Hosea 4:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Hali eritsuma nʼeriteba, nʼerĩĩta, nʼerĩĩba, nʼerĩsĩngĩra; bakakola nʼomwaga, nʼerĩũta omusasi likakwama erĩũta omusasi.

Hosea 4:2 Iomraidhean Croise

Enzũko 4:8

Neryo Kaĩna mwabũga na mugala wabo ye Abele, ati, Tugende eyĩhya omolĩ. Neryo omugulu babya omolĩ, Kaĩna mwagulukira uku mugala wabo ye Abele, mwamwĩta.

Ĩsaya 24:5

Esyondũlanĩ syʼekihugo syabĩrĩta kyo nye, kusangwa babiriketa ebihano, babiripona emigambo babĩrĩtwa endagano ya kera na kera.

Ĩsaya 48:1

Uwe nyũmba ya Yakobo, uhulikirire ekĩ, ĩnywe mukahulawa omo lĩna lya Ĩsraelĩ, ĩnywe mwalũa omo kihanda kya Yũda; ĩmũkalahĩraya oko lĩna lyʼOmwami Mukulu, nʼerimwahula mo Nyamuhanga wa Ĩsraelĩ, nĩkwa butsira omo kwenene, kutse omo litunganene.

Yeremĩa 51:5

Kusangwa Ĩsraelĩ, kutse Yũda sĩbetasĩganĩbwa na Nyamuhanga wabo, Omwami Mukulu wʼemilondo, nomo kihugo kyabo kyoswĩre mwʼamalolo embere syʼOyũbũyĩrĩre wa Ĩsraelĩ.

Yeremĩa 6:7

Ngoko ekyũna kyʼamagetsi kĩkahũlũkaya amagetsi wakyo mabuya, litya nago akahũlũkaya ebibi byago bihya-bihya. Omwaga nʼerĩherya bĩkogũbawa mugo. Endwala nʼebironda biri embere syage emigulu yosĩ.

Ekiriro 4:13

Ni busana nʼebibi byʼabamĩnyererĩ bako, Nʼamalolo wʼabahererĩ bako. Abũta omusasi wʼabatunganene Omo katĩkatĩ kako.

Ezekĩelĩ 7:23

Uhese obuhulula, kusangwa ekihugo kyoswĩre nʼerikola ebibi byʼerĩũta omusasi, nʼomũyĩ oswĩre mʼobutsibu.

Hosea 10:13

Mwabiririma ebibi, mwabirigesa ebitatunganene; mwabirirya ebĩgũma byʼamabehĩ, kusangwa mowayiketera enzira yawe, omo bungi bwʼesyombangĩ syawe.

Hosea 10:4

Bakabũga ebĩnywa bya busa, ĩbakalahĩraya nʼamabehĩ eriyira esyondagano; Ukwʼekyo eritswera likahangana ngʼomuhokolo omo mahya wʼeririma.

Hosea 11:12

Efũraĩmũ akanyĩtĩmbako nʼamabehĩ, nʼekĩtũnga kya Ĩsraelĩ kĩkanyĩtĩmbako omwʼiteba; Yũda naye akaleta omwaga uku Nyamuhanga, akaleta omwaga oko Yũbũyĩrĩre, oyuteregula.

Hosea 12:14

Efũraĩmũ mwamũhĩtanĩa kutsibu omwʼikaliha; busana nʼekyo, Omukama wuwe asyamũsĩgĩra omusango wʼomusasi wuwe, nʼomukama wuwe asyamũsũbũlĩrya ebĩtsũmĩ biwe.

Hosea 5:2

Nʼabandu abakayisamambula babĩrĩkĩma kutsibu omo bibi; nĩkwa ĩngye ngasuyira abosĩ.

Hosea 6:8

Gĩleadĩ nĩ mũyĩ wʼabakakola nabi; awite olugobe olwʼomusasi.

Hosea 6:9

Ngʼemilondo yʼabandu abakahũnga bakalindirira omundu, litya endeko yʼabahererĩ ĩkĩta omo nzira eyikalola eSekemũ; kwenene, bakakola ebĩtĩsĩrĩre.

Hosea 7:1

Omugulu nyanzĩre erĩlamya Ĩsraelĩ, neryo ebibi bya Efũraĩmũ bikaswikulawa, nʼebibi byʼeSamarĩa; kusangwa bakakola nʼeriteba, nʼomũrahĩ akingiramo, nʼomulondo wʼabanyeyĩ bakahũnga eyĩhya.

Hosea 7:3

Bakatsemesaya omwami omo bibi byabo, nʼabanyamwami omo mabehĩ wabo.

Hosea 7:4

Abosĩ nĩ basĩngĩrĩ; bali ngʼerĩokeryo erĩhũhĩbwe nʼomũtsũmbĩ wʼobundu; akaleka erĩtũnda omuliro, erĩtsũka okwʼitsumba ekyanga, erĩhĩka aho bwamabĩhamĩbwa.

Mĩka 3:2

ĩnywe mukagalirawa oko bibuya, imukanza ebibi; mũkapũra kubo esyongoba syabo, mũkabũna amakũha wabo.

Mĩka 3:9

Neryo, mowe ekĩ, ĩnywe bakulu bʼekĩtũnga kya Yakobo, nʼĩnywe batabalĩ bʼekĩtũnga kya Ĩsraelĩ abakakwa erĩbanza lyʼekwenene lyʼesyonye, nʼerĩhengemya ebitunganene byosĩ.

Mĩka 6:10

Omo nyũmba yʼababi mukine ebindu byʼebibi kwehĩ? Nʼakalengĩ katahĩkene kʼesyonye kakinemo kwehĩ?

Mĩka 7:2

Oyukakenga Nyamuhanga abirihwerekerera omo kihugo, kandi sihali oyutunganene omo katĩkatĩ kʼabandu. Abosĩ bakalĩmbaya omusasi; obuli mundu akasonda-sondaya mugala wabo yʼomo butimba.

Zefania 3:1

Obũlĩge ukwʼoyukahona nʼerĩyĩtsandya! Oko mũyĩ owakanũbaya!

Zekarĩa 5:3

Neryo mwambwira, ati, Erĩ niʼtakira erikaya oko kihugo kyosĩ; kusangwa obuli mundu Oyũkĩba asyatahulwa ngʼerisaka ko liri oko luhande luguma lwago; nʼobuli mundu oyũkalahĩraya asyatahulwa ngʼerisaka ko liri oko lundi luhande.

Zekarĩa 7:9

Omwami Mukulu Wʼemilondo akabũga ati, Mutswere erĩbanza lyʼekwenene, mũkangaye obubuya nʼeriganyira obuli mundu uku mũlĩkyabo;

Matayo 23:35

Neryo erisuyira lyʼabĩtĩ bʼabandu bosĩ abate ko musango, lyasyabya kwĩnywe erĩtsũka erĩkwa lya Abelĩ oyutunganene, nʼerĩhĩka okwʼĩkwa lya Zakarĩa, mugala wa Berekĩa, oyo mwĩtĩra omo katĩkatĩ kʼeHekalũ nʼekiherero.

Emibiri 7:52

Nindi oko bamĩnyererĩ oyo aboso-kulu wenyũ batendereraya kwehĩ? Kandi mobĩta abakwenda abatũla omwatsi wʼerĩhĩka lyʼOyutunganene. Na lino ĩnywe mwabirihotera oyo nʼerĩmwĩta.

Eryibuka Ebihano 5:11

Simusyehula erĩna lyʼOmwami Mukulu Nyamuhanga wenyũ lyo busa; kusangwa Omwami Mukulu siendisyamuleka bute musango oyukahula erĩna liwe lyo busa.

Eryibuka Ebihano 5:18

Ĩsĩwasĩngĩra.

Eryibuka Ebihano 5:19

Ĩsĩwĩba.

1 AbanyaTesalonika 2:15

Abayũda mobĩta Omukama Yesu, nʼabamĩnyererĩ, kandi mobatwendererya. Sĩbetsemesaya Nyamuhanga, kandi bali nʼobũyĩgũ oko bandu bosĩ.

Eribisurirwa 17:6

Kandi monalangira omũkalĩ oyo, ĩnĩakũndĩre omo musasi wʼabandu ba Nyamuhanga, nʼomo musasi wʼabandu batũla omwatsi wa Yesu. Neryo omugulu namulangira monasweka kutsibu.