Ĩsaya 1:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Mũhũlĩkĩrĩraye, ĩnywe kyanya, mutege amatwĩ ĩnywe kihugo, kusangwa Omwami Mukulu abĩrĩbũga ati, Nabirilembera nʼerĩkũlya abana, kandi babirihona kwĩngye.

Ĩsaya 1:2 Iomraidhean Croise

2 Abami 21:22

Kandi mwasĩganĩa Omwami Mukulu, Nyamuhanga wʼabotata-kulu buwe, mwatalendera omo nzira yʼOmwami Mukulu.

Esyonyimbo 49:1

Ĩnywe bihanda byosĩ, mowe ekĩ! Ĩnywe bandu bosĩ bʼekihugo, muhulikirire,

Esyonyimbo 50:4

Akabirikira olubula nʼekihugo ngʼabalangĩrĩ, Balangire akatswera abandu buwe.

Ĩsaya 30:1

Omwami Mukulu ati, Obũlĩge oko bana bʼerihona, abakakola omwatsi owate wage. Nʼabakayira erisakana erite ryʼEkĩrĩmũ kyage, bati bakatomekera ebibi oko bibi.

Ĩsaya 30:9

Kusangwa aba ni bandu bʼerihona, ni bana bʼamabehĩ, ni bana batanzĩre erĩowa erĩkangĩrĩrya lyʼOmwami Mukulu.

Ĩsaya 31:6

Musube oko yo mwahonako kutsibu, ĩnywe bana ba Ĩsraelĩ.

Ĩsaya 34:1

Ĩnywe bihanda mwase hakũhĩ, mubane erĩowa, muhulikirire, ĩnywe bandu! Ekitaka kihulikirire, nʼebyoswĩre mukyo byowe, ekihugo nʼebindu byosĩ ebikahuluka mukyo.

Ĩsaya 63:16

Kusangwa uli Tata wetu, nomo Abrahamũ atanatwasĩ, na Ĩsraelĩ sialituminya. Uwe, Mwami Mukulu uli Tata wetu, Omũtongolya wetu erĩtsũka kera lyo lĩna lyawe.

Ĩsaya 65:2

Nabĩrĩkanganĩa ebyala byage omo musibo gosĩ oko bandu bʼerihona, abakalendera omo nzira ĩtowene, ibakakwama amalengekanĩa wabo.

Yeremĩa 13:15

Ĩnywe mowe, mutege okũtũ; simuyiheke, kusangwa Omwami Mukulu abĩrĩbũga.

Yeremĩa 22:29

Uwe kihugo, ekihugo, ekihugo, uhulikirire ekĩnywa kyʼOmwami Mukulu!

Yeremĩa 3:22

Ĩnywe bana abakalegula, musubule, nasyalamya eriregula lyenyũ. Lebaya, twamasa ukʼuwe, kusangwa uli Mwami Mukulu Nyamuhanga wetu.

Yeremĩa 31:9

Basyasa bakalira. Kandi nasyasondolabo ibanemusaba. Nasyalabyabo ahali esyonyũsĩ syʼamagetsi, omo nzira itunganene ĩsĩbendĩsyatwĩkala muyo. Kusangwa indi tata busana na Ĩsraelĩ, na Efũraĩmũ ni kambere kage.

Yeremĩa 6:19

Uwe kihugo, uhulikirire. Ũlebaye, nasyaleta erĩkwa oko bandu aba, bye bĩgũma byʼerĩyĩtsũtsa lyabo, kusangwa sibetahulikirira ebĩnywa byage, nʼemigambo yage babiriganayo.

Ezekĩelĩ 24:3

Uguse omũsyo busana nʼenyũmba eyĩ yʼerihona, ubwirebo uti, Omukama Iye Omwami Mukulu ati, Uteke enyungu, uteke yoho, gũte amagetsi omwisi wayo.

Ezekĩelĩ 36:4

Busana nʼekyo, ĩnywe bitwa bya Ĩsraelĩ, muhulikirire ekĩnywa kyʼomukama Iye Omwami Mukulu. Omukama Iye Omwami Mukulu, akabwira ebitwa nʼehitwa, nʼemigende, nʼemisya, nʼebĩma byʼemilala, nʼemĩyĩ eyasĩganĩbawa, eyabiribya minyegwa nʼerĩsekererĩbwa nʼoko bindi bihanda ebĩtĩmbĩre kugo.

Amosĩ 3:1

Mowe ekĩnywa ekĩ, Omwami Mukulu abĩrĩbũga erilwa nenyũ, ĩnywe bana ba Ĩsraelĩ, erilwa nʼekĩtũnga kyosĩ ekyo nalũsaya omo kihugo kyʼeMĩsĩrĩ, nyiti;

Mĩka 1:1

Ekĩnywa kyʼOmwami Mukulu ekyahĩka uku Mĩka Omũmorasĩtĩ omo biro bya Yotama, Ahazĩ, na Hezekĩa, abami bʼeYũda, ekyo alangira omo nzolĩ busana nʼeSamarĩa nʼeYerũsalema.

Mĩka 1:2

Ĩnywe bihanda, ĩnywe bosĩ, mowe! Uwe kihugo nʼebyosĩ birimo uhulikirire, kandi Omukama, Omwami Mukulu abye mũlangĩrĩ busana nenyũ, Omukama omo Hekalũ yiwe ĩbũyĩrĩre.

Mĩka 3:8

Nĩkwa ĩngye nyoswĩre nʼamaka, nyoswĩre nʼOmũlĩmũ wʼOmwami Mukulu, nʼerĩbanza, nʼobulume-lume erĩtũlĩra Yakobo amalolo wuwe na Ĩsraelĩ ebibi biwe.

Malakĩ 1:6

Omugala akasĩkaya tata wuwe, nʼomugombe akasĩkaya omukama wuwe. Neryo namabya indi tata, erĩsĩkĩbwa lyage liri hahi kwehĩ? Kandi namabya indi mukama, erinyikenga liri hahi kwe­hĩ? Omwami Mukulu Wʼemilondo akabũga nʼĩnywe bahererĩ abakapona erĩna lyage, Nenyũ muti, Tukapona erĩna lyawe umu kyahi kwehĩ?

Emibiri 4:20

Kusangwa Sitwangatoka erireka erĩbũga ebyo twabirilolako nʼebyo twabĩrĩowa.

Eryibuka Ebihano 1:31

Nʼomo mbwarara, eyo mwalangirira ngoko Mwami Mukulu abaheka, ngoko mundu akaheka mugala wuwe, omo nzira yosĩ mwasiramo erĩhĩka hano.

Eryibuka Ebihano 30:19

Ngabirikira olubula nʼekihugo eribya balangĩrĩ benyũ mũnabwĩre, ngoko nabĩrĩhĩra embere syenyũ engebe nʼoluholo, eritsumula nʼeritakira. Neryo muyisoge engebe, imwatoka eribyaho, ĩnywe nʼabana benyũ;

Eryibuka Ebihano 32:1

Mutege okũtũ, ĩnywe matũkũ, muleke nyĩbũge; Nʼekihugo kyowe ebĩnywa byʼobuno bwage.

Eryibuka Ebihano 4:26

ngabirikira olubula nʼekihugo eribya mũlangĩrĩ mũnabwĩre, mukandisyahera kwenene lũba omo kihugo ekyo mukasokerako, eYorodanĩ erĩsĩgalyakyo. Simwendĩsyakanyĩrĩrya ebiro byenyũ mukyo, nĩkwa mwasyahwerekererĩbwa kutsibu.