Hosea 5:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Ĩnywe bahererĩ, mowe ekĩ, nenyũ ekĩtũnga kya Ĩsraelĩ, muhulikirire, utege okũtũ uwe kĩtũnga kyʼOmwami! Kusangwa olubanza ni lwawe; kusangwa wabiribya kitego eMĩsĩpa, nʼobutimba obũyĩsanzĩre oko Taborĩ.

Hosea 5:1 Iomraidhean Croise

Yeremĩa 11:7

Kusangwa monakunga abotata wenyũ bo kutsibu ekiro nalũsayabo omo kihugo kyʼeMĩsĩrĩ, erĩhĩka mũnabwĩre, iningahangana omo ngyakyangyakya nʼerikungabo nyiti, Mukenge omulenge wage.

Yeremĩa 13:18

Ubwire omwami na nya-mwami uti, Mũyĩkehaye, mwĩkale ahisi, kusangwa embĩta yenyũ nyibuya yabĩrĩlũa oko mitwe yenyũ.

Yeremĩa 46:18

Omwami akabũga ati, Ngoko nyiriho, Omwami Mukulu wʼemilondo, lyo lĩna liwe, kwenene omundu asyasa ngʼeTaborĩ omo bitwa, nʼakandi ngʼeKaramelĩ hakũhĩ nʼengetsi, kwʼasyasa atya.

Hosea 10:15

Ko kyasyakolwa kitya busana nʼebibi binene byenyũ. Omo mwĩtsange omwami wa Ĩsraelĩ asyatogotĩbwa.

Hosea 13:8

nasyahĩndana nabo ngʼedũbũ eyiriasagulawa ebyana byayo, kandi nasyatula ebĩkũba byabo; nʼeyo nasyamerabo ngʼendale yʼobũkalĩ; enyama yʼomolĩ yasyatulabo.

Hosea 4:1

Ĩnywe bana ba Ĩsraelĩ, mowe ekĩnywa kyʼOmwami Mukulu; kusangwa Omwami Mukulu ali nʼomwatsi haguma nʼesyondũlanĩ syʼekihugo, kusangwa sihali kwenene, kutse obubuya, kutse eriminya Nyamuhanga omo kihugo.

Hosea 6:9

Ngʼemilondo yʼabandu abakahũnga bakalindirira omundu, litya endeko yʼabahererĩ ĩkĩta omo nzira eyikalola eSekemũ; kwenene, bakakola ebĩtĩsĩrĩre.

Hosea 9:8

Efũraĩmũ abya mũteya haguma na Nyamuhanga wage; abya mũmĩnyererĩ, nĩkwa ekitego kyʼoyukahamba enyonyũ kiri omo syonzira siwe syosĩ, kandi obũyĩgũ buli omo nyũmba ya Nyamuhanga wuwe.

Yoelĩ 1:2

Ĩnywe bakulu mowe ebĩ, kandi mutege amatwĩ, ĩnywe bosĩ esyondũlanĩ syʼekihugo. Omwatsi oyũ abĩrĩhĩka omo biro byenyũ, kutse omo biro byʼabotatakulu wenyũ kwehĩ?

Amosĩ 3:1

Mowe ekĩnywa ekĩ, Omwami Mukulu abĩrĩbũga erilwa nenyũ, ĩnywe bana ba Ĩsraelĩ, erilwa nʼekĩtũnga kyosĩ ekyo nalũsaya omo kihugo kyʼeMĩsĩrĩ, nyiti;

Amosĩ 7:9

Kandi ahʼendata ha Ĩsaka hasyabya kĩma, nʼahabũyĩrĩre ha Ĩsraelĩ hasyatsandĩbwa; nage nasyahangana nʼerilwa nʼekĩtũnga kya Yeroboamũ omo mũyalĩ.

Mĩka 3:1

Neryo monabũga nyiti, Ĩnywe bakulu ba Yakobo, nʼabatabalĩ bʼekĩtũnga kya Ĩsraelĩ, muhulikirire. Ĩnywe simwangaminya erĩbanza litunganene kwehĩ?

Mĩka 3:9

Neryo, mowe ekĩ, ĩnywe bakulu bʼekĩtũnga kya Yakobo, nʼĩnywe batabalĩ bʼekĩtũnga kya Ĩsraelĩ abakakwa erĩbanza lyʼekwenene lyʼesyonye, nʼerĩhengemya ebitunganene byosĩ.

Mĩka 7:2

Oyukakenga Nyamuhanga abirihwerekerera omo kihugo, kandi sihali oyutunganene omo katĩkatĩ kʼabandu. Abosĩ bakalĩmbaya omusasi; obuli mundu akasonda-sondaya mugala wabo yʼomo butimba.

Malakĩ 1:6

Omugala akasĩkaya tata wuwe, nʼomugombe akasĩkaya omukama wuwe. Neryo namabya indi tata, erĩsĩkĩbwa lyage liri hahi kwehĩ? Kandi namabya indi mukama, erinyikenga liri hahi kwe­hĩ? Omwami Mukulu Wʼemilondo akabũga nʼĩnywe bahererĩ abakapona erĩna lyage, Nenyũ muti, Tukapona erĩna lyawe umu kyahi kwehĩ?

Malakĩ 2:1

Na lino ĩnywe bahererĩ, erihana erĩ ni busana nenyũ.

Abatswerĩ 4:12

Neryo mobabwira Sĩsera ngoko Baraka mugala wa Ahĩnoamũ amahetukira oko kitwa kyʼeTaborĩ.

Abatswerĩ 4:6

Neryo mwatuma eribirikira Baraka mugala wa Abĩnoamũ akalũa eKadesĩ-nafũtalĩ, neryo mwamubwira ati, Omwami Mukulu, Nyamuhanga wa Ĩsraelĩ, abirikuhana, ati, Ugende usegere oko kitwa kyʼeTaborĩ, kandi wĩmaye haguma nawe abandu elfu ĩkũmĩ oko bana ba Nafũtalĩ nʼabana ba Zebũlũnĩ.

1 Samwelĩ 7:16

Neryo mwagenda obuli mwaka erĩtĩmba eBetelĩ, nʼeGĩlgalĩ, nʼeMĩsĩpa; ehosĩ eyo mwatswera Ĩsraelĩ.

1 Samwelĩ 7:5

Na Samwelĩ mwabũga ati, Mũhĩndanaye Abaĩsraelĩ bosĩ eMĩsĩpa, nage ngandibasabira oko Mwami Mukulu.

1 Samwelĩ 7:6

Neryo mobahĩndana eMĩsĩpa, mobateha magetsi, mobũtago embere syʼOmwami Mukulu, nʼekiro ekyo mobatsira akalyo mobabũga bati, Twabĩrĩhalya oko Mwami Mukulu. Na Samwelĩ mwatswera abana ba Ĩsraelĩ eMĩsĩpa.