Ĩsaya 1:16 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁶ Mũyeraye, muyikose. Mũlũsaye obubi bwʼerikola lyenyũ embere syʼameso wage. Mũmbaye okwʼikola ebibi.

Ĩsaya 1:16 Iomraidhean Croise

2 Abami 17:13

Nĩkwa Omwami Mukulu mwakunga Ĩsraelĩ na Yũda, omo buno bwʼobuli mũmĩnyererĩ, nʼobuli mũlangĩrĩ ati, Mubinduke oko syonzira syenyũ nyibi, mũtegaye ebihano byage nʼemigambo yage, ngʼemigambo yosĩ eyo nahana abotata wenyũ nʼebyo nabatumirako omo buno bwʼabamĩnyererĩ, abagombe bage.

Esyonyimbo 26:6

Nganaba oko byala nyiti Sindi ko musango, Uwe Mwami Mukulu, ngandĩtĩmba oko kiherero kyawe erĩkũramya.

Esyonyimbo 34:14

Mũbũnũkale oko bibi, mukole ebibuya; Mũsonda-sondaye obuholo, mukwamirirebo.

Esyonyimbo 37:27

Ũbũnũkale oko bibi, Ukole ebibuya, Neryo wasyakotera omo kihugo.

Esyonyimbo 51:2

Ũnyeraye ndeke kwʼebibi byage, Ũnyĩnabaye kwʼamalolo wage!

Emĩsyo 21:3

Erikola eritunganene nʼekwenene. Bĩkalĩgawa nʼOmwami Mukulu kwilaba ehongo.

Emĩsyo 4:27

Sukitire oko byala byʼamali kutse ebyʼamalembe. Ũlũsaye ekisando kyawe kyʼoko kibi.

Ĩsaya 52:11

Mũlũeho, mũlũeho, mugende mũlũeho, sĩmũtũle oko kindu kĩtĩsĩrĩre. Mũlũe omo katĩkatĩ kago, mũyeraye, ĩnywe mukaheka ebindu byʼOmwami Mukulu.

Yeremĩa 18:11

Neryo lino ũbũge nʼabandu bʼeYũda nʼoko syondũlanĩ syʼeYerũsalema uti, Omwami Mukulu ati, Ngakokotaya erĩkwa busana nawe, ngayĩsũnza omwatsi busana nawe. Mũbũnũkale, obuli mundu aleke enzira yiwe nyibi, mũkokotaye esyonzira syenyũ nʼemĩbĩrĩ yenyũ yo ndeke.

Yeremĩa 25:5

bati, Mũbũnũkale lino obuli mundu erireka enzira yiwe nyibi, nʼerireka ebibi byʼemĩbĩrĩ yenyũ, mwĩkale omo kihugo ekyo Mwami Mukulu abiribaha nʼabotata wenyũ busana na kera na kera.

Yeremĩa 26:3

Kwamũhwa basyowa, nʼeribinduka erireka ebibi obuli mundu oko nzira nyibi yiwe, neryo inatoka erireka obũlĩge naganĩraya erikolerabo busana nʼobubi bwʼemĩbĩrĩ yabo.

Yeremĩa 35:15

Kandi nabiribatumira abagombe bage bosĩ abamĩnyererĩ, eritumabo kandi nʼakandi nyiti, Lino musubule obuli mundu alũe omo nzira nyibi yiwe, mũtũngananaye emĩbĩrĩ yenyũ, kandi simukwame esindi nyamuhanga erĩramyasyo, neryo mwasyĩkala omo kihugo ekyo nabiribaha nʼabotata-kulu wenyũ. Nĩkwa momutatega amatwĩ wenyũ, kutse erimbulikirira.

Yeremĩa 4:14

Uwe Yerũsalema, weraye omutima wawe kwʼebibi, ubane erĩlamĩbwa. Amalengekanĩa wawe mabi asyĩkala omwisi wawe erĩkolyahi kwehĩ?

Amosĩ 5:15

Mwagalirawe oko bibi, mwanze ebibuya; mũhanganaye erĩbanza litunganene omo lũkyo; Omwami Mukulu Wʼemilondo aganyire amasĩgalira wa Yosefũ.

Yona 3:8

Nĩkwa baswikawe emisarandwe, abandu nʼesyonyama, kandi abandu balakire Nyamuhanga yo kutsibu; ega, babinduke obuli mundu erĩlũa omo nzira yiwe nyibi, nʼerĩlũa omo butsibu obuli omo byala byabo.

Zekarĩa 13:1

Omo kiro ekyo hasyabya eyĩsoko yasyalĩbũlwa busana nʼekĩtũnga kya Dawĩdĩ nʼoko syondũlanĩ syʼeYerũsalema, busana nʼebibi nʼebĩtĩsĩrĩre.

Zekarĩa 7:7

Ebĩ sĩ bĩnywa ebyo Mwami Mukulu akanganaya omo bamĩnyererĩ bʼerĩmbere, omugulu Yerũsalema abya mwʼabandu nʼerigasa, haguma nʼemĩyĩ yako eyĩtĩmbĩreko, nʼekihugo kyʼelutambi lwʼeyĩkwa nʼehitwa hyʼekihugo kyʼeyĩkwa byabya mo bandu kwehĩ?

Matayo 3:8

Mukole emĩbĩrĩ eyikaleka abandu ibaminya ko mwabiribindula emitima erireka ebibi byenyũ.

Emibiri 22:16

Na lino, ukalinda busana nakĩ kwehĩ? Hangana, ũbatĩsĩbawe, kandi Ulakire erĩna liwe, ebibi byawe byerĩbawe.

AbanyaRoma 12:9

Olwanzo lubye butsira eriteba. Ũkwe ekibi kyo nye. Ukwamirire ekibuya.

2 AbanyaKorinto 7:1

Neryo ĩnywe banze betu, kusangwa tuwite esyondagane esĩ, tũyĩtegaye oko bĩtĩsĩrĩre byosĩ ebyʼomubiri nʼebyʼekĩrĩmũ, kandi tusonde eribya ababũyĩrĩre ndeke, nʼerirendera omo lubahwa lwa Nyamuhanga.

Yakobo 4:8

Mũyĩtũnde hakũhĩ na Nyamuhanga, naye akandĩyĩtũnda hakũhĩ nenyũ. Mũnabaye ebyala byenyũ, ĩnywe bakola-nabi! Mweraye emitima yenyũ ĩnywe mũkayĩtendereraya.

1 Petero 2:1

Neryo mũyĩlũsaye kwʼebibi byosĩ, nʼeribiha lyosĩ, nʼerĩyĩtendererya, nʼeritsura, nʼerirega abandi ryosĩ.

1 Petero 3:11

Ahũtatire ekibi, akole ebibuya; Asonda-sondaye Obuholo, nʼerikwamirirabo.

Eribisurirwa 7:14

Neryo monamubwira nyiti, Mukama wage, ũnasĩ. Neryo mwambwira ati, Aba ni bandu abakalũa omwʼendererya lĩnene, ĩbabĩrĩerya esyokanzu syabo nʼeriyirasyo mo nyeru-nyeru omo musasi wʼEkyana kyʼEmbũlĩ.