa, bo bwami bwʼomwali wʼeYerũsalema.

Zefania 3:13

Neryo abasĩgalira ba Ĩsraelĩ sibendisyakola ebibi, kutse erĩbũga amabehĩ; kutse omo muno wabo simwendisyabanika olulimi lwʼeriteba; kusangwa basyalya nʼerigotsera, isihali oyo wasyatĩtĩmanĩabo.

Zefania 3:9

Kusangwa oko mugulu oyo nasyaha ebihanda emĩnywa yerĩre, abosĩ batoke erilakira erĩna lyʼOmwami Mukulu, erimukolera nʼeriyisinga hagumaguma.

Zekarĩa 8:3

Omwami Mukulu akabũga ati, Nasyasuba eSĩonĩ, nasyĩkala omo katĩkatĩ kʼeYerũsalema. Neryo eYerũsalema yasyahulwa mo Mũyĩ Wʼekwenene; nʼekitwa kyʼOmwami Mukulu Wʼemilondo kyasyahulwa mo Kitwa Kĩbũyĩrĩre.

Zekarĩa 8:8

nage nasyaletabo kandi, nabo basyĩkala omo Yerũsalema; basyabya bandu bage, nage nasyabya Nyamuhanga wabo, omo kwenene nomo litunganene.

Emiganzo 12:3

Nĩkwa Musa abya mundu molo, kwilaba abandu bosĩ ababya omo kihugo.

Emiganzo 16:15

Neryo Musa mwahitana kutsibu, mwabwira Omwami Mukulu ati, Sũlĩge obuhere bwabo; Sĩndĩtĩmya nʼepunda nʼenguma kubo, kutse erĩhũtalya muguma wa kubo.

Eribisurirwa 21:27

Kandi sihali ekĩtĩsĩrĩre, kutse omundu oyukakola esyonye, kutse oyukabiha. Nĩkwa ba nʼabandu amena wabo awasakĩre omo kitabu kyʼengebe kyʼEkyana kyʼEmbũlĩ, basyingira omo mũyĩ oyo.