Hosea 5:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Efũraĩmũ asyabya kĩma oko kiro kyʼerikungwa; omo katĩkatĩ kʼebihanda bya Ĩsraelĩ nabĩrĩmĩnyĩsya ebyʼekwenene.

Hosea 5:9 Iomraidhean Croise

Yobũ 12:14

Lebaya, akasambula, isiyangatoka erĩswahĩmbwa; Akaboha omundu, isihangatoka eribya erĩkũndũlwa.

Ĩsaya 37:3

Mobamubwira bati, Hezekĩa akabũga ati, Ekiro ekĩ ni kiro kyʼobũlĩge, nʼekyʼerikungwa, nʼekyʼeriganwa, kusangwa abana bamahĩka okwʼibutwa, kandi sihali amaka wʼeributa.

Ĩsaya 46:10

Erĩtũla ebyʼendũlĩ inandi oko nzũko, nʼerĩtsũka oko migulu ya kera erĩtũla emyatsi eyite yakolwa. Nyiti, Erĩyĩsũnza lyage lyasyahangana, kandi nasyaberererya ebyosĩ ebĩkanyĩtsemesaya.

Ĩsaya 48:3

Nabĩrĩtũla emyatsi yʼerĩmbere erĩtsũka kera, moyahuluka omo buno bwage, nage monakanganĩayo. Monakola lũba-lũba, neryo mobyabererera.

Ĩsaya 48:5

Busana nʼekyo nabĩrĩkũtũlĩrago erĩtsũka kera, monakũkangyago isiali abererera, ũkasyabũga uti, Esanamu yage yo yakolabyo, nʼesanamu yage yʼeribatswa, nʼesanamu yage yʼerĩnũnĩa, syo syahanabyo.

Ĩsaya 7:16

Kusangwa omũlwana oyo ate aminya erigana ebibi nʼeriyisoga ebibuya, ekihugo kyʼabami babiri abo ukubaha kyasyasĩganĩbwa.

Hosea 5:12

Busana nʼekyo, ĩngye indi kanyurugunzu uku Efũraĩmũ, nʼoko kĩtũnga kya Yũda ngʼerihonda.

Hosea 5:14

Kusangwa nasyabya uku Efũraĩmũ ngʼendale, nʼoko kĩtũnga kya Yũda nasyabya ngʼomusuko wʼendale; ĩngye, nĩna ngye, nasyatulanga mo bitswe nʼerĩlũaho; nasyahekabo, isihendisyabya mundu oyo wasyalamya.

Hosea 7:12

Omugulu basyagenda, nasyasanza obutaha-taha bwage endata kubo; nasyandagalyabo ngʼesyonyonyũ syʼekyanya; nasyasuyirabo nʼerĩtũlago oko ndeko yabo.

Hosea 8:8

Ĩsraelĩ abirimerwa; lino bali omo katĩkatĩ kʼebihanda ngʼenyungu ĩyitetsemesaya mundu.

Hosea 9:7

Ebiro byʼerisuyira byahĩkĩre, ebiro byʼerĩtũhũlya byahĩkĩre; Ĩsraelĩ baminye omwatsi oyũ, omũmĩnyererĩ nĩ mũkĩrũ, omundu wʼekĩrĩmũ oyũ nĩ mũsĩre, busana nʼobungi bwʼebibi byawe, na kusangwa obũyĩgũ ni bunene.

Amosĩ 3:7

Kwenene Omukama Omwami Mukulu siendisyakola kindu, ate abĩsũlĩra abagombe buwe abamĩnyererĩ ekĩbĩsĩre kiwe.

Amosĩ 7:17

Busana nʼekyo Omwami Mukulu ati, Omũkalĩ wawe asyabya mũsĩngĩrĩ omo mũyĩ, nʼabagala bawe nʼabali bawe basyakwa omo mũyalĩ, nʼekitaka kyawe kyasyagabwa omo ngohe; nawe wasyahola omo kihugo kĩtsandĩre. Na Ĩsraelĩ kwenene asyatwalwa omo bunyegwa erĩlũa omo kihugo kiwe.

Amosĩ 7:9

Kandi ahʼendata ha Ĩsaka hasyabya kĩma, nʼahabũyĩrĩre ha Ĩsraelĩ hasyatsandĩbwa; nage nasyahangana nʼerilwa nʼekĩtũnga kya Yeroboamũ omo mũyalĩ.

Mĩka 6:13

Neryo nibya nasyakũswĩrya nʼerĩkũlwalya; nʼerĩkũlolya oko bũlĩge busana nʼebibi byawe.

Zekarĩa 1:6

Nĩkwa ebĩnywa byage nʼemigambo yage, eyo nalayira abagombe bage abamĩnyererĩ, mobĩtahĩka oko abotatakulu wenyũ kwehĩ? Neryo mobabinduka erireka ebibi bati, Ngoko Mwami Mukulu Wʼemilondo aganĩraya eritukola, ngʼesyonzira syetu ko siri, kandi ngʼemĩbĩrĩ yetu ko yiri, abiritukolera atya.

Yoane 16:4

Nĩkwa nabiribabwira emyatsi eyĩ, neryo omugulu endambĩ yabo yasyahĩka, imwatoka erĩyĩbũkyayo ngoko mababwira. Mondababwira emyatsi eyĩ erĩmbere kusangwa nabya haguma nenyũ.