Hosea 9:8 - AMASAKO ABOYTRTRE WA NYAMUHANGA AWAKAHULAWA MO BIBLIA

⁸ Efũraĩmũ abya mũteya haguma na Nyamuhanga wage; abya mũmĩnyererĩ, nĩkwa ekitego kyʼoyukahamba enyonyũ kiri omo syonzira siwe syosĩ, kandi obũyĩgũ buli omo nyũmba ya Nyamuhanga wuwe.

Hosea 9:8 Iomraidhean Croise

1 Abami 17:1

Neryo Elĩya Omũtĩsĩbe ogʼoko babunga bʼeGĩleadĩ, mwabwira Ahabũ ati, Ngoko Mwami Mukulu Nyamuhanga wʼeĨsraelĩ aneho, Oyo nyimene embere siwe, sihendisyabya ekimi kutse embũla oko mĩtũta eyĩ, butsira oko kĩnywa kyage.

1 Abami 18:1

Neryo enyũma wʼebiro bingi, ekĩnywa kyʼOmwami Mukulu mokyahĩka uku Elĩya, oko mwaka wʼakasatu, kiti, Ugende, ũyĩkangaye uku Ahabũ; nage ngandituma embũla oko kihugo.

1 Abami 18:19

Nĩkwa lino Utume, Ũnyĩhĩndanĩraye Abaĩsraelĩ bosĩ oko kitwa kyʼeKarmelĩ, nʼabamĩnyererĩ ba Baalĩ amagana ani nʼamakũmĩ atanu (450), nʼabamĩnyererĩ ba Asera magana ani (400), abakalira oko mesa ya Yezebelĩ.

1 Abami 22:11

Na Zedekĩa mugala wa Kenana mwayihesera amahembe wʼekyuma mwabũga ati, Omwami Mukulu ati, Wasyatũnda Abasũrĩa, erĩhĩka aho basyatĩndĩrwa.

1 Abami 22:22

Neryo Omwami Mukulu mwabwirakyo ati, Ũmũkĩ kwehĩ? Naye ati, Nage nasyagenda, nasyabya ekĩrĩmũ kyʼeriteba omo buno bwʼabamĩnyererĩ buwe bosĩ. Naye mwabũga ati, Wasyamuteba, kandi wasyasĩngana nibya; ugende, Ukole utya.

1 Abami 22:28

Neryo Mĩkaya mwabũga ati, Wamasyasubula buholo, kwesĩ Omwami Mukulu ĩyũtabũga nage. Kandi mwabũga ati, Mowe, ĩnywe bandu bosĩ.

1 Abami 22:6

Neryo omwami wa Ĩsraelĩ mwahĩndanĩa haguma abamĩnyererĩ nga bandu magana ani, mwabũlyabo ati, Nyinayalwe nʼeRamotĩ-gĩleadĩ, kutse nyũmbaye kwehĩ? Nabo mobabũga bati, Uhetukireyo kusangwa Omukama asyahĩrago omo byala byʼOmwami.

2 Abami 13:21

Neryo babere bakata omundu, neryo, mobalangira omulondo owakahũnga, neryo mobagusa omundu oyo yʼomwʼisinda ya Elĩsa. Neryo omugulu omundu oyo ayĩtũlaya oko makũha wa Elĩsa, mwasuba, mwimana omo bisando biwe.

2 Abami 2:14

Neryo mwahamba erĩkotĩ rya Elĩya eryamutogako mwaswĩrya lyʼoko magetsi, mwabũga ati, Omwami Mukulu, Nyamuhanga wa Elĩya ali hahi kwehĩ? Neryo abere abĩswĩrya oko magetsi, neryo amagetsi mwagabana eyĩ nʼeyĩ; neryo Elĩsa mwasoka.

2 Abami 2:21

Naye mwaya eyiri engũnũnũko yʼamagetsi, mwagusa muyo mʼomũnyũ, mwabũga ati, Omwami Mukulu akabũga ati, Nabĩrĩlamya amagetsi aya; sihendisyaswahuluka oluholo kutse erĩtesya.

2 Abami 4:41

Nĩkwa Elĩsa mwabũga ati, Mulete oko yĩsyano. Neryo mwagusayo omo nyungu eyo ati, Mũhũkũlĩre abandu, balye. Neryo mohatabya omwaga omo nyungu.

2 Abami 4:43

Nʼomugombe wuwe mwabũga ati, Kuti, nyĩhĩre ebĩ embere syʼabandu erĩgana kwehĩ? Nĩkwa Elĩsa mwabũga ati, Uhe byʼoko bandu balye, kusangwa Omwami Mukulu akabũga ati, Basyalya kandi basyasakya ebindi.

2 Abami 5:14

Neryo omwami mwandagala mwayĩtoberya omo Yorodanĩ mo ngendo sirinda, ngoko mundu wa Nyamuhanga abũga; nʼomubiri wuwe mwasuba, mwabya ngʼomubiri wʼomwana mulere, neryo mwera.

2 Abami 5:27

Busana nʼekyo ebihaga bya Namanĩ byasyakwamakirira, nʼoko bana bawe erĩhĩka kera na kera. Neryo Gehazĩ mwalũa embere siwe iniamabibya muhaga ĩnĩahenĩrye ngʼenzururu.

2 Abami 7:19

Nʼomukulu oyo mwasũbĩrya omundu wa Nyamuhanga, ati, Lino, lebaya, Omwami Mukulu amayira amadĩrĩsa omo lubula omwatsi ali ngʼoyũ anganatokekana eribya kwehĩ? Elĩsa naye mwabũga ati, Lebaya, wasyalangirakyo omo meso wawe, nĩkwa Siwendisyalya kubyo.

2 Abami 7:2

Neryo omukulu oyo omwami abya egemereko oko byala biwe mwasũbĩrya omundu wa Nyamuhanga ati, Lebaya, Omwami Mukulu amayira amadĩrĩsa wʼelubula, omwatsi oyũ anganatokekana kwehĩ? Neryo Elĩsa mwabũga ati, Lebaya, wasyasamalirakyo omo meso wawe, nĩkwa Siwendisyalya kubyo.

Esyonyimbo 124:7

Twabiribala ngʼenyonyũ kwʼikabala omo muguli wʼomũteyĩ; Omuguli abirikosa, netu tuli nʼobwĩranda!

Omũgambũlĩ 9:12

Kandi omundu sĩasĩ omugulu wuwe. Ngʼamahere awakahambawa omo butaha-taha bubi, kandi ngʼesyonyonyũ sikahambawa omo muguli, kwʼabagala bʼabandu bakategawa batya omo mugulu mubi, omugulu ekitego kikatogerabo lũba-lũba.

Olwimbo lwʼEsyonyimbo 3:3

Abateya abakatĩmba-tĩmba oko mũyĩ mobanyibana. Monabũlyabo nyiti, Mwabirilola oko yo mutima wage anzĩre kwehĩ?

Ĩsaya 62:6

Nabĩrĩkũhĩrĩra omũteya oko mbĩmbo syawe, Uwe Yerũsalema, sibendisyabya bũkũtũ omo musibo gosĩ nʼomo kiro kyosĩ. Ĩnywe mũkĩbũkaya Omwami Mukulu, Simubye bũkũtũ,

Yeremĩa 11:19

Nĩkwa nabya ngʼekyana kyʼembũlĩ kyolo-kyolo ekikatwalawa okwʼĩsĩnzwa. Kandi mondaminya ko babiriya embĩta yʼamenge busana nage, bati, Tũheraye omuti nʼebĩgũma byago, tũmwĩte erĩmũlũsya omo kihugo kyʼabaliho, nʼerĩna liwe siryangaswibukwa.

Yeremĩa 14:13

Neryo monabũga nyiti, Ayĩ, Mukama Omwami Mukulu! Lebaya, abamĩnyererĩ bakabwirabo bati, Simwendisyalola oko mũyalĩ, kutse sĩmwendĩsyakwa enzala. Nĩkwa nasyabaha hano Obuholo bwʼekwenene.

Yeremĩa 23:13

Kandi nabirilangira omo bamĩnyererĩ bʼeSamarĩa. Mobaminyerera busana na Baalĩ, nʼerĩtalya abandu bage Ĩsraelĩ.

Yeremĩa 31:6

Kusangwa hasyabya ekiro, omugulu abateya oko bitwa bya Efũraĩmũ basyabirikira bati, Muhangane, tuye eSĩonĩ, oko Mwami Mukulu Nyamuhanga wetu.

Yeremĩa 6:14

Babĩrĩlamya hake ekironda kyʼabandu bage bati, Obuholo, Obuholo; nĩkwa sihali Obuholo.

Yeremĩa 6:17

Nage monabahĩra kʼomũteya, nyiti, Mowe omulenge wʼengubi, Nĩkwa mobabũga bati, Sitwendihulikirira.

Ekiriro 2:14

Abamĩnyererĩ bawe babirilangira busana nawe Erilota eryʼamabehĩ nʼesyonzolĩ ngyĩrũ. Mobatakũnũngũla obubi bwawe, Busana nʼerĩsũbũlya obunyegwa bwawe, Nĩkwa babirilangira busana nawe Emyatsi yʼamabehĩ nʼemyatsi yʼerĩkũtalya.

Ekiriro 4:13

Ni busana nʼebibi byʼabamĩnyererĩ bako, Nʼamalolo wʼabahererĩ bako. Abũta omusasi wʼabatunganene Omo katĩkatĩ kako.

Ezekĩelĩ 3:17

Mugala wʼomundu, nabirikuyira mo mũteya busana nʼekihanda kya Ĩsraelĩ. Neryo omugulu ũkowa ekĩnywa kyʼomo buno bwage, ukangirirebo, ehee! busana nage.

Ezekĩelĩ 33:7

Neryo uwe, omugala wʼomundu, nabĩrĩkũhĩra mo mũlĩngĩ busana nʼekihanda kya Ĩsraelĩ. Neryo wasyowa omwatsi omo buno bwage, ubwirebo ehe-e busana nage.

Hosea 5:1

Ĩnywe bahererĩ, mowe ekĩ, nenyũ ekĩtũnga kya Ĩsraelĩ, muhulikirire, utege okũtũ uwe kĩtũnga kyʼOmwami! Kusangwa olubanza ni lwawe; kusangwa wabiribya kitego eMĩsĩpa, nʼobutimba obũyĩsanzĩre oko Taborĩ.

Hosea 9:7

Ebiro byʼerisuyira byahĩkĩre, ebiro byʼerĩtũhũlya byahĩkĩre; Ĩsraelĩ baminye omwatsi oyũ, omũmĩnyererĩ nĩ mũkĩrũ, omundu wʼekĩrĩmũ oyũ nĩ mũsĩre, busana nʼobungi bwʼebibi byawe, na kusangwa obũyĩgũ ni bunene.

Hosea 9:9

Babĩrĩyĩtsandya kutsibu, ngʼomo biro bya Gĩbea; Nyamuhanga asyibuka ebibi byabo, asyasuyira amalolo wabo.

Mĩka 7:4

Omundu mubuya wabo ali ngʼamahwa; omutunganene kwilaba, ali ngʼekikunda kyʼemisakisaki. Ekiro Wasyahĩra omũteya eritswera lyawe lyasyahĩka; erĩhũka-hũka lyʼomutima lyasyahĩka kubo.

Yoane 15:24

Kumbe sinditakola emĩbĩrĩ omo katĩkatĩ kabo eyitakolawa nʼogundi mundu, Sibangabya nʼolubanza lwʼebibi; nĩkwa lino babirinyilolako, kandi babĩrĩnyĩkwa obusu, ĩngye na Tata wage nibya.

AbanyaRoma 3:7

Nĩkwa eribiha lyage lyamakangya ndeke ekwenene ya Nyamuhanga, nʼerimuha olukengerwa, busana nakĩ nyikinatswerawa ngʼomukola-nabi kwehĩ?

AbaEbrania 13:17

Mowe abakabasondola, kandi mukole ebyo bakababwira. Bakategaya emitima yenyũ, ngʼabandu abakandĩsyakanganĩa Nyamuhanga ebyo bakola. Neryo bakole batya nʼobutseme butsira obũlĩge. Bamakola nʼobũlĩge sibwendibaletera ndũndĩ.