Ĩsaya 1:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Omwami Mukulu ati, Erikanyirira ryʼamahere wenyũ nĩkĩ ũkwʼĩngye kwehĩ? Bibye bingaho, amahere wʼerĩokererya wʼesyombangale busana nage, nʼebĩsabũ byʼesyonyama sĩnenehĩre. Sinditsemera omusasi wʼesyonume syʼesyonde, kutse owʼehyana hyʼesyombũlĩ, kutse owʼesyombaya.

Ĩsaya 1:11 Iomraidhean Croise

Esyonyimbo 40:6

Sulitsemera amahere nʼamatolere; Sũlĩbũlaya amahere wʼerĩokererya kutse amahere busana nʼerĩlũsya ebibi, Nĩkwa wabirinyiha amatwĩ wʼerĩkowa.

Esyonyimbo 50:8

Sindikukunga busana nʼamahere wawe, Nʼamahere wʼerĩokererya ago ukanyiherera ebiro byosĩ.

Esyonyimbo 51:16

Sĩwanzĩre amahere, kite kitya kumbe namakuhago; Sulitsemera amahere wʼerĩokererya.

Emĩsyo 15:8

Obuhere bwʼababi ni nye oko Mwami Mukulu; Nĩkwa erisaba lyʼabatunganene ni butseme buwe.

Emĩsyo 21:27

Ehongo yʼababi ni nye; Nĩkwa kwilaba aho, omugulu akaletayo nʼobũlengekanĩa bubi.

Emĩsyo 21:3

Erikola eritunganene nʼekwenene. Bĩkalĩgawa nʼOmwami Mukulu kwilaba ehongo.

Ĩsaya 58:2

Nĩkwa bakanyisonda-sonda ebiro byosĩ, bakatsema eriminya enzira yage, ngʼekihanda ekyakola eritunganene, nʼerĩtĩndasĩganĩa ebilayiro bya Nyamuhanga wabo. Bakanyĩbũlaya erĩtwa omwatsi omo lĩbanza litunganene, bakatsema kusangwa Nyamuhanga ali hakũhĩ.

Ĩsaya 66:3

Oyukakera ende ali ngʼoyũkĩta omundu. Oyukahonga ekyana kyʼembũlĩ alingene nʼovũkabũna ebĩkya byʼembwa. Oyukahera obuhere bwʼengano ali ngʼovukahera omusasi wʼengulube. Oyũkokaya obukwa ali ngʼoyukatsumula esanamu. Kusangwa babiriyisoga esyonzira syabo, nʼomutima wabo akatsemera esyonye syabo;

Yeremĩa 6:20

Obukwa obũkalũa eSeba bũkanyĩhĩkako busana nakĩ kwehĩ? Nʼekiseke kĩsĩhĩre ekĩkalũa omo bihugo byʼehali kwehĩ? Amahere wenyũ wʼerĩokererya sĩalĩgĩrwe, kutse amahere wenyũ sĩalĩnyĩtsemesaya.

Yeremĩa 7:21

Omwami Mukulu wʼemilondo, Nyamuhanga wa Ĩsraelĩ ati, Mutomekere amahere wenyũ wʼerĩokererya oko syohongo syenyũ, mulye esĩswĩ.

Hosea 6:6

Kusangwa ngasonda obubuya, butsira amahongo; kandi eriminya Nyamuhanga kwilaba amahere wʼerĩokererya.

Hosea 8:13

Nĩkwa amahongo wʼamahere wage, bakahonga esĩswĩ ibalyasyo; nĩkwa Omwami Mukulu sĩalĩrĩgasyo; lino akandisyibuka ebibi byabo, nʼerisuyirabo busana nʼebibi byabo; basyasuba eMĩsĩrĩ.

Amosĩ 4:5

Muhere obuhere bwʼeriha ewasĩngya obuli kwʼekĩhamya, mũtũle omwatsi wʼamahere wʼerianza erĩhĩtya, mũtũlaganaye engulu yago. Kusangwa litya mwanzĩre erikola, ĩnywe bana ba Ĩsraelĩ, Omukama, Omwami Mukulu akabũga atya.

Amosĩ 5:21

Ngakwa ebiro bikulu byenyũ byʼobusu, nʼerigana erirya ĩnene lyenyũ, kandi Sinditsemera esyondeko syenyũ sĩbũyĩrĩre.

Amosĩ 5:22

Nomo mwanganyiherera amahere wenyũ wʼerĩokererya, nʼamahere wenyũ wʼengano, sĩndĩendĩsyalĩgago; kandi sĩndĩendĩsyalebya amahere wʼobuholo wʼesyonyama syenyũ sĩnenehĩre.

Mĩka 6:7

Omwami Mukulu akatsemera esyombangale elfu nguma, kutse nʼamaelfu ĩkũmĩ wʼesyonyũsĩ syʼamagũta kwehĩ? Nasyaha akambere kage busana nʼerĩlolo lyage, nʼomwana wʼomubiri wage busana nʼekibi kyʼekĩrĩmũ kyage kwehĩ?

Hagaĩ 2:14

Neryo Hagaĩ mwasũbĩrya ati, Abandu aba ko bali batya, nʼekihanda ekĩ ko kiri kitya embere syage, Omwami Mukulu atya; nʼobuli mũbĩrĩ wʼebyala byabo kwʼali atya; nʼebyo bakahongeraho bĩtĩsĩrĩre.

Zekarĩa 7:5

Ubwire abandu bosĩ bʼekihugo nʼabahererĩ, uti, Omugulu mwatsira akalyo nʼeririra omo mukera wʼakatanu nʼowʼakalinda emyaka eyĩ makũmĩ alinda, momwanatsira akalyo busana nage kwenene kwehĩ?

Malakĩ 1:10

Kumbe hali muguma omo katĩkatĩ kenyũ oyo wangakinga esyongyo, isimwangakya omuliro go busa oko kiherero kyage! Omwami Mukulu Wʼemilondo ati, Sindibatsemera, kutse Sindiendĩsyalĩga obuhere omo byala byenyũ.

Emiganzo 7:45

enume nguma yʼende, nʼembangale nguma, nʼakabangale kʼomwaka muguma, eribya buhere bwʼerĩokererya;

Matayo 22:4

Kandi mwatuma abandi bagombe ati, Mubwire abatumirawako muti, Lebaya, nabĩrĩkokotya erirya; esyonde syage, nʼesyosabwe syabĩrĩsĩnzwa, nʼebyosĩ bĩlũmĩre. Mwase okwʼirya lyʼerĩherũkya!

Matayo 9:13

Nĩkwa mugende mwige ekĩsakĩre kiti, Ngasonda eriganyira, butsira obuhere bwʼesyonyama; kusangwa sinasa eribirikira abatunganene, nĩkwa abakolanabi.

1 Samwelĩ 15:22

Neryo Samwelĩ mwabũga ati, Ko Mwami Mukulu asĩmĩre amahere wʼerĩokererya nʼamahere ngʼerikenga omulenge wʼOmwami Mukulu kwehĩ? Lebaya, erĩowa lyowene kwilaba amahere, nʼerihulikirira lĩlabĩre ebĩsabũ byʼesyombangale.