Hosea 4:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Neryo ngoko abandu bali, abahererĩ ko bali batya; nage nasyasuyirabo busana nʼesyonzira syabo, nasyalihabo busana nʼemikolere yabo.

Hosea 4:9 Iomraidhean Croise

Emĩsyo 11:31

Lebaya, omutunganene asyahembwa omo kihugo; Kwilaba aho lingahi omubi nʼomukola-nabi asyahembwa!

Emĩsyo 12:14

Omundu asyũgũtĩbwa omo bubuya busana nʼebĩgũma byʼobuno buwe; Nʼemĩbĩrĩ yʼebyala byʼomundu yasyamũsũbũlĩrĩbwa.

Emĩsyo 5:22

Ebibi biwe ĩyowene-wene byasyahamba omubi, Naye asyahambwa omo mĩrĩkĩ yʼebibi biwe.

Ĩsaya 24:2

Neryo abandu ko basyabya ngʼomũhererĩ; omugombe asyabya ngʼomukama wuwe, omutsana asyabya ngʼomũkalĩ oyo akakolera; oyukagula asyabya ngʼoyũkagũlaya; oyukabweka asyabya ngʼoyukayibweka; oyukabweka busana nʼendũndĩ asyabya ngʼoyuli nʼomwĩnda.

Ĩsaya 3:10

Mubwire abatunganene muti, ni mbolere, kusangwa basyalya ebĩgũma byʼemĩbĩrĩ yabo.

Yeremĩa 5:31

Abamĩnyererĩ bakaminyerera omo mabehĩ, nʼabahererĩ bakatabala omo hamũlĩ yabo, nʼabandu bage bakanza batya! Nenyũ mwasyakolakĩ omugulu endũlĩ yasyahĩka kwehĩ?

Ezekĩelĩ 44:10

Nĩkwa Abalawĩ abanyitswako, omugulu Ĩsraelĩ atswa, abanyitswako nʼerikwama esyosanamu syabo, basyaheka erisuyira lyʼebibi byabo.

Ezekĩelĩ 44:12

Kusangwa bakolerabo embere wʼesyosanamu syabo, mobabya ekyʼerĩtwĩkalya kyʼebibi busana nʼekihanda kyʼeĨsraelĩ. Busana nʼekyo nabĩrĩlahĩrya busana nʼerilwa nabo, Omukama Iye Omwami Mukulu atya. Ati, Basyaheka erisuyira busana nʼebibi byabo.

Hosea 1:4

Neryo Omwami Mukulu mwamubwira ati, Wahule erĩna liwe mo Yezreelĩ; kusangwa oko kandi katambĩ, nasyakĩsya omusasi wa Yezreelĩ oko kĩtũnga kya Yehũ, nasyatsĩrĩsya obwami bwʼekĩtũnga kya Ĩsraelĩ.

Hosea 10:10

Omugulu kĩkanyĩtsemesaya nasyasuyirabo; nʼebihanda byasyahĩndanĩbwa erilwa nabo, omugulu babohĩrwe nʼebibi byabo kabiri.

Hosea 12:2

Kandi Omwami Mukulu ali nʼobuhaka haguma na Yũda nibya asyasuyira Yakobo ngʼesyonzira siwe; asyamuliha ngʼemikolere yiwe.

Hosea 12:3

Yakobo mwahambira mugala wabo omo nda oko kasĩnzĩro, nʼomugulu abya mukulu mwahambana na Nyamuhanga.

Hosea 7:2

Ĩsĩbeganĩraya omo mitima yabo ngoko ngibuka ebibi byabo byosĩ; lino emikolere yabo yabĩrĩtĩmba kubo; bali embere syʼobũsũ bwage.

Hosea 8:13

Nĩkwa amahongo wʼamahere wage, bakahonga esĩswĩ ibalyasyo; nĩkwa Omwami Mukulu sĩalĩrĩgasyo; lino akandisyibuka ebibi byabo, nʼerisuyirabo busana nʼebibi byabo; basyasuba eMĩsĩrĩ.

Hosea 9:15

Ebibi byabo byosĩ biri eGĩlĩgalĩ; kwenene eyo monakwabo obusu! Busana nʼobubi bwʼemikolere yabo nasyahigabo balũe omo nyũmba yage; sindiendisyanzabo kandi; abanya-mwami babo bosĩ nĩ bahonĩ.

Hosea 9:9

Babĩrĩyĩtsandya kutsibu, ngʼomo biro bya Gĩbea; Nyamuhanga asyibuka ebibi byabo, asyasuyira amalolo wabo.

Zekarĩa 1:6

Nĩkwa ebĩnywa byage nʼemigambo yage, eyo nalayira abagombe bage abamĩnyererĩ, mobĩtahĩka oko abotatakulu wenyũ kwehĩ? Neryo mobabinduka erireka ebibi bati, Ngoko Mwami Mukulu Wʼemilondo aganĩraya eritukola, ngʼesyonzira syetu ko siri, kandi ngʼemĩbĩrĩ yetu ko yiri, abiritukolera atya.

Matayo 15:14

Mulekebo, ni basondolĩ ndĩmatĩme bʼabandu ndĩmatĩme. Omundu ndĩmatĩme amasondola ogundi mundu ndĩmatĩme, ababiri bosĩbasyatogera omo buhya.