Ĩsaya 1:21 - AMASAKO ABOYTRTRE WA NYAMUHANGA AWAKAHULAWA MO BIBLIA

²¹ Ko mũyĩ owateregula amahinduka ati eribya mũsĩngĩrĩ, owabya oswĩre mwʼerĩbanza lyʼekwenene! Ebitunganene byabya bĩkere mugo, nĩkwa lino muli abĩtĩ.

Ĩsaya 1:21 Iomraidhean Croise

2 Samwelĩ 8:15

Neryo Dawĩdĩ mwatabalira Abaĩsraelĩ bosĩ; kandi Dawĩdĩ mwatwa erĩbanza litunganene oko bandu buwe bosĩ.

2 Emyatsi yʼEmigulu 19:9

Neryo mwahanabo ati, Ko mwasyakola mutya omwʼeriubaha lyʼOmwami Mukulu, obutalegula, nʼomo mutima gosĩ.

Nehemĩa 11:1

Nĩkwa abasondolĩ bʼabandu mobĩkala eYerũsalema; nʼabandi bandu mobagusa omugereko, erireta omuguma wʼerĩkũmĩ erĩĩkala eYerũsalema omũyĩ owabũyĩrĩre, nʼabandi mwenda ĩbĩkala omo yindi mĩyĩ.

Esyonyimbo 46:4

Hali olũsĩ olukaleta obutseme oko mũyĩ wa Nyamuhanga. Nʼoko nyũmba ĩbũyĩrĩre yʼOwendata Kutsibu.

Esyonyimbo 48:1

Omwami Mukulu ni mukulu, atolere eripipwa kutsibu, Apipawe omo mũyĩ wa Nyamuhanga wetu, oko kitwa kiwe kĩbũyĩrĩre.

Esyonyimbo 48:8

Twabĩrĩowa emyatsi eyĩ, na lino twabirilangirayo Omo mũyĩ wa Nyamuhanga wetu, Omo mũyĩ wʼOmwami Mukulu Omũtokĩ Wʼebyosĩ; Asyateyago omo buholo kera na kera.

Ĩsaya 1:22

Ebĩtsĩpa byawe byamabya mahungu, nʼebĩnyũ byawe, byamatũlũngana nʼamagetsi.

Ĩsaya 26:10

Omubi nomo angaganyirwa, Sĩalĩrĩga ekitunganene; Omo kihugo kyʼeritunganene akakola, ekite kyʼekwenene. Kandi sialilangira obukulu bwʼomwami Mukulu.

Ĩsaya 48:2

Kusangwa bakayahula abʼomũyĩ abũyĩrĩre, bakasegemera Nyamuhanga wa Ĩsraelĩ. Omwami Mukulu wʼemilondo lyo lĩna liwe.

Ĩsaya 5:7

Kusangwa eririma lyʼebĩnyũ lyʼOmwami Mukulu wʼemilondo ni kihanda kyʼeĨsraelĩ, nʼabandu ba Yũda bo mwaka wʼerĩmũtsemesya. Neryo mwabya nʼamaha wʼerĩbanza, nĩkwa lebaya erĩũta omusasi musa, abya nʼamaha erilola okwʼitunganana, nĩkwa lebaya, kwesĩ ni milake yʼobũlĩge.

Ĩsaya 59:14

Nʼerĩbanza lĩkasũbĩbawa enyũma, nʼeritunganene lyamahangana hali, kusangwa ekwenene yabĩrĩtwĩkala omo nzira nene, nʼekitunganene sikyetoka eriingiramo.

Ĩsaya 59:15

Ega, ekwenene ikabula. Nʼoyukaleka ebibi akayiyira mo munyego. Neryo Omwami Mukulu mwalangira ekyo, neryo mwatatsemesĩbwa kusangwa sihabya erĩbanza litunganene.

Ĩsaya 59:3

Kusangwa ebyala byenyũ byabiritsanda omo musasi, nʼeminwe yenyũ yabiritsanda nʼebibi. Emĩnywa yenyũ yabĩrĩbũga amabehĩ, olulimi lwenyũ lwabĩrĩbũga-bũga ebibi.

Yeremĩa 3:1

Nyamuhanga akabũga ati, Omundu amahiga omũkalĩ wuwe, naye akamũlũako, nʼeriya oko gundi mundu asyamusubira kwehĩ? Ekihugo ekyo sikyendisyatsanda kutsibu kwehĩ? Nĩkwa uwe wabĩrĩsĩngĩra nʼabaragane bangi, nĩkwa ukanyisubako, Omwami Mukulu atya.

Hosea 11:12

Efũraĩmũ akanyĩtĩmbako nʼamabehĩ, nʼekĩtũnga kya Ĩsraelĩ kĩkanyĩtĩmbako omwʼiteba; Yũda naye akaleta omwaga uku Nyamuhanga, akaleta omwaga oko Yũbũyĩrĩre, oyuteregula.

Hosea 2:5

Kusangwa nyĩnya wabo mwayendya; oyo wahekabo omo bukule abirikola esĩsonĩ; kusangwa abũga ati, Ngandikwama abaragane bage abakamba akalyo kage nʼamagetsi wage, obweya bwʼembũlĩ bwage nʼekĩtanĩ kyage, nʼamagũta wage nʼebyʼerĩpũlya byage.

Habakũkĩ 1:4

Busana nʼekyo, emigambo ikaponawa, nʼerĩbanza siryebanika; kusangwa ababi bakatĩmba oko batunganene; busana nʼekyo erĩbanza likahuluka ĩrĩnahengemĩre.

Zekarĩa 8:3

Omwami Mukulu akabũga ati, Nasyasuba eSĩonĩ, nasyĩkala omo katĩkatĩ kʼeYerũsalema. Neryo eYerũsalema yasyahulwa mo Mũyĩ Wʼekwenene; nʼekitwa kyʼOmwami Mukulu Wʼemilondo kyasyahulwa mo Kitwa Kĩbũyĩrĩre.

Luka 13:34

Uwe Yerũsalema, Yerũsalema! Ũkĩta abamĩnyererĩ nʼerĩĩtabo omo mabwe abatumawa ukʼuwe! Ngendo singahi nabya nyanzĩre erĩhĩndanĩa abana bawe bo haguma, ngʼerĩbũtĩ ko lĩkahĩndanaya emĩpyege yalyo omo bĩpũpa byalyo, nĩkwa Simwabya mwanzĩre!

Emibiri 7:52

Nindi oko bamĩnyererĩ oyo aboso-kulu wenyũ batendereraya kwehĩ? Kandi mobĩta abakwenda abatũla omwatsi wʼerĩhĩka lyʼOyutunganene. Na lino ĩnywe mwabirihotera oyo nʼerĩmwĩta.

AbaEbrania 12:22

Nĩkwa ĩnywe mwabĩrĩhĩka oko kitwa kyʼeSĩonĩ, nʼomũyĩ wa Nyamuhanga oyuliho, nʼoko Yerũsalema yʼelubula, nʼoko bamalaĩka abateganzika.

Eribisurirwa 11:2

Nĩkwa Ũsĩge ekibuga ekiri eyĩhya oko Hekalũ. Sulengekyo, kusangwa kyabirihabwa oko bihanda, nabo basyalyatangirira Omũyĩ Abũyĩrĩre emikera makũmĩ ani nʼeyĩbĩrĩ.

Eribisurirwa 11:8

Nĩkwa ebĩnda byabo byasyabya omo nzira yʼomũyĩ mukulu aho Mukama abambirawa oko musalaba. Omũyĩ oyo akahulawa omwʼĩkũmbo mo Sodomo nʼeMĩsĩrĩ.

Eribisurirwa 17:1

Nĩkwa omuguma wʼoko bamalaĩka balinda ababya nʼebibindi birinda mwambĩkako mwambwira ati, Wase hano, ngandĩkũkangya erisuyira lyʼomũmalaya mukulu gʼomũyĩ munene owahĩmbĩre hakũhĩ nʼesyonyũsĩ nyingi.