Hosea 9:10 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁰ Moneya Ĩsraelĩ ngʼebĩgũma byʼebĩnyũ omo mbwarara; monalangira abotata-kulu wenyũ ngʼamayilula wʼomuti wʼomũtĩnĩ owakatsũka eriheta. Nĩkwa mobasa eBaalĩ-peorĩ, mobayihigula oko kindu kyʼesĩsonĩ, mobabya nye ngʼekyo banzĩre.

Hosea 9:10 Iomraidhean Croise

1 Abami 16:31

Neryo, nga mwatsi muke erigendera omo bibi bya Yeroboamũ mugala wa Nebatĩ, Ahabũ mwahĩkya Yezebelĩ ye mwali wa Etĩbaalĩ omwami wʼAbanya Sĩdonĩ, kandi mwayakolera Baalĩ, nʼerĩmũramya.

2 Abami 17:11

nʼeyo mobahĩsĩrĩrya obukwa oko hendata hosĩ ngoko ebihanda byakola ebyo Mwami Mukulu ahiga embere syabo; kandi mobakola emyatsi mibi erĩhĩtanĩa Omwami Mukulu.

Esyonyimbo 115:8

Abahesasyo, nʼabosĩ abakayiketerasyo, Babye ngʼesyosanamu esyo bahesa!

Esyonyimbo 81:12

Kyaleka inahabo erikwama esyonzira syabo esĩkalĩre, Nʼerikola ngoko banzĩre.

Olwimbo lwʼEsyonyimbo 3:6

Nindi oyukasira omo mbwarara kwehĩ? Ngʼesyondũyĩ syʼomũkĩ, Oyukakũmba ndeke omo bukwa nʼamane-mane, Haguma nʼesĩsyano syosĩ syʼomũtũndya.

Ĩsaya 28:4

Omusanga owakuma owakagatsuka obubuya buwe bʼolukengerwa ebiri oko mutwe wʼomusya owabogĩre, byasyabya ngʼebĩgũma ebĩkatsũka eriera, ebyʼomũtĩnĩ embere syʼomugulu wʼomwisi. Ekyo omugulu akalangirakyo, omugulu kikine omo byala biwe, akamerakyo.

Yeremĩa 11:13

Uwe Yũda, kusangwa ngʼemiganzo yʼesyonyamuhanga syawe ko yingana, nʼemĩyĩ yawe ko yingaho. Kandi ngʼemiganzo yʼesyonzira syʼeYerũsalema, ko mwabirisingika ebiherero oko kindu ekyo kyʼesĩsonĩ, ebiherero byʼerĩhĩsya obukwa oko Baalĩ.

Yeremĩa 24:2

Ekitiri kiguma ekirimo emĩtĩnĩ yowene ndeke, ngʼemĩtĩnĩ eyĩkatsũka eriera, nʼekindi kitiri ekirimo emĩtĩnĩ mibi kutsibu, eyitetoka eriribwa, kusangwa ni mibi.

Yeremĩa 3:24

Nĩkwa ekindu kyʼesĩsonĩ kyabiribuga omũbĩrĩ wabo tata wetu erĩtsũka omo bũlwana bwetu, byo bĩhyo nʼebihangulo, abagala nʼabali.

Yeremĩa 3:25

Tugotsere ahisi omwʼĩsonĩ syetu, nʼerihemula lyetu lituswike; kusangwa twabĩrĩhalya oko Mwami Mukulu, Nyamuhanga wetu, ĩtwe nʼabotata wetu, erĩtsũka omo bũlwana bwetu nʼerĩhĩka mũnabwĩre. Kandi situlitakenga omulenge wʼOmwami Mukulu, Nyamuhanga wetu.

Yeremĩa 31:2

Omwami Mukulu ati, Abandu ababala omũyalĩ omo mbwarara mobabana olukogo. Omugulu Abaĩsraelĩ basonda eriluhuka.

Yeremĩa 5:31

Abamĩnyererĩ bakaminyerera omo mabehĩ, nʼabahererĩ bakatabala omo hamũlĩ yabo, nʼabandu bage bakanza batya! Nenyũ mwasyakolakĩ omugulu endũlĩ yasyahĩka kwehĩ?

Ezekĩelĩ 20:8

Nĩkwa mobahona ũkwʼĩngye, mobatalĩga erĩnyowa. Mobatagusa obuli mundu esyonye syʼameso wabo syo hali, kutse mobataleka esyosanamu syʼeMĩsĩrĩ. Neryo monabũga nyiti ngandĩũtũlĩra erihitana lyage lyo kubo, erĩberererya erihitana lyage kubo omo kihugo kyʼeMĩsĩrĩ.

Hosea 11:1

Omugulu Ĩsraelĩ abya mwana, monamwanza oko mugulu oyo, monabirikira mugala wage erĩlũa eMĩsĩrĩ.

Hosea 13:5

Monakũteya omo mbwarara, omo kihugo kyʼenyota nyingi.

Hosea 2:15

Ngandisyamuha amalima wuwe wʼebĩnyũ erĩlũa eyo, nʼomusya wʼeAkorĩ busana nʼolũyĩ lwʼamaha; naye asyimbira eyo, ngʼebiro ebyo byʼobwana-buto buwe, ngʼebiro ebyo alũa omo kihugo kyʼeMĩsĩrĩ.

Hosea 4:14

Sindiendisyasuyira abana-bato benyũ omugulu bakakola obũmalaya, kutse abaherũkĩ benyũ omugulu bakateta; kusangwa abalume ĩbobene bakayisolola haguma nʼabatetĩ, kandi bakahonga mahere haguma nʼabamalaya; nʼabandu bateminya basyaherĩbwa.

Hosea 4:18

Ebĩkakũndaya byabo byabirihwa, bakakola obũmalaya emigulu yosĩ; abatabalĩ babo banzĩre esĩsonĩ kutsibu.

Amosĩ 4:5

Muhere obuhere bwʼeriha ewasĩngya obuli kwʼekĩhamya, mũtũle omwatsi wʼamahere wʼerianza erĩhĩtya, mũtũlaganaye engulu yago. Kusangwa litya mwanzĩre erikola, ĩnywe bana ba Ĩsraelĩ, Omukama, Omwami Mukulu akabũga atya.

Mĩka 7:1

Obũlĩge ũkwʼĩngye! Kusangwa nyiri ngʼabandu abakoha ebĩgũma byʼomugulu wʼekirimo, nʼabakoha ebĩnyũ; sihali kĩkũto kyʼebĩnyũ kyʼerirya, kutse ekĩgũma ekĩkatsũka eriera kyʼomũtĩnĩ ekyo nyanzĩre.

Emiganzo 15:39

Kandi kyasyabya ekiyonga busana nenyũ, imwatoka erisamalirakyo, nʼeriswibuka ebihano byosĩ byʼOmwami Mukulu, nʼerikolabyo; imutakwama ebyʼemitima yenyũ nʼameso wenyũ, ngoko mwagenda mukakwama oluteto erĩmbere;

Emiganzo 18:13

Nʼobuyilula bosĩ obuli omo kihugo kyabo obo bakaletera Omwami Mukulu, byasyabya byawe; nʼobuli mundu oyo werĩre omo nyũmba yawe asyalya kubyo.

AbanyaRoma 6:21

Neryo momwabana endũndĩ yahi omo myatsi eyo eyikabahemula lino kwehĩ? Kusangwa endũlĩ yʼemyatsi eyo ni luholo.

Eryibuka Ebihano 32:10

Mwamweya omo kihugo kyʼembwarara, Nʼomo bwerere obute mokĩ obukahuha; Iye mwamũtĩmbako, mwamulembera, Mwamũteya ngʼemboneryo yʼerĩso liwe.

Eryibuka Ebihano 32:17

Mobahongera esyombĩnga, esite Nya­muhanga, Oko syonyamuhanga batabya basĩ, Oko syonyamuhanga nyihya-nyihya esyahuluka enyũma, Esyo abotata-kulu wenyũ batubaha.

Eryibuka Ebihano 4:3

Ameso wenyũ abiriyilangirira ekyo Mwami Mukulu akola erĩmbere eBalĩ-Peorĩ; kusangwa abalume bosĩ abakwama Balĩ-Peorĩ, Omwami Mukulu Nyamuhanga wawe abĩrĩtogotyabo omo katĩkatĩ kenyũ.

Abatswerĩ 6:32

Kyaleka oko kiro ekyo iniamuluka mo Yerũbaalĩ, riti, Muleke Baalĩ alwe naye, kusangwa abirisambula ekiherero kiwe.