Hosea 9:13 - AMASAKO ABOYTRTRE WA NYAMUHANGA AWAKAHULAWA MO BIBLIA

¹³ Efũraĩmũ ngoko nalangira, ahandĩrwe omo kiharo kyowene; nĩkwa Efũraĩmũ asyahũlũkya abana buwe busana nʼerĩkwa.

Hosea 9:13 Iomraidhean Croise

2 Abami 15:16

Neryo Menahemũ mwaswĩrya eTĩfũsa, nʼabosĩ ababyamo, nʼemitano yago, erĩtsũka eTĩrza; kusangwa mobatamukingulira, kyaleka ĩnĩaswĩryago; kandi mwasatya bakalĩ bakule bosĩ ababya mugo.

Yobũ 27:14

Nomo abana buwe bangakanya, ni bu­sana nʼomũyalĩ; Nʼabitsikulu buwe sĩbendĩsyũgũta akalyo.

Yeremĩa 7:15

Nasyabagusa hali oko meso wage, ngoko nabirigusa abagala benyũ bosĩ, abana bosĩ ba Efũraĩmũ.

Yeremĩa 9:21

Kusangwa oluholo lwabirihetukira omo madĩrĩsa wetu. Lwabiriingira omo bikali byetu erĩĩta abana betu omo syonzira, nʼabalwana betu omo bibuga.

Ekiriro 2:22

Wabiribirikira obuba bwage oko mbande syosĩ, Omo kiro kyʼekyũsĩ ekyahamulawa, Sihabya nʼomuguma oyo wabala kutse erĩsĩgalira Oko kiro kyʼerihitana lyʼOmwami Mukulu. Abo nabuta nʼerĩkũlya, Enzĩgũ yage yabiribugabo.

Ezekĩelĩ 27:3

Ubwire Tĩro uti, Uwe wĩkere omo bwingiriro bwʼengetsi uli mũtũndĩ wʼebihanda oko bihugo bingi hakũhĩ nʼengetsi, Omukama Iye Omwami Mukulu ati, Uwe Tĩro, wabĩrĩbũga uti, Nyĩhĩkene omo bubuya.

Hosea 10:14

Busana nʼekyo olukanda lwasyahangana omo katĩkatĩ kʼabandu bawe, nʼebikongotere byawe byosĩ byasyaherĩbwa, ngoko Salmanĩ aheraya eBetĩ-arbelĩ oko kiro kyʼamalwa; omugulu abokoyo bagusawa mo bitswebitswe haguma nʼabana babo.

Hosea 13:16

ESamarĩa yasyaheka omusango wako; kusangwa abirihona uku Nyamuhanga wuwe; basyawa omo mũyalĩ; abana babo basyaguswa mo bitswe, nʼabakalĩ babo abakule, basyatulwa.

Hosea 13:8

nasyahĩndana nabo ngʼedũbũ eyiriasagulawa ebyana byayo, kandi nasyatula ebĩkũba byabo; nʼeyo nasyamerabo ngʼendale yʼobũkalĩ; enyama yʼomolĩ yasyatulabo.

Hosea 14:1

Uwe Ĩsraelĩ, usube oko Mwami Mukulu Nyamuhanga wawe; kusangwa wabiriwa busana nʼebibi byawe.

Hosea 9:16

Efũraĩmũ abĩrĩkwa, omũlĩhĩ wabo abiriuma, sibendisyabuta ebĩgũma; ega, nomo bangabuta abana, nĩkwa nasyĩta abana babuya abanzĩrwe bʼenda yabo.

Amosĩ 7:17

Busana nʼekyo Omwami Mukulu ati, Omũkalĩ wawe asyabya mũsĩngĩrĩ omo mũyĩ, nʼabagala bawe nʼabali bawe basyakwa omo mũyalĩ, nʼekitaka kyawe kyasyagabwa omo ngohe; nawe wasyahola omo kihugo kĩtsandĩre. Na Ĩsraelĩ kwenene asyatwalwa omo bunyegwa erĩlũa omo kihugo kiwe.