Hosea 8:13 - AMASAKO ABOYTRTRE WA NYAMUHANGA AWAKAHULAWA MO BIBLIA

¹³ Nĩkwa amahongo wʼamahere wage, bakahonga esĩswĩ ibalyasyo; nĩkwa Omwami Mukulu sĩalĩrĩgasyo; lino akandisyibuka ebibi byabo, nʼerisuyirabo busana nʼebibi byabo; basyasuba eMĩsĩrĩ.

Hosea 8:13 Iomraidhean Croise

Erĩlũayo 20:3

Susyebya nʼesindi nyamuhanga nĩna ngye.

Erĩlũayo 32:34

Na lino ugende, usondole abandu bʼaho nabirikubwira. Lebaya, omũlaĩka wage akandigenda embere syawe; nĩkwa oko kiro kyʼerisuyira, nasyasuyirabo busana nʼebibi byabo.

Emĩsyo 21:27

Ehongo yʼababi ni nye; Nĩkwa kwilaba aho, omugulu akaletayo nʼobũlengekanĩa bubi.

Ĩsaya 1:11

Omwami Mukulu ati, Erikanyirira ryʼamahere wenyũ nĩkĩ ũkwʼĩngye kwehĩ? Bibye bingaho, amahere wʼerĩokererya wʼesyombangale busana nage, nʼebĩsabũ byʼesyonyama sĩnenehĩre. Sinditsemera omusasi wʼesyonume syʼesyonde, kutse owʼehyana hyʼesyombũlĩ, kutse owʼesyombaya.

Yeremĩa 14:10

Omwami Mukulu akabũga nʼabandu aba ati, Bakanza eriganga-ganga batya. Sĩbetakakĩrya ebisando byabo. Busana nʼekyo Omwami Mukulu sĩalĩrĩgabo. Lino akandisyibuka ebibi byabo, nʼerisuyira ebibi byabo.

Yeremĩa 6:20

Obukwa obũkalũa eSeba bũkanyĩhĩkako busana nakĩ kwehĩ? Nʼekiseke kĩsĩhĩre ekĩkalũa omo bihugo byʼehali kwehĩ? Amahere wenyũ wʼerĩokererya sĩalĩgĩrwe, kutse amahere wenyũ sĩalĩnyĩtsemesaya.

Ezekĩelĩ 29:16

Nabo sibwendisyaswabya ekyʼeriyiketera kyʼekihanda kya Ĩsraelĩ, erireka ibibuka ebibi byʼeriyiketera eMĩsĩrĩ. Neryo basyaminya ko ndi Omukama Omwami Mukulu.

Hosea 11:5

Sibendisyasuba omo kihugo kyʼeMĩsĩrĩ; nĩkwa Omũsũrĩa asyabya mwami wabo kusangwa bagana erinyisubako.

Hosea 12:11

EGĩleadĩ muli ebibi kwehĩ? Kwenene sibegasakĩ; eGĩleadĩ bakahonga esyonume; ega, ebiherero byabo biri nga bilundo byʼamabwe omo mitumo yʼamalima.

Hosea 4:9

Neryo ngoko abandu bali, abahererĩ ko bali batya; nage nasyasuyirabo busana nʼesyonzira syabo, nasyalihabo busana nʼemikolere yabo.

Hosea 5:6

Basyagenda haguma nʼebĩhyo byabo nʼebihangulo byabo erĩyasondasondya Omwami Mukulu nĩkwa sibendisyamubana; abĩrĩyĩlũsya kubo.

Hosea 6:6

Kusangwa ngasonda obubuya, butsira amahongo; kandi eriminya Nyamuhanga kwilaba amahere wʼerĩokererya.

Hosea 7:11

Neryo Efũraĩmũ abiribya ngʼakalĩkũkũ kakĩrũ, akate nʼobowĩka; bakabirikira eMĩsĩrĩ, ibakaya eSũrĩa.

Hosea 7:16

Bakabinduka nĩkwa butsira erĩlolya endata; bali ngʼobuta obukateba; abakulu babo basyawa omo mũyalĩ busana nʼeritsatsuha lyʼolulimi lwabo. Ekĩ kyasyabya erisekwa lyabo omo kihugo kyʼeMĩsĩrĩ.

Hosea 7:2

Ĩsĩbeganĩraya omo mitima yabo ngoko ngibuka ebibi byabo byosĩ; lino emikolere yabo yabĩrĩtĩmba kubo; bali embere syʼobũsũ bwage.

Hosea 9:6

Kusangwa, lebaya, basyagenda busana nʼerihera; eMĩsĩrĩ yasyakuma-kumabo, Memfĩsĩ asyatabo; ebiti byasyaheka ebindu byabo byʼebĩtsĩpa; emisakisaki yasyabya omo mahema wabo.

Hosea 9:7

Ebiro byʼerisuyira byahĩkĩre, ebiro byʼerĩtũhũlya byahĩkĩre; Ĩsraelĩ baminye omwatsi oyũ, omũmĩnyererĩ nĩ mũkĩrũ, omundu wʼekĩrĩmũ oyũ nĩ mũsĩre, busana nʼobungi bwʼebibi byawe, na kusangwa obũyĩgũ ni bunene.

Hosea 9:9

Babĩrĩyĩtsandya kutsibu, ngʼomo biro bya Gĩbea; Nyamuhanga asyibuka ebibi byabo, asyasuyira amalolo wabo.

Amosĩ 3:2

Omo katĩkatĩ kʼebĩtũnga byosĩ byʼekihugo ĩnywebene ĩngye munawite; busana nʼekyo ngabasuyira oko bibi byenyũ byosĩ.

Amosĩ 5:22

Nomo mwanganyiherera amahere wenyũ wʼerĩokererya, nʼamahere wenyũ wʼengano, sĩndĩendĩsyalĩgago; kandi sĩndĩendĩsyalebya amahere wʼobuholo wʼesyonyama syenyũ sĩnenehĩre.

Amosĩ 8:7

Omwami Mukulu abĩrĩlahĩrya omwʼiyiheka lya Yakobo ati, Kwenene sindiendisyasyibirirwa nʼahake emĩbĩrĩ yabo na kera.

Luka 12:2

Nĩkwa sihali ekĩkũnĩngĩrwe ekitendisyabĩsũlwa, nʼekĩbĩsamĩre ekitendisyamĩnyĩkalĩbwa.

1 AbanyaKorinto 11:20

Neryo omugulu mũkahĩndana haguma, sĩmũlĩhĩndana kwenene busana nʼerirya emesa yʼomukama.

1 AbanyaKorinto 11:29

Kusangwa omundu amatindaminya ndeke omwatsi wʼomubiri wʼOmukama omugulu akalya nʼerĩpũlĩrya oko mesa eyo, akayiretera olubanza omugulu akalya nʼerĩpũlĩrya oko mesa eyo.

1 AbanyaKorinto 4:5

Neryo Simubye mukatswera omundu embere wʼomugulu owatolere, omugulu Omukama asyasa, iye asyahũlũkya omo kyakakala emyatsi eyĩbĩsamĩre omo mwĩrĩmya, kandi asyamĩnyĩkalya erĩyĩsũnza lyʼemitima yʼabandu. Neryo obuli mundu asyabana eripipwa na Nyamuhanga.

Eryibuka Ebihano 28:68

Kandi Omwami Mukulu asyabasũbya eMĩsĩrĩ omo mato, omo nzira eyo nakubwira nyiti, Simwendisyalola kuyo kandi. Nʼeyo mwasyayĩgũlya oko syonzĩgũ syenyũ mo bakobe bʼobulume nʼabakobe bʼobũkalĩ, kandi sihali mundu oyo wasyabagula.

Eribisurirwa 16:19

Kandi omũyĩ mukulu mwatulwa mo bihande bisatu, nʼemĩyĩ yʼebihanda moyatera. Kandi Nyamuhanga mwibuka Babelĩ mukulu, neryo mwamũpũlĩsya ebĩnyũ omo lũtehĩ luwe, ebĩnyũ byʼerihitana liwe erĩkalĩre.

1 Samwelĩ 15:22

Neryo Samwelĩ mwabũga ati, Ko Mwami Mukulu asĩmĩre amahere wʼerĩokererya nʼamahere ngʼerikenga omulenge wʼOmwami Mukulu kwehĩ? Lebaya, erĩowa lyowene kwilaba amahere, nʼerihulikirira lĩlabĩre ebĩsabũ byʼesyombangale.