Hosea 4:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Abandu bage bamaherĩbwa eribula eriminya. Kusangwa wabirigana eriminya, nage nasyakugana nibya, eribya mũhererĩ wage. Kusangwa wabiribirirwa emigambo ya Nyamuhanga wawe, nasyibirirwa abana bawe nibya.

Hosea 4:6 Iomraidhean Croise

2 Emyatsi yʼEmigulu 15:3

Nĩkwa oko mugulu muli Abaĩsraelĩ babya butsira Nyamuhanga wa kwenene, na butsira mũhererĩ wʼerĩkangĩrĩrya, isibawite migambo.

Yobũ 36:12

Nĩkwa bamatĩndĩowa basyahera omo mũyalĩ, Kandi basyahola butsira menge.

Esyonyimbo 119:139

Erihitana lyage likaka omwisi wage ngʼomuliro, Kusangwa esyonzĩgũ syawe sikapona ebihano byawe.

Esyonyimbo 119:153

Usamalire eriagalwa lyage, ũnyĩlamaye, Kusangwa sinditagaramira emigambo yawe.

Esyonyimbo 119:61

Ababi bakanyisenga omo mikoba yabo, Nĩkwa sindibirirawa emigambo yawe.

Esyonyimbo 18:27

Ũkalamaya abakayĩkehaya Kandi ũkakehaya abakayiheka,

Emĩsyo 10:21

Emĩnywa yʼomutunganene ĩkalĩsaya bangi; Nĩkwa abakĩrũ bakahola busana nʼeribula amenge.

Emĩsyo 19:2

Kandi Sĩryowene ekĩrĩmũ kikabya butsira eriminya; Nʼoyukanguha omo bisando biwe akahalaya.

Ĩsaya 1:3

Enume yʼende ĩnasĩ omwenyeyo, nʼepunda ĩnasĩ olugo lwʼomwenyeyo, nĩkwa Ĩsraelĩ sĩasĩ, nʼabandu bage sibeminya.

Ĩsaya 17:10

Kusangwa wabiribirirwa Nyamuhanga wʼomulamo wawe, kandi sulitibuka erĩbwe lyʼobusayiro bwawe. Busana nʼekyo ukahera emyaka eyĩkatsemesaya, kandi ukaherayo haguma nʼemĩrĩkĩ ya nyamuhanga wʼehandi.

Ĩsaya 27:11

Omugulu emitahi yago yamabiuma, yasyabũnangwa. Abakalĩ basyasa nʼerĩhĩsyayo omo muliro. Kusangwa si bandu bawite eriminya. Busana nʼekyo omũbũmbĩ wabo siendisyaganyirabo. NʼOmũhangĩkĩ wabo siendĩsyakwĩrabo olukogo.

Ĩsaya 28:7

Aba nabo bakayiwako nʼebĩnyũ, bakakũta-kũta omo bwabũ bũhĩre. Omũhererĩ nʼomũmĩnyererĩ bakayiwako busana nʼobwabũ bũkalĩre, babirimerwa nʼebĩnyũ, bakakũta-kũta nʼobwabũ bũkalĩre. Bakayiwako omo nzolĩ, bakatitimbira omwʼitswera.

Ĩsaya 29:12

Neryo ekitabu ekyo kyasyahabwa oyũtasĩ erisoma, bati, Kĩsĩ-kĩsĩ tuti, soma ekĩ. Naye asyabũga ati, Sĩnyasĩ erisoma.

Ĩsaya 3:12

Ĩnywe bandu bage! Abana bo bakanũbayabo, nʼabakalĩ bakatabalirabo. Ĩnywe bandu bage! abakabasondola bakaleka imwatala, nʼerĩrĩba-lĩbanĩa enzira mukalabamo.

Ĩsaya 45:20

Mũyĩhĩndanaye mwase. Musegere hakũhĩ haguma, ĩnywe basayĩ bʼebihanda. Abakaheka esanamu yabo yʼomuti, nʼerisaba nyamuhanga oyute wangalamya, sibawite amenge.

Ĩsaya 5:13

Busana nʼekyo abandu bage babĩrĩhũngwa busana nʼeribula amenge. Kandi abandu babo abasĩkĩbwe bakwĩre enzala, nʼendeko yabo yĩkwĩre enyota.

Yeremĩa 2:8

Abahererĩ mobatabũga bati, Omwami Mukulu ali hahi kwehĩ? Abakahana emigambo mobatanyiminya. Kandi abatabalĩ mobanyĩhalyako nibya, nʼabamĩnyererĩ mobaminyerera busana na Baalĩ, kandi mobakwama emyatsi eyite na ndũndĩ.

Yeremĩa 4:22

Kusangwa abandu bage nĩ bakĩrũ, sĩbanyasĩ. Ni bana batyabatya, kandi sibawite amenge. Bawite amenge wʼerikola ebibi, nĩkwa sĩbasĩ erikola ndeke.

Yeremĩa 5:21

Muhulikirire ekĩ ĩnywe bandu bakĩrũ, abate nʼeriminya. Abawite ameso, isibelangira. Abawite amatwĩ, ĩsĩbalĩowa.

Ezekĩelĩ 44:23

Kandi, basyakangĩrĩrya abandu bage erisombola omo katĩkatĩ kʼebĩbũyĩrĩre nʼebĩtabũyĩrĩre, nʼerĩmĩnyĩsyabo eriminya ekĩtowene nʼekyerĩre.

Hosea 13:6

Ngʼobũlĩsĩryo bwabo, mobũgũta batya; neryo erĩũgũta, omutima wabo mwahamĩbwa; kyaleka ibanyibirirwa.

Hosea 2:13

Nasyamusuyira busana nʼebiro bya Baalĩ oyo ahĩsĩraya obukwa, omugulu ayisitika omo syombũka siwe syʼamatwĩ nʼobusanga buwe, nʼeriyakwamirira abaragane buwe, kyaleka inianyibirirwa, Omwami Mukulu atya.

Hosea 4:1

Ĩnywe bana ba Ĩsraelĩ, mowe ekĩnywa kyʼOmwami Mukulu; kusangwa Omwami Mukulu ali nʼomwatsi haguma nʼesyondũlanĩ syʼekihugo, kusangwa sihali kwenene, kutse obubuya, kutse eriminya Nyamuhanga omo kihugo.

Hosea 4:12

Abandu bage bakabũlaya esanamu yabo yʼomuti, nʼomũtso wabo wʼobũkũmũ akabwirabo; kusangwa omutima wʼeriteta abĩrĩtalyabo, babirikola obũmalaya, erĩlũa uku Nyamuhanga wabo.

Hosea 4:14

Sindiendisyasuyira abana-bato benyũ omugulu bakakola obũmalaya, kutse abaherũkĩ benyũ omugulu bakateta; kusangwa abalume ĩbobene bakayisolola haguma nʼabatetĩ, kandi bakahonga mahere haguma nʼabamalaya; nʼabandu bateminya basyaherĩbwa.

Hosea 5:4

Emĩbĩrĩ yabo siyereka bakabindukira Nyamuhanga wabo; kusangwa ekĩrĩmũ kyʼobũmalaya kiri mubo, sĩbasĩ Omwami Mukulu.

Hosea 6:6

Kusangwa ngasonda obubuya, butsira amahongo; kandi eriminya Nyamuhanga kwilaba amahere wʼerĩokererya.

Hosea 7:11

Neryo Efũraĩmũ abiribya ngʼakalĩkũkũ kakĩrũ, akate nʼobowĩka; bakabirikira eMĩsĩrĩ, ibakaya eSũrĩa.

Hosea 7:9

Abʼehandi bakabuga amaka wuwe, nĩkwa ĩsĩasĩkyo; akayira esyombwĩ nĩkwa sĩasĩkyo.

Hosea 8:1

Ũhĩre engubi oko mĩnywa yawe! Ngʼerĩsamba ko likasa, enzĩgũ ikasa oko kĩtũnga kyʼOmwami Mukulu, kusangwa babĩrĩhalya oko ndagano yage nʼerilwa nʼemigambo yage.

Hosea 8:12

Nomo nabirimusakira emilondo yʼemigambo elfu ĩkũmĩ, nĩkwa ikaganzawa ngʼekindu kyʼehandi.

Hosea 8:14

Kusangwa Ĩsraelĩ abiribirirwa Omũhangĩkĩ wuwe nʼerĩhĩmba ebikali; na Yũda abĩrĩkanyĩa emĩyĩ ikongotere; nĩkwa nasyatuma omuliro omo mĩyĩ yako, nago asyahĩsya amanyũmba awasosĩre ebikali.

Hosea 9:17

Nyamuhanga wage asyagusabo, kusangwa sibetamuhulikirira; nabo basyabya baganga-gangĩ omo katĩkatĩ kʼebihanda.

Matayo 1:6

Yese abya ĩse wʼOmwami Dawĩdĩ. Dawĩdĩ abya ĩse wa Solomono (nyĩnya wuwe abya mũkalĩ wa Ũrĩa);

Matayo 15:14

Mulekebo, ni basondolĩ ndĩmatĩme bʼabandu ndĩmatĩme. Omundu ndĩmatĩme amasondola ogundi mundu ndĩmatĩme, ababiri bosĩbasyatogera omo buhya.

Matayo 15:8

Abandu aba bakanyĩsĩkaya omo mĩnywa yabo, Nĩkwa emitima yabo iri hali kwĩngye.

1 Samwelĩ 2:12

Nĩkwa abagala ba Elĩ babya bandu batya-batya; ĩsĩbasĩ Omwami Mukulu,