Hosea 6:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Kusangwa ngasonda obubuya, butsira amahongo; kandi eriminya Nyamuhanga kwilaba amahere wʼerĩokererya.

Hosea 6:6 Iomraidhean Croise

1 Emyatsi yʼEmigulu 28:9

Nawe Solomono, mugala wage, Uminye Nyamuhanga wa tata wawe, umukolere nʼomutima owahĩkene nʼomo bũlengekanĩa obukanza; kusangwa Omwami Mukulu akasondaya emitima yosĩ nʼeriminya amaganĩryo gosĩ wʼobũlengekanĩa. Wamamusonda-sonda, asyabanika ukʼuwe; nĩkwa wamamũsĩga, asyakugana kera na kera.

Esyonyimbo 50:8

Sindikukunga busana nʼamahere wawe, Nʼamahere wʼerĩokererya ago ukanyiherera ebiro byosĩ.

Emĩsyo 21:3

Erikola eritunganene nʼekwenene. Bĩkalĩgawa nʼOmwami Mukulu kwilaba ehongo.

Omũgambũlĩ 5:1

Ũtegaye ekisando kyawe omugulu ukaya omo nyũmba ya Nyamuhanga. Kusangwa erĩyĩtũnda erihulikirira lyowene kwilaba erihonga lyʼabakĩrũ kusangwa sĩbasĩ ko bakakola nabi.

Ĩsaya 1:11

Omwami Mukulu ati, Erikanyirira ryʼamahere wenyũ nĩkĩ ũkwʼĩngye kwehĩ? Bibye bingaho, amahere wʼerĩokererya wʼesyombangale busana nage, nʼebĩsabũ byʼesyonyama sĩnenehĩre. Sinditsemera omusasi wʼesyonume syʼesyonde, kutse owʼehyana hyʼesyombũlĩ, kutse owʼesyombaya.

Ĩsaya 58:6

Eritsira akalyo eryo nabiriyisoga, sĩ ryerĩ; eribohola emĩrĩkĩ yʼebibi, nʼerĩkũndũla emĩrĩkĩ yʼengomo nʼerireka abakanũbĩbawa babane obwĩranda, nʼerĩtwa obuli ngomo kwehĩ?

Yeremĩa 22:16

Mwatswera omwatsi wʼabera nʼabʼobwaga; neryo omwatsi wuwe mũwana. Erinyiminya si ryeryo kwehĩ? Omwami Mukulu atya.

Yeremĩa 7:22

Kusangwa mondabũga nʼabotata wenyũ kutse mondahanabo oko kiro nalũsayabo omo kihugo kyʼeMĩsĩrĩ, busana nʼamahere wʼerĩokererya nʼesyohongo.

Danĩelĩ 4:27

Busana nʼekyo uwe mwami erihana ryage erĩ libane erĩkũtsemesya, uleke ebibi byawe busana nʼebitunganene, uleke amalolo wawe, Uganyire abera; kwamũhwa wanganabana erĩkanyĩrĩrya Obuholo bwawe.

Hosea 14:2

Hambana nʼebĩnywa, usube oko Mwami Mukulu; umubwire uti, Ũlũsaye ebibi byosĩ, ũtũkokaye nʼolukogo, litya tutoke erireta ebĩnywa byʼemĩnywa yetu.

Hosea 2:20

Nasyakũsĩmolya omo butalegula; neryo nawe wasyaminya Omwami Mukulu.

Hosea 4:1

Ĩnywe bana ba Ĩsraelĩ, mowe ekĩnywa kyʼOmwami Mukulu; kusangwa Omwami Mukulu ali nʼomwatsi haguma nʼesyondũlanĩ syʼekihugo, kusangwa sihali kwenene, kutse obubuya, kutse eriminya Nyamuhanga omo kihugo.

Hosea 8:13

Nĩkwa amahongo wʼamahere wage, bakahonga esĩswĩ ibalyasyo; nĩkwa Omwami Mukulu sĩalĩrĩgasyo; lino akandisyibuka ebibi byabo, nʼerisuyirabo busana nʼebibi byabo; basyasuba eMĩsĩrĩ.

Amosĩ 5:21

Ngakwa ebiro bikulu byenyũ byʼobusu, nʼerigana erirya ĩnene lyenyũ, kandi Sinditsemera esyondeko syenyũ sĩbũyĩrĩre.

Mĩka 6:6

Nasyahĩka embere syʼOmwami Mukulu yo nakĩ, nʼerĩyũnamya embere wa Nyamuhanga wʼendata yo na kihi kwehĩ? Nasyahĩka embere siwe nʼamahere wʼerĩokererya, nʼebyana byʼende byʼomwaka muguma kwehĩ?

Mĩka 6:8

Uwe mundu, abĩrĩkũkangya kihi kyo kibuya; Omwami Mukulu akakusonda ko kihi kwehĩ, lye nʼerikola erĩbanza litunganene, nʼerianza obwenge, nʼerirendera na Nyamuhanga wawe nʼerĩyĩkehya.

Matayo 12:7

Kumbe mwabya mwasĩ amasako aya awakabũga ati, Nyanzĩre eriganyira, sĩnyanzĩre amahere wʼesyonyama, kumbe simwangatswera abandu abate na musango.

Matayo 5:7

Obutseme buli oko bakaganyira abandi, Kusangwa Nyamuhanga asyaganyirabo!

Matayo 9:13

Nĩkwa mugende mwige ekĩsakĩre kiti, Ngasonda eriganyira, butsira obuhere bwʼesyonyama; kusangwa sinasa eribirikira abatunganene, nĩkwa abakolanabi.

Mariko 12:33

Nʼerianza Nyamuhanga nʼomutima gosĩ, nʼobũlengekanĩa bosĩ, nʼamaka gosĩ, nʼerianza mũlĩkyabo ngoko ayanzĩre, bĩlabĩre amahere gosĩ wʼerĩokererya, nʼesyohongo syosĩ.

Yosũa 5:5

Kusangwa abandu bosĩ abalũayo ĩbabĩrĩbanĩbwa; nĩkwa ababutirawa omo mbwarara omo nzira bakalũa eMĩsĩrĩ, mobatabanĩbwa.

1 Yoane 2:3

Twamateya ebihano bya Nyamuhanga, tukaminya ko tũmwasĩ.

1 Yoane 3:6

Sihali mundu oyumatikene na Kristo oyukakola ebibi. Nʼoyukakola ebibi, isialitamulolako nʼahake, kutse erimuminya.

1 Samwelĩ 15:22

Neryo Samwelĩ mwabũga ati, Ko Mwami Mukulu asĩmĩre amahere wʼerĩokererya nʼamahere ngʼerikenga omulenge wʼOmwami Mukulu kwehĩ? Lebaya, erĩowa lyowene kwilaba amahere, nʼerihulikirira lĩlabĩre ebĩsabũ byʼesyombangale.