Hosea 5:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Kandi eriyiheka lya Ĩsraelĩ likamuhandikirira oko bũsũ buwe; busana nʼekĩ Ĩsraelĩ na Efũraĩmũ basyatwĩkala omo bubi bwabo; Yũda naye abĩrĩtwĩkala haguma nabo nibya.

Hosea 5:5 Iomraidhean Croise

Emĩsyo 11:21

Nomo byala byangahamba ebyala, Omubi siendisyabula erisuyirwa, Nĩkwa olubuto lwʼabatunganene lwasyalamĩbwa.

Emĩsyo 11:5

Eritunganene lyʼoyũhĩkene lyasyasondola enzira yiwe, Nĩkwa omubi asyawa omo bubi buwe ĩyowene.

Emĩsyo 14:32

Omubi akakũnawa ahisi omwʼikola nabi liwe; Nĩkwa omutunganene awite obusayiro omo luholo luwe.

Emĩsyo 24:16

Kusangwa omundu utunganene asyawa ngendo sirinda, iniaswahangana, Nĩkwa ababi bakaherĩbawa omo mũsĩngo.

Emĩsyo 30:13

Hali olulengo, ameso wabo ahawĩre ngakĩ! Nʼebĩkoheryo byabo bĩhawĩre.

Ĩsaya 3:8

Kusangwa eYerũsalema yabĩrĩherĩbwa, nʼeYũda yabiriwa, kusangwa olulimi lwabo nʼemĩbĩrĩ yabo nĩ bũyĩgũ oko Mwami Mukulu, erihona embere syʼowʼolukengerwa.

Ĩsaya 3:9

Erisosa lyʼameso wabo lĩkatũlago busana nabo; bakakangaya ebibi byabo ngʼeSodomo, sĩbebĩsabyo. Obũlĩge kubo! Kusangwa babiriyiretera ebibi.

Ĩsaya 44:9

Abandu abakabatsa esanamu eyikabatsawa abosĩ ni buyira; nʼemyatsi yabo eyo yʼobũgũlĩ bunene siyendisyaha ndũndĩ. Nʼabalangĩrĩ babo sibelangira kutse eriminya, neryo basyahemulwa.

Ĩsaya 59:12

Kusangwa amalolo wetu abirikanya embere syawe, nʼebibi byetu byamatuhandikirira, kusangwa amalolo wetu ali haguma netu, nʼebibi byetu tũnasĩbyo.

Yeremĩa 14:7

Nomo ebibi byetu bikatuhandikirira, uwe, Mwami Mukulu, Ukole busana nʼerĩna lyawe. Kusangwa kwenene eritswa lyetu ni ringi. Twabĩrĩkũhalyako.

Yeremĩa 2:19

Ebibi byawe ĩwowene byasyakuhabula, nʼerisuba enyũma lyawe lyasyakukunga. Neryo Uminye kandi Ũlebaye kwʼali mwatsi mubi nʼowakalĩhĩre, uti ũkasĩganaya Omwami Mukulu Nyamuhanga wawe, nʼobuba bwage sibuli omwisi wawe, Omukama Omwami Mukulu wʼemilondo atya.

Hosea 14:1

Uwe Ĩsraelĩ, usube oko Mwami Mukulu Nyamuhanga wawe; kusangwa wabiriwa busana nʼebibi byawe.

Hosea 14:2

Hambana nʼebĩnywa, usube oko Mwami Mukulu; umubwire uti, Ũlũsaye ebibi byosĩ, ũtũkokaye nʼolukogo, litya tutoke erireta ebĩnywa byʼemĩnywa yetu.

Hosea 4:5

Nawe wasyatwĩkala omwʼitungi, nʼomũmĩnyererĩ asyatwĩkala haguma nawe omo kiro; nage nasyatogotya koyo wawe.

Hosea 5:14

Kusangwa nasyabya uku Efũraĩmũ ngʼendale, nʼoko kĩtũnga kya Yũda nasyabya ngʼomusuko wʼendale; ĩngye, nĩna ngye, nasyatulanga mo bitswe nʼerĩlũaho; nasyahekabo, isihendisyabya mundu oyo wasyalamya.

Hosea 7:10

Nomo eriyiheka lya Ĩsraelĩ likamuhandikirira; nĩkwa sibetasuba oko Mwami Mukulu, Nyamuhanga wabo, kutse erĩmũsonda-sondya busana nʼebĩ byosĩ.

Hosea 8:14

Kusangwa Ĩsraelĩ abiribirirwa Omũhangĩkĩ wuwe nʼerĩhĩmba ebikali; na Yũda abĩrĩkanyĩa emĩyĩ ikongotere; nĩkwa nasyatuma omuliro omo mĩyĩ yako, nago asyahĩsya amanyũmba awasosĩre ebikali.

Amosĩ 5:2

Omukondo ye Ĩsraelĩ abiriwa, siendisyaswahangana; agotsere ahisi ĩyowene oko kihugo kiwe; sihali mundu oyo wasyamũhanganĩa.

Matayo 23:31

Neryo mũkalĩga ko muli abagala bʼabĩta abamĩnyererĩ.

Luka 19:22

Omukulu oyo mwamubwira ati, Uwe mugombe mubi! Ngandikutswera omo bĩnywa byawe. Wabya wasĩ ko ndi mundu oyũkalĩre, ngĩmaya ebite byage, nʼerigesa ebyo ndabiba kwehĩ?