Hosea 6:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Busana nʼekyo nabiritemabo mo bitswe-bitswe omo byala byʼabamĩnyererĩ; nabĩrĩtabo omo bĩnywa byʼobuno bwage; nʼesyonzwere ukʼuwe siri ngʼekyakakala ekikahuluka.

Hosea 6:5 Iomraidhean Croise

Enzũko 18:25

Ekyo kibye hali ukʼuwe erikola omuhanda oyũ, erĩĩta abatunganene haguma nʼababi, litya abatunganene ibabya ngʼababi, ekyo kibye hali ukʼuwe. Ko Mũtswerĩ wʼekihugo kyosĩ siendisyatswera omo litunganene kwehĩ?

1 Abami 14:6

Neryo, omugulu Ahĩya owa esyongyĩndo siwe, akingira omo lũkyo, mwabũga ati, Wingire, uwe mũkalĩ wa Yeroboamũ; busana nakĩ ukayihindula eribya gundi kwehĩ? Kusangwa namatumwa kuwe nʼomwatsi alĩtohĩre.

1 Abami 17:1

Neryo Elĩya Omũtĩsĩbe ogʼoko babunga bʼeGĩleadĩ, mwabwira Ahabũ ati, Ngoko Mwami Mukulu Nyamuhanga wʼeĨsraelĩ aneho, Oyo nyimene embere siwe, sihendisyabya ekimi kutse embũla oko mĩtũta eyĩ, butsira oko kĩnywa kyage.

1 Abami 18:17

Neryo omugulu Ahabũ alola uku Elĩya, Ahabũ mwamubwira ati, Nina we embandanganĩa ya Ĩsraelĩ kwehĩ?

1 Abami 19:17

Neryo kyasyabya, oyukabala oko mũyalĩ wa Hazaelĩ, Yehũ asyamwĩta; nʼoyukabala oko mũyalĩ wa Yehũ, Elĩsa asyamwĩta.

2 Abami 1:16

Neryo mwamubwira ati, Omwami Mukulu ati, Kusangwa wabirituma abakwenda erĩyabũlya uku Baalĩ-zebũbũ, nyamuhanga wʼeEkũronĩ, ni kusangwa sihali Nyamuhanga omo Ĩsraelĩ erĩbũlya ekĩnywa kiwe kwehĩ? busana nʼekyo, Sĩwendĩsyakĩma oko ngyingo eyo wasambirako, nĩkwa kwenene wasyahola.

2 Emyatsi yʼEmigulu 21:12

Neryo ebarua yʼomũmĩnyererĩ Elĩa moyamũhĩkako iti, Omwami Mukulu, Nyamuhanga wa Dawĩdĩ tata wawe akabũga atĩ, Kusangwa sulitalendera omo syonzira sya tata wawe Yosafatĩ kutse omo syonzira sya Asa omwami wʼAbayũda,

Yobũ 15:30

Siendisyabala omo mwĩrĩmya, Ekirimi kyʼomuliro kyasyũmya emitahi yiwe, Akandĩsyalũaho busana nʼomuka wʼerihunga.

Yobũ 34:10

Busana nʼekyo ĩnywe balume bʼamenge munyihulikirire. Kibye hali uku Nyamuhanga erikola ebibi, Nʼoko Mũtokĩ Wʼebyosĩ erĩhalya.

Esyonyimbo 119:120

Ngubaha busana nawe; Ngubaha kutsibu busana nʼeritswera lyawe.

Esyonyimbo 37:6

Asyaleka eritunganene ryawe ĩryakangabasanĩa ngʼekyakakala, Kandi asyaleka eritunganene lyawe ĩryakolerya ngʼeritungi.

Ĩsaya 11:4

nĩkwa omo litunganene asyatswera abera, nʼerisoha ekwenene busana nʼabandu abakagalawa bʼekihugo. Kandi asyĩta ekihugo omo kĩnywa kiwe ngʼengonĩ. Kandi asyĩta ababi omo muka wʼemĩnywa yiwe.

Ĩsaya 58:1

Mulake kutsibu, sĩmũkakĩrayego. Musumbe omulenge wenyũ ngʼengubĩ, mubwire abandu bage amalolo wabo, mubwire ekĩtũnga kya Yakobo ebibi byakyo.

Yeremĩa 1:10

Lebaya, nabĩrĩkũhĩra mũnabwĩre endata oko bihanda nʼendata oko mami, eritsimbula nʼerisambula nʼerĩherya nʼerĩkĩnda ahisi, erĩhĩmba nʼerihera Omwaka.

Yeremĩa 1:18

Kusangwa lebaya, nabirikuyira mũnabwĩre ngʼomũyĩ akongotere, nʼendũyĩ yʼekyuma, nʼesyombĩmbo syʼemiringa, oko kihugo kyosĩ, nʼoko bami bʼeYũda, nʼoko banya-mwami bayo, nʼoko bahererĩ bayo, nʼoko bandu bʼekihugo.

Yeremĩa 13:13

Neryo wasyabwirabo uti, Omwami Mukulu akabũga ati, Lebaya, nasyũsũlya esyondũlanĩ syosĩ omo kihugo kino, nʼabami abĩkere oko kĩtũmbĩ kyʼobwami bwa Dawĩdĩ, nʼabahererĩ, nʼabamĩnyererĩ, nʼesyondũlanĩ syosĩ syʼeYerũsalema omo bũtamĩrĩ.

Yeremĩa 23:29

Omwami Mukulu ati, Ekĩnywa kyage sikiri ngʼomuliro kwehĩ? Kandi ngʼenyondo eyikatulanga amabwe mo bihande bihande kwehĩ?

Yeremĩa 5:14

Busana nʼekyo Omwami Mukulu, Nyamuhanga wʼemilondo ati, Kusangwa mũkabũga ekĩnywa ekĩ, lebaya, nasyayira ebĩnywa byage mo muliro omo buno bwawe, nʼabandu aba eribya esyongwĩ, nʼomuliro asyahĩsyabo.

Ezekĩelĩ 11:4

Neryo uminyerere obũyĩgũ-yĩgũ kubo, uwe mugala wʼomundu, uminyerere!

Ezekĩelĩ 3:9

Nga almasĩ erikala kwilaba omutero, ko nabiriyira embũmo yawe. Sigubahebo, kutse erĩhahũkya omutima embere syabo kusangwa ni kihanda kyʼerihona.

Ezekĩelĩ 32:18

Omugala wʼomundu, ulire busana nʼendeko yʼeMĩsĩrĩ, uleteyo ahisi, ibo nʼabali bʼebihanda byʼamaka omo kihugo kyʼeyĩkwa haguma nʼabakandagalira omo buhya.

Ezekĩelĩ 43:3

Nalo lwabya ngʼerisosa lyʼesyonzolĩ esyo nalangira, ngʼerilota eryo nalangira omugulu asa erĩherya omũyĩ. Nʼesyonzolĩ esyo syabya ngʼesyonzolĩ nalangira hakũhĩ nʼolũsĩ lwʼeKebarĩ, neryo monawa kibiribiri.

Zefania 3:5

Omwami Mukulu omo katĩkatĩ kago ni mutunganene; siendisyakola ekite kyʼerĩbanza lyʼekwenene; obuli ngyakya akaleta erĩbanza litunganene liwe oko kyakakala, sialiusa; nĩkwa oyute wʼerĩbanza litunganene sĩasĩ esĩsonĩ.

Emibiri 7:31

Nĩkwa Musa mwaswekera ekyo alangira, neryo abere ayĩtũnda erĩyĩtegererya ndeke, omulenge wʼOmukama mwabũga ati,

AbanyaRoma 2:5

Nĩkwa busana nʼobutsibu bʼomutima wawe owatebinduka, ukayibikira erihitana oko kiro ekyo kyʼerihitana lya Nyamuhanga nʼeritswera litunganene riwe lyasyabĩsũlwa.

AbanyaEfeso 6:17

Kandi muhambe akakĩra kʼomulamo. Kandi muhambe ekĩnywa kya Nyamuhanga ngʼomũyalĩ wʼOmũlĩmũ Abũyĩrĩre.

AbaEbrania 4:12

Kusangwa ekĩnywa kya Nyamuhanga kiriho, kandi kinemukola omũbĩrĩ, kandi kĩtwĩre kwilaba omũyalĩ owawite amoya abiri. Kikatsimita erĩhĩka okwʼigaba omutima nʼekĩrĩmu; kandi erĩhĩka okwʼigaba esyonungo nʼomungoso. Kandi kikatoka eritswera erisonda nʼamalengekanĩa gʼomutima.

Eribisurirwa 1:16

Kandi abya ahambĩre esyongũnũnũ sirinda omo byala biwe byʼamali, nʼomũyalĩ owʼamoya abiri mwalũa omo buno buwe. Nʼobũsũ buwe bwabya ngʼerikola lyʼeryuba erikakanyayira omo maka walyo gosĩ.

Eribisurirwa 2:16

Neryo ubindule omutima wawe uleke erikola ebibi! Bite bitya ngasyakũhĩkako lũba nʼerilwa nabo omo mũyalĩ wʼobuno bwage.

Eribisurirwa 9:15

Neryo abamalaĩka bani abo mobaboholwa. Babya ibabiritegekanĩbwa busana nʼendambĩ eno, yʼekiro kino, yʼomukera ono, nʼomwaka oyũ, busana nʼerĩĩta ekiguma kyʼomo bisatu kyʼabandu.

Eribisurirwa 9:21

Kandi abandu abo mobatabindula emitima yabo bakaleka ebibi byabo byʼerĩĩta lyabo, kutse amalagu wabo, kutse erĩsĩngĩra lyabo, kutse obwĩbĩ bwabo.

1 Samwelĩ 13:13

Na Samwelĩ mwabwira Saũlo ati, Wamakola ebyʼobũkĩrũ; sũlĩtateya ebihano byʼOmwami Mukulu, Nyamuhanga wawe, ebyo akuhana; kusangwa kumbe lino Omwami Mukulu abĩrĩsĩkya obwami bwawe kera na kera omo Ĩsraelĩ.

1 Samwelĩ 15:22

Neryo Samwelĩ mwabũga ati, Ko Mwami Mukulu asĩmĩre amahere wʼerĩokererya nʼamahere ngʼerikenga omulenge wʼOmwami Mukulu kwehĩ? Lebaya, erĩowa lyowene kwilaba amahere, nʼerihulikirira lĩlabĩre ebĩsabũ byʼesyombangale.

1 Samwelĩ 15:32

Neryo Samwelĩ mwabũga ati, Munyiretere Agagĩ, omwami wʼAbamalekĩ yo hano. Neryo Agagĩ mwamũhĩkako nʼobutseme. Kandi Agagĩ mwabũga ati, Monzo obwagalĩ bwʼoluholo bwabirilaba.

1 Samwelĩ 15:33

Nĩkwa Samwelĩ mwabũga, ati, Ngoko mũyalĩ wawe abĩrĩsĩga bakalĩ bo bũmbũtete, litya koyo wawe akandĩsĩgala bũmbũtete omo katĩkatĩ kʼabandi bakalĩ. Neryo Samwelĩ mwakenzenga Agagĩ mo bitswe-bitswe embere syʼOmwami Mukulu eGĩlgalĩ.