Ĩsaya 1:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Obũlĩme bwa Ĩsaya mugala wa Amosĩ, obo alangira busana nʼeYũda nʼeYerũsalema, omo biro bya Ũzĩa, Yotamũ, Ahazĩ, na Hezekĩa, abami bʼeYũda.

Ĩsaya 1:1 Iomraidhean Croise

2 Abami 15:1

Oko mwaka wʼamakũmĩ abiri nʼeyirinda wa Yeroboamũ omwami wa Ĩsraelĩ, Azarĩa mugala wa Amazĩa omwami wa Yũda mwatsũka eribya mwami.

2 Abami 15:13

Salumu mugala wa Yabesĩ mwabya mwami omo mwaka wʼamakũmĩ asatu nʼomwenda wa Ũzĩa omwami wa Yũda; neryo mwatabala oko mugulu wʼomukera muguma e: Samarĩa.

2 Abami 15:32

Omo mwaka wʼakabiri wa Peka mugala wa Remalĩa omwami wa Ĩsraelĩ, Yotamũ mugala wa Ũzĩa omwami wa Yũda mwatsũka eribya mwami.

2 Abami 15:7

Neryo Azaria mweya abotata-kulu buwe; neryo mobamuta ahali abotata-kulu buwe omo mũyĩ wa Dawĩdĩ; na Yotamũ mugala wuwe mwabya mwami omo mwanya wuwe.

2 Abami 18:1

Neryo oko mwaka wʼakasatu wa Hosea mugala wa Ela omwami wa Ĩsraelĩ, Hezekĩa mugala wa Ahazĩ omwami wa Yũda mwatsũka eribya mwami.

2 Abami 19:2

Neryo mwatuma Elĩakĩmũ, oyo wabya mũhanganĩrĩ wʼenyũmba yiwe, na Sebũna omũhandĩkĩ nʼabakulu bʼabahererĩ, ibanambite emisarandwe, ahali Ĩsaya mugala wa Amosĩ.

2 Emyatsi yʼEmigulu 26:1

Nʼabandu bosĩ ba Yũda mobĩmya Ũzĩa oyo wabya wʼemyaka erĩkũmĩ nʼendatu, mobamuyira mo mwami omo mwanya wa tata wuwe Amazĩa.

2 Emyatsi yʼEmigulu 26:22

Neryo eyindi mĩbĩrĩ ya Ũzĩa, eyʼerĩmbere nʼeyʼerĩnyũma, omũmĩnyererĩ Ĩsaya mugala wa Amosĩ, mwasakayo.

2 Emyatsi yʼEmigulu 27:1

Yotamũ abya wʼemyaka makũmĩ abiri nʼeyĩtanu omugulu atsũka eribya mwami, neryo mwatabala eYerũsalema emyaka ĩkũmĩ nʼendatu; nʼerĩna lya koyo wuwe lyabya Yerũsa mwali wa Zadokĩ.

2 Emyatsi yʼEmigulu 28:1

Ahazĩ abya wʼemyaka makũmĩ abiri omugulu atsũka eribya mwami, neryo mwatabala eYerũsalema emyaka ĩkũmĩ na ndatu; kandi mwatakola ekitunganene omo meso wʼOmwami Mukulu, nga tata wuwe Dawĩdĩ.

2 Emyatsi yʼEmigulu 29:33

Nʼebindu ebyahigulawa byabya esyonde syʼobulume magana ndatu (600) nʼesyombũlĩ elfu ĩsatu (3,000).

Esyonyimbo 89:19

Kera omo nzolĩ mowabwira abagombe bawe abateregula, uti, Nabĩrĩhĩra embĩta oko mbangĩ, Nabiriha ekĩtũmbĩ kyʼobwami oko mundu oyo wayisogawa omo katĩkatĩ kʼabandu.

Ĩsaya 13:1

Eriminyerera busana nʼeBabelĩ, eryo Ĩsaya mugala wa Amosĩ alangira.

Ĩsaya 2:1

Ekĩnywa ekyo Ĩsaya mugala wa Amosĩ alangira busana na Yũda nʼeYerũsalema.

Ĩsaya 20:2

Oko mugulu oyo, Omwami Mukulu mwabũgĩra umu Ĩsaya mugala wa Amosĩ ati, Ugende, uyambule emiremba omo mbindi yawe, uyambule engendero omo bisando byawe. Naye mwakola atya, mwagenda ndũmbũ nʼebisando biwe busa.

Ĩsaya 21:2

Namakangĩbwa erilota lĩkalĩre, Omũtebya akinakola ebyʼamatebo, nʼOmũherya akĩnaheraya. Hetuka, uwe Elamũ, uwe Medĩa, ugotere. Nabiribuga erĩsĩmba lyosĩ eryo abirituma.

Ĩsaya 37:2

Neryo mwatuma Elĩakĩmũ, oyo wabya mwĩmanĩrĩ wʼenyũmba, na Sebũna omũhandĩkĩ, nʼabakulu bʼabahererĩ, ibabiriyiswika oko misarandwe, eriya eyiri omũmĩnyererĩ Ĩsaya mugala wa Amosĩ.

Ĩsaya 38:1

Oko biro ebyo Hezekĩa mwalwala endwala yʼerihola. Ĩsaya mugala wa Amosĩ mwamũhĩkako, mwamubwira ati, Omwami Mukulu ati, Ũtegekanaye emyatsi yʼekĩtũnga kyawe, kusangwa ukandihola, siwendisyabyaho.

Ĩsaya 40:9

Uwe Sĩonĩ ũkatũla engulu yowene, Usambe oko kitwa kiri-kiri. Usumbe omulenge wawe go kutsibu, Nawe Yerũsalema ũkatũla engulu yowene Usumbe omulenge Sigubahe. Ubwire emĩyĩ ya Yũda uti, Nyamuhanga wenyũ yoyũ hano!

Ĩsaya 6:1

Oko mwaka ogo Ũzĩa aholako, monalola oko Mukama ĩnĩanĩkere oko kĩtũmbĩ kyʼobwami, ekiri endata nʼekĩsũmbĩre endata, nʼesyongimba syʼekanzu yiwe mosyũsũlya eHekalũ.

Ĩsaya 7:1

Neryo oko biro bya Ahazĩ mugala wa Yotamũ, mugala wa Ũzĩa, omwami wʼeYũda, Rezĩnĩ omwami wʼeSũrĩa, na Peka mugala wa Remalĩa, omwami wʼeĨsraelĩ, mobahetuka eriyalwa nʼeYerũsalema, nĩkwa mobatatoka erĩkĩndago.

Yeremĩa 23:16

Omwami Mukulu wʼemilondo ati, Simuhulikirire ebĩnywa byʼabamĩnyererĩ abakaminyerera busana nenyũ. Bakabasondola omo bitya-bitya. Bakabũga esyonzolĩ syʼomutima wabo, esĩtalũa omo buno bʼOmwami Mukulu.

Ezekĩelĩ 1:1

Neryo mokyabya omo mwaka wʼamakũmĩ asatu, oko mukera wʼakani nʼoko kiro kyʼebitanu kyʼomukera, omugulu nabya omo bunyegwa hakũhĩ nʼolũsĩ lwʼeKebarĩ, olubula molwakingukala, monalangira esyonzolĩ sya Nyamuhanga.

Hosea 1:1

Ekĩnywa kyʼOmwami Mukulu mokyahĩka uku Hosea, mugala wa Beerĩ, omo biro bya Ũzĩa, Yotamũ, Ahazĩ, na Hezekĩa, abami bʼeYũda, omo biro bya Yeroboamũ, mugala wa Yoasĩ, omwami wʼeĨsraelĩ.

Amosĩ 1:1

Ebĩnywa bya Amosĩ oyo wabya muguma gʼoko balĩsya bʼeTekoa, ebyo alangira busana na Ĩsraelĩ omo biro bya Ũzĩa omwami wʼeYũda, nʼomo biro bya Yeroboamũ mugala wa Yoasĩ omwami wʼeĨsraelĩ, emyaka ĩbĩrĩ embere wʼomũsĩkĩ wʼekitaka.

Amosĩ 4:5

Muhere obuhere bwʼeriha ewasĩngya obuli kwʼekĩhamya, mũtũle omwatsi wʼamahere wʼerianza erĩhĩtya, mũtũlaganaye engulu yago. Kusangwa litya mwanzĩre erikola, ĩnywe bana ba Ĩsraelĩ, Omukama, Omwami Mukulu akabũga atya.

Mĩka 1:1

Ekĩnywa kyʼOmwami Mukulu ekyahĩka uku Mĩka Omũmorasĩtĩ omo biro bya Yotama, Ahazĩ, na Hezekĩa, abami bʼeYũda, ekyo alangira omo nzolĩ busana nʼeSamarĩa nʼeYerũsalema.

Nahũmũ 1:1

Enzumwa yʼeNĩnawe. Ekitabu kyʼesyonzolĩ sya Nahũmũ Omũelkosĩ.

Habakũkĩ 2:2

Neryo Omwami Mukulu mwanyĩsũbĩrya ati, Usake esyonzolĩ esyo nʼerĩmĩnyĩkalyasyo ndeke oko bisayi byʼamabwe, oyukasomasyo atoke erianguha.

Emiganzo 12:6

Neryo mwabũga ati, Lino muhulikirire ebĩnywa byage; hamabya omũmĩnyererĩ omo katĩkatĩ kenyũ, Ĩngye Mwami Mukulu nasyayĩmĩnyĩkalya kwiye omo nzolĩ, nasyabũga naye omwʼilota.

Emiganzo 24:16

Enzumwa yʼoyũkowa ebĩnywa bya Nyamuhanga, Nʼeriminya amenge wʼOwendata Kutsibu, Oyukalangira esyonzolĩ syʼOmũtokĩ Wʼebyosĩ, Eriwa ahisi, nĩkwa ĩnĩalĩbũkere kwʼameso;

Emiganzo 24:4

Enzumwa yʼoyũkowa ebĩnywa bya Nyamuhanga, Oyukalangira esyonzolĩ syʼOmũtokĩ Wʼebyosĩ, Eriwa ahisi, nĩkwa ĩnĩalĩbũkere kwʼameso.

Matayo 17:9

Neryo babere bakandagala oko kitwa, Yesu mwaganĩabo ati, Simubwire mundu ebyo mwamalolako omo bũlĩme, erĩhĩka aho Omugala wʼomundu asyalũbũkĩra erĩlũa oko baholĩ.

Emibiri 10:17

Neryo Petero mwahanga-hangya omo bũlengekanĩa buwe erilota eryo alangira nga nĩkĩ. Neryo, lebaya, abalume abo Kornelĩo atuma, babere babĩbũlya busana nʼenyũmba ya Sĩmonĩ, mobimana oko lũkyo.

Emibiri 26:19

Neryo, Mwami Agrĩpa, mondagana erĩowa erilota eryo lyʼesyonzolĩ syʼelubula.

2 AbanyaKorinto 12:1

Litolere inayihalamba, nomo lite lyangagasakĩ. Nĩkwa lino ngandĩkanĩa busana nʼerilota nʼerĩbĩsũlĩrwa ebĩkalũa oko Mukama.

2 Petero 1:21

Kusangwa sihali eriminyerera eryahĩka na kera omwʼisonda lyʼomundu, nĩkwa abandu mobabũga ebĩnywa ebyo Nyamuhanga ahabo, ĩbakasondolĩbawa nʼOmũlĩmũ Abũyĩrĩre.