Hosea 7:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Ĩsĩbeganĩraya omo mitima yabo ngoko ngibuka ebibi byabo byosĩ; lino emikolere yabo yabĩrĩtĩmba kubo; bali embere syʼobũsũ bwage.

Hosea 7:2 Iomraidhean Croise

Yobũ 34:21

Kusangwa ameso wuwe ali oko syonzira syʼomundu, Akalangira eribasula liwe lyosĩ.

Esyonyimbo 10:11

Omundu mubi akayibwira omo mutima wuwe ati, Nyamuhanga, abiribirirwa, Nyamuhanga abĩrĩrĩba ameso wuwe, siendisyanyilangira.

Esyonyimbo 25:7

Siwibuke ebibi byʼobũlwana bwage, kutse amalolo wage, Nĩkwa unyibuke omo bubuya bwawe bʼolwanzo. Uwe Mwami Mukulu, unyibuke busana nʼobubuya bwawe.

Esyonyimbo 50:22

Neryo mũganĩraye ebĩ, ĩnywe mukibirirawa Nyamuhanga, Ngasyabaherya, isihali oyo wasyabalamya.

Esyonyimbo 9:16

Omwami Mukulu abĩrĩyĩmĩnyĩsya, busana nʼeritswera liwe ritunganene, Kandi ababi babirihambwa omo kitego kyʼemĩbĩrĩ yabo.

Esyonyimbo 90:8

Ũkahĩra ebibi byetu embere syawe, Nʼebibi byetu ebĩbĩsamĩre ũkahĩrabyo aho ukalangirabyo.

Ĩsaya 1:3

Enume yʼende ĩnasĩ omwenyeyo, nʼepunda ĩnasĩ olugo lwʼomwenyeyo, nĩkwa Ĩsraelĩ sĩasĩ, nʼabandu bage sibeminya.

Ĩsaya 26:16

Uwe Mwami Mukulu, mobakusondasonda omo bũlĩge. Mobasaba omo bihwehwe omugulu erikunga lyawe lyabya kubo.

Ĩsaya 44:19

Kandi sihali oyukibuka, kutse sihali amenge kutse erĩganĩrya erĩbũga ati, Namokya oluhande omo muliro, kandi namokya obundu oko makala wayo nibya. Ngokaya esĩswĩ ngalyasyo. Neryo ekyasĩgala kyayo ngayirakyo mo nye, ngũnama ahisi embere wʼekĩsĩkĩ kyʼomuti!

Ĩsaya 5:12

Nʼenanga nʼenyamulera, nʼamatarĩ, nʼerĩrenga, nʼebĩnyũ, ebiri omwʼirya ĩnene ryabo, nĩkwa sibetungerera emĩbĩrĩ yʼOmwami Mukulu, kutse sĩbelengekanaya emĩbĩrĩ yʼebyala biwe.

Yeremĩa 14:10

Omwami Mukulu akabũga nʼabandu aba ati, Bakanza eriganga-ganga batya. Sĩbetakakĩrya ebisando byabo. Busana nʼekyo Omwami Mukulu sĩalĩrĩgabo. Lino akandisyibuka ebibi byabo, nʼerisuyira ebibi byabo.

Yeremĩa 16:17

Kusangwa ameso wage ali oko nzira syabo syosĩ. Sĩbabĩsamĩre oko bũsũ bwage kutse ebibi byabo sĩbĩbĩsĩre oko meso wage.

Yeremĩa 17:1

Ebibi bya Yũda bĩsakĩre omo kalamu kʼekyuma. Nʼomo busongero bwʼedĩama, bĩsakĩre oko kisayi kyʼomutima wabo, nʼoko syonũnga syʼebiherero byabo.

Yeremĩa 2:19

Ebibi byawe ĩwowene byasyakuhabula, nʼerisuba enyũma lyawe lyasyakukunga. Neryo Uminye kandi Ũlebaye kwʼali mwatsi mubi nʼowakalĩhĩre, uti ũkasĩganaya Omwami Mukulu Nyamuhanga wawe, nʼobuba bwage sibuli omwisi wawe, Omukama Omwami Mukulu wʼemilondo atya.

Yeremĩa 32:19

Uli mukulu omwʼihana, owʼobũtokĩ omo mũbĩrĩ. Nʼameso wuwe alolĩre esyonzira syʼabagala bʼabandu, eriha obuli mundu ngʼolulengo lwʼesyonzira siwe, kandi ngʼolulengo lwʼemĩbĩrĩ bakakola.

Yeremĩa 4:18

Enzira yawe nʼemĩbĩrĩ yawe yabĩrĩkũkolya kwʼemyatsi eyĩ. Obũ bo bubi bwawe. Bũkalĩhĩre buti! Bũhĩkĩre oko mutima wawe buti!

Yeremĩa 44:21

Nĩkwa busana nʼamahere awakatũmba ogo mwalũsaya omo mĩyĩ yʼeYũda nʼomo nzira syʼeYerũsalema, ĩnywe nʼabotata wenyũ, nʼabami benyũ, nʼabanya-mwami benyũ, nʼabandu bʼekihugo, Omwami Mukulu mwatibukabo, mokĩtahĩka omo bũlengekanĩa buwe kwehĩ?

Ezekĩelĩ 21:29

omugulu bakalangira busana nawe esyonzolĩ syʼamabehĩ, nʼomugulu bakalagula amabehĩ busana nenyũ, erĩkũhĩra oko bĩkya byʼababi ababĩrĩtwa, ekiro kyabo kyamahĩka omo mugulu wʼerisuyira wʼendũlĩ.

Hosea 12:2

Kandi Omwami Mukulu ali nʼobuhaka haguma na Yũda nibya asyasuyira Yakobo ngʼesyonzira siwe; asyamuliha ngʼemikolere yiwe.

Hosea 4:9

Neryo ngoko abandu bali, abahererĩ ko bali batya; nage nasyasuyirabo busana nʼesyonzira syabo, nasyalihabo busana nʼemikolere yabo.

Hosea 6:2

Enyũma wʼebiro bibiri asyatũsũbya; nʼoko kiro kyʼakasatu asyatũhanganĩa, itwatoka eribyaho embere siwe.

Hosea 8:13

Nĩkwa amahongo wʼamahere wage, bakahonga esĩswĩ ibalyasyo; nĩkwa Omwami Mukulu sĩalĩrĩgasyo; lino akandisyibuka ebibi byabo, nʼerisuyirabo busana nʼebibi byabo; basyasuba eMĩsĩrĩ.

Hosea 9:15

Ebibi byabo byosĩ biri eGĩlĩgalĩ; kwenene eyo monakwabo obusu! Busana nʼobubi bwʼemikolere yabo nasyahigabo balũe omo nyũmba yage; sindiendisyanzabo kandi; abanya-mwami babo bosĩ nĩ bahonĩ.

Hosea 9:9

Babĩrĩyĩtsandya kutsibu, ngʼomo biro bya Gĩbea; Nyamuhanga asyibuka ebibi byabo, asyasuyira amalolo wabo.

Amosĩ 8:7

Omwami Mukulu abĩrĩlahĩrya omwʼiyiheka lya Yakobo ati, Kwenene sindiendisyasyibirirwa nʼahake emĩbĩrĩ yabo na kera.

Yona 1:2

Hangana, uye eNĩnawe, omũyĩ munene oyo, ubirikire kugo; kusangwa ebibi byabo byabiriminyikala embere syage.

Emiganzo 32:23

Nĩkwa mwamatindakola mutya, ĩmwamahalya oko Mwami Mukulu; kandi muminye ebibi byenyũ ĩbyasyabahĩkako.

Luka 12:2

Nĩkwa sihali ekĩkũnĩngĩrwe ekitendisyabĩsũlwa, nʼekĩbĩsamĩre ekitendisyamĩnyĩkalĩbwa.

1 AbanyaKorinto 4:5

Neryo Simubye mukatswera omundu embere wʼomugulu owatolere, omugulu Omukama asyasa, iye asyahũlũkya omo kyakakala emyatsi eyĩbĩsamĩre omo mwĩrĩmya, kandi asyamĩnyĩkalya erĩyĩsũnza lyʼemitima yʼabandu. Neryo obuli mundu asyabana eripipwa na Nyamuhanga.

Eryibuka Ebihano 32:29

Kumbe ni bʼamenge, nga babiriminya ekĩ, Ĩbaganĩrya ebĩkandĩsyahĩka kubo!

AbaEbrania 4:13

Sihali ekĩhangĩkĩre ekĩbĩsamĩre uku Nyamuhanga. Nĩkwa ebyosĩ bisanzukere, kandi biminyikere omo meso wa Nyamuhanga. Kandi twasyayĩbalya ukwʼiye.