Hosea 6:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Uwe Efũraĩmũ, ngandisyakukolakĩ kwehĩ? Uwe Yũda nasyakukolakĩ kwehĩ? Kusangwa obubuya bwawe buli ngʼekĩtũ kyʼengyakya-ngyakya, kandi ngʼekimi ekĩkalũaho omo tũtũtũ.

Hosea 6:4 Iomraidhean Croise

Yeremĩa 3:10

Nĩkwa Omwami Mukulu ati, Haguma nʼemyatsi yosĩ eyĩ, mwali wabo wʼomwaga, ye Yũda, mwatanyisubako nʼomutima wuwe gosĩ, nĩkwa omo menge wʼamabehĩ.

Yeremĩa 3:19

Nĩkwa ĩngye monabũga nyiti, Nangatoka erĩkũhĩra nyiti omo katĩkatĩ kʼabagala bage, nʼerikuha ekihugo kibuya, omwandu owenenga wʼebihanda! Nage monabũga nyiti, Mwasyanyahula mo Tata wage, kandi simwendisyaswaleka erinyikwama.

Yeremĩa 34:15

Nenyũ mwabya imwabiribinduka, imwabirikola ekitunganene omo meso wage erĩtũlago eribohola obuli mundu mũlĩkyabo, kandi imwabiriyira endagano embere syage omo nyũmba eyikahulawa omo lĩna lyage.

Yeremĩa 5:23

Nĩkwa abandu aba bawite omutima wʼerihona nʼowʼerĩyĩyĩnĩa; babirikitira ehandi nʼerigenda.

Yeremĩa 5:7

Nangakubuyira busana nakĩ kwehĩ? Abagala bawe babĩrĩnyĩsĩganĩa, nʼerĩlahĩrya ukwʼabo bate esyonyamuhanga. Omugulu namabĩũgũtyabo, mobasĩngĩra, kandi mobaya omo nyũmba yʼabamalaya.

Yeremĩa 5:9

Omwami Mukulu ati, Sindiendisyasuyira abandu aba kwehĩ? Nage sindiendĩsyakĩsya ekihanda ngʼekĩ kwehĩ?

Yeremĩa 9:7

Busana nʼekyo Omwami Mukulu ati, Lebaya, nasyayayũkyabo nʼerirengabo. Kusangwa nangaswakola nyiti busana nʼomwali wʼabandu bage kwehĩ?

Hosea 11:8

Uwe Efũraĩmũ nasyakuleka nyiti kwehĩ? Uwe Ĩsraelĩ, nasyakugana nyiti kwehĩ? Nasyakuyira nga Adama nyiti kwehĩ? Nasyakukola nga Zeboĩmũ nyiti kwehĩ? Omutima wage abĩndwĩrwe omwisi wage, amaganĩryo wage abiriaka haguma.

Hosea 13:3

Busana nʼekyo basyabya ngʼekĩtũ kyʼomo ngyakya-ngyakya, kandi ngʼekimi ekikuma lũba, ngʼomusunga owakagũlũkĩbawa nʼakanyabungu erĩlũa oko kibuga kyʼerĩhũmbĩramo, kandi ngʼomũkĩ akalũa omo ngero.

Hosea 7:1

Omugulu nyanzĩre erĩlamya Ĩsraelĩ, neryo ebibi bya Efũraĩmũ bikaswikulawa, nʼebibi byʼeSamarĩa; kusangwa bakakola nʼeriteba, nʼomũrahĩ akingiramo, nʼomulondo wʼabanyeyĩ bakahũnga eyĩhya.

Matayo 13:21

Nĩkwa ekĩnywa ekyo sikiribya omwisi wuwe. Embuto eyabibawa omo kitaka byamo katambĩ kake. Neryo omugulu obũlĩge, kutse erĩendererya bĩkahĩka busana nʼekĩnywa ekyo, akatswa lũba.

Abatswerĩ 3:12

Nʼabana ba Ĩsraelĩ mobaswakola ebibi kandi omo meso wʼOmwami Mukulu. Neryo Omwami Mukulu mwaha amaka uku Eglonĩ omwami wʼeMoabũ eribambira Ĩsraelĩ, kusangwa babya ibabirikola ebibi omo meso wʼOmwami Mukulu.