Hosea 9:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Ebiro byʼerisuyira byahĩkĩre, ebiro byʼerĩtũhũlya byahĩkĩre; Ĩsraelĩ baminye omwatsi oyũ, omũmĩnyererĩ nĩ mũkĩrũ, omundu wʼekĩrĩmũ oyũ nĩ mũsĩre, busana nʼobungi bwʼebibi byawe, na kusangwa obũyĩgũ ni bunene.

Hosea 9:7 Iomraidhean Croise

2 Abami 9:11

Neryo Yehũ mwahulukira ahali abagombe bʼomukama wuwe; nʼomuguma mwamũbũlya ati, Nina buholo kwehĩ? Ko mũsĩre oyũ aliakwasira busana nakĩ kwehĩ? Naye mwamubwira ati, Ĩnywe mũnasĩ omundu oyũ, nʼebyo abũga.

Ĩsaya 10:3

Neryo mwasyakolakĩ omo kiro kyʼerisuyira, nʼomwʼĩkĩndwa erĩkandĩsyalũa ehali kwehĩ? Mwasyasagira ukundi eribana erĩwatĩkya kwehĩ? Kandi mwasyasĩganĩa obuteke bwenyũ bo hahi kwehĩ?

Ĩsaya 26:11

Uwe Mwami Mukulu ebyala byawe bĩyĩsũmbĩre, nĩkwa sibelangirabyo. Nĩkwa bakalangira omũhwa wawe busana nʼabandu, bakahemuka. Ega, omuliro asyabuga esyonzĩgũ syawe.

Ĩsaya 34:8

Kusangwa Omwami Mukulu awite ekiro kyʼerĩkĩsya, Omwaka wʼeririha busana nʼobuhaka bwʼeSĩonĩ.

Ĩsaya 44:25

Ngaleka ebiminyikalo byʼabandu abakayihalamba ibyabya busa, nʼeriyira abalagũlĩ mo bakĩrũ, ngaleka abandu bʼamenge erisuba enyũma, nʼeribindula amenge wabo mo bũkĩrũ,

Yeremĩa 10:15

Ni bitya-bitya, omũbĩrĩ wʼeriteba. Oko mugulu wʼerisuyirwa lyabo basyahera.

Yeremĩa 11:23

kandi sihendisyasaka nʼomuguma kubo, kusangwa nasyaletera abandu bʼeAnatotĩ erihera oko mwaka wʼerisuyirabo.

Yeremĩa 16:18

Ngandĩtsũka eriswaliha amalolo wabo nʼebibi byabo engendo ĩbĩrĩ, kusangwa babĩrĩtsandya ekihugo kyage omo sanamu esiri ngʼebĩnda ebitawite engebe. Kandi babĩrĩũsũlya ekihugo ekyo nahabo omo syonyamuhanga syabo syʼamabehĩ.

Yeremĩa 23:13

Kandi nabirilangira omo bamĩnyererĩ bʼeSamarĩa. Mobaminyerera busana na Baalĩ, nʼerĩtalya abandu bage Ĩsraelĩ.

Yeremĩa 25:14

(Kusangwa ebihanda bingi nʼabami bakulu-bakulu basyayirabo mo bakobe, nage nasyalihabo ngʼemĩbĩrĩ yabo ko yiri, ngʼomũbĩrĩ wʼebyala byabo.)

Yeremĩa 29:26

Omwami Mukulu abirikuyira mo mũhererĩ omo mwanya wʼomũhererĩ Yehoyada eribya mũlangĩrĩ omo nyũmba yʼOmwami Mukulu, busana nʼobuli mundu oyuli mũsĩre oyukaminyerera, erĩmũhĩra omo mahulula nʼomo mũlĩkĩ wʼekyuma oko bĩkya biwe.

Yeremĩa 46:21

Abasĩrĩkanĩ buwe abali omo katĩkatĩ kayo abali ngʼebyana byʼende ebĩnenehĩre, kusangwa babĩrĩbũnũkala, babiritibita haguma; mobatahangana. Kusangwa ekiro kyʼerihera lyabo kyabĩrĩhĩkĩrabo, omugulu wʼerisuyira lyabo.

Yeremĩa 6:14

Babĩrĩlamya hake ekironda kyʼabandu bage bati, Obuholo, Obuholo; nĩkwa sihali Obuholo.

Yeremĩa 8:11

Kandi babĩrĩlamya amakũbũke wʼabandu bage go hake, bati, ni buholo, ni buholo; nĩkwa sihali Obuholo.

Ekiriro 2:14

Abamĩnyererĩ bawe babirilangira busana nawe Erilota eryʼamabehĩ nʼesyonzolĩ ngyĩrũ. Mobatakũnũngũla obubi bwawe, Busana nʼerĩsũbũlya obunyegwa bwawe, Nĩkwa babirilangira busana nawe Emyatsi yʼamabehĩ nʼemyatsi yʼerĩkũtalya.

Ezekĩelĩ 13:10

Ni kusangwa babiriteba abandu bage, bati, Obuholo! Isihali Obuholo. Kandi omugulu omundu muguma akahĩmba olũhĩmbo, lebaya, bakahakabayalo embemba.

Ezekĩelĩ 13:3

Omukama Iye Omwami Mukulu ati, Obũlĩge oko bamĩnyererĩ bakĩrũ, abakakwama ekĩrĩmũ kyabo ĩbobene, isibetalangira kyahi!

Ezekĩelĩ 25:17

Kandi nasyahĩra erĩkĩsya lĩnene lyo kubo haguma nʼerikunga lyʼerihitana; nabo basyaminya ko ndi Mwami Mukulu, omugulu nasyahĩra erĩkĩsya lyage lyo kubo.

Ezekĩelĩ 38:23

Nasyayĩhamya, nʼeriyihigula, nʼerĩyĩmĩnyĩsya omo meso wʼebihanda bingi. Nabo basyaminya ko ndi Mwami Mukulu.

Ezekĩelĩ 9:10

Nĩkwa ĩngye, erĩso lyage siryendisyaganyira, kutse sindiendisyasasira, nĩkwa nasyaleta emĩbĩrĩ yabo oko mitwe yabo.

Hosea 14:1

Uwe Ĩsraelĩ, usube oko Mwami Mukulu Nyamuhanga wawe; kusangwa wabiriwa busana nʼebibi byawe.

Hosea 5:9

Efũraĩmũ asyabya kĩma oko kiro kyʼerikungwa; omo katĩkatĩ kʼebihanda bya Ĩsraelĩ nabĩrĩmĩnyĩsya ebyʼekwenene.

Hosea 8:13

Nĩkwa amahongo wʼamahere wage, bakahonga esĩswĩ ibalyasyo; nĩkwa Omwami Mukulu sĩalĩrĩgasyo; lino akandisyibuka ebibi byabo, nʼerisuyirabo busana nʼebibi byabo; basyasuba eMĩsĩrĩ.

Hosea 9:8

Efũraĩmũ abya mũteya haguma na Nyamuhanga wage; abya mũmĩnyererĩ, nĩkwa ekitego kyʼoyukahamba enyonyũ kiri omo syonzira siwe syosĩ, kandi obũyĩgũ buli omo nyũmba ya Nyamuhanga wuwe.

Amosĩ 8:2

Neryo mwabũga ati, Amosĩ, Wamalangirakĩ kwehĩ? Nage monabũga nyiti, Ekĩbo kyʼebĩgũma byʼomugulu wʼengarayi. Neryo Omwami Mukulu mwambwira ati, Endũlĩ yamahĩka oko bandu bage Ĩsraelĩ; sĩndĩendĩsyaswabalyabo.

Mĩka 2:11

Omundu amakwama erĩhũnga nʼeribiha, amabiha ati, Nasyababwira busana nʼebĩnyũ nʼobũhĩre kutsibu; iye iniabya mbũyĩ oko bandu aba.

Mĩka 7:4

Omundu mubuya wabo ali ngʼamahwa; omutunganene kwilaba, ali ngʼekikunda kyʼemisakisaki. Ekiro Wasyahĩra omũteya eritswera lyawe lyasyahĩka; erĩhũka-hũka lyʼomutima lyasyahĩka kubo.

Zefania 3:4

Abamĩnyererĩ buwe ni batya-batya nʼabandu batebya; abahererĩ buwe babĩrĩtsandya eHema ahabũyĩrĩre, babĩrĩhalya oko migambo.

Mariko 3:21

Neryo omugulu abʼekĩtũnga kiwe bowa omwatsi oyũ mobayamuhamba kusangwa abandu bati, Abiribya mũsĩre.

Luka 21:22

Kusangwa ebiro ebĩ ni biro byʼerĩkĩsya, erĩberererya ebyosĩ byasakawa.

2 AbanyaKorinto 5:13

Neryo twamabya ngʼabasĩre, ni busana na Nyamuhanga; kandi twamabya bandu bʼobũlengekanĩa, ini busana nenyũ.

Eribisurirwa 16:19

Kandi omũyĩ mukulu mwatulwa mo bihande bisatu, nʼemĩyĩ yʼebihanda moyatera. Kandi Nyamuhanga mwibuka Babelĩ mukulu, neryo mwamũpũlĩsya ebĩnyũ omo lũtehĩ luwe, ebĩnyũ byʼerihitana liwe erĩkalĩre.