Hosea 4:16 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁶ Kusangwa Ĩsraelĩ akalĩre, ngʼenyana yʼende ĩkalĩre; lino Omwami Mukulu angatoka erĩrĩsyabo ngʼekyana kyʼembũlĩ omo lũlĩsĩryo lunene kwehĩ?

Hosea 4:16 Iomraidhean Croise

Esyonyimbo 78:8

Sibabye ngʼaboso-kulu wabo, Abandu abakayisamambula nʼerĩtendĩowa. Abandu abatawite erĩkĩrĩrya erĩsĩkĩre uku Nyamuhanga, Kandi mobatabya nʼeritindalegula embere sya Nyamuhanga.

Ĩsaya 22:18

Kwenene nʼerĩkũlĩngalĩnga ngʼomupira, nʼerikugusa omo kihugo kinganabi. Nʼeyo wasyaholera, nʼeyo hasyabya esyogalĩ syawe nyibuya syasyabya, uwe ĩsonĩ syʼenyũmba yʼomukama wawe.

Ĩsaya 30:23

Neryo asyawĩsya embũla busana nʼembuto, eyo mwasyahera omo kitaka. Nʼakalyo kʼerikanyirira lyʼekitaka, nako kasyaboga nʼerĩerya bingi. Oko kiro ekyo ebihangulo byenyũ byasyalira omo lũlĩsĩryo lunene.

Ĩsaya 5:17

Oko mugulu oyo ebyana byʼembũlĩ byasyalya ebiti ngʼomo lũlĩsĩryo lwasyo, nʼabʼehandi basyalira omo bĩma byʼabandu bʼebindu.

Yeremĩa 14:7

Nomo ebibi byetu bikatuhandikirira, uwe, Mwami Mukulu, Ukole busana nʼerĩna lyawe. Kusangwa kwenene eritswa lyetu ni ringi. Twabĩrĩkũhalyako.

Yeremĩa 3:11

Neryo Omwami Mukulu mwabũga nage ati, Ĩsraelĩ oyukalegula abĩrĩyĩkangya mo mutunganene kwilaba Yũda omũtebya.

Yeremĩa 3:6

Kandi Omwami Mukulu mwabũga nage oko biro byʼOmwami Yosĩa ati, Wabirilangira ekyo Ĩsraelĩ oyukalegula abirikola kwehĩ? Abirihetukira oko buli kitwa kiri nʼomo ndĩna yʼobuli muti mubisi nʼerikolerayo ebyʼobũsĩngĩrĩ.

Yeremĩa 3:8

Nage monalangira nyiti busana nʼobũsĩngĩrĩ bwa Ĩsraelĩ, oyukalegula, monamuhiga nʼerimuha ebarua yʼerimukomola, nĩkwa mwali wabo wʼomwaga ye Yũda mwatubaha; nĩkwa mwayakola ebyʼobũsĩngĩrĩ nibya.

Yeremĩa 31:18

Kwenene nabĩrĩowa Efũraĩmũ akayiririrako ati, Wabirinyikunga neryo nabirikungwa, ngʼekyana kyʼende ekitabegere engomo. Ũnyĩsũbayeyo, nyisube ndeke, kusangwa uli Mwami Mukulu Nyamuhanga wage.

Yeremĩa 5:6

Busana nʼekĩ endale ĩkalũa omolĩ yasyĩtabo, nʼembwa yʼomolĩ yʼembwarara yasyaheryabo, esoro yasyalindirira emĩyĩ yabo. Yasyatulanga obuli mundu oyũkalũamo, kusangwa ebibi byabo ni bingi, nʼerisuba enyũma lyabo lyamakanya.

Yeremĩa 7:24

Nĩkwa mobatowa, kutse eritega okũtũ kwabo, nĩkwa mobalendera omo syombĩta syabo nʼomo butsibu bwʼomutima mubi wabo, mobasuba enyũma, butsira embere.

Yeremĩa 8:5

Neryo busana nakĩ abandu aba bakatswa, busana nakĩ mukanyitswako? Mukahambana nʼeriteba, mukagana erinyisubako.

Hosea 10:11

Neryo Efũraĩmũ ni nyana eyakangĩrĩrĩbawa, eyikanza eriryatangirira engano; nĩkwa nasyahĩka oko bĩkya bibuya byayo omo ngomo; nasyahĩra omũgendya uku Efũraĩmũ; Yũda asyalima, Yakobo asyatulanga ebirongwe biwe.

Hosea 11:6

Omũyalĩ asyawa oko mĩyĩ yabo, asyaherya esyongomo syʼolũkyo lwabo, nʼeribugabo busana nʼamahano wabo.

Hosea 11:7

Nʼabandu bage abahatikene erĩnyĩlũako; nomo abamĩnyererĩ bangabirikirabo oko yuli endata, sihali oyũkamũhamaya.

Abalawĩ 26:33

Nĩkwa, Ĩnywe, nasyabapanza-panzira omo bihanda, kandi nasyabakulira omũyalĩ; nʼekihugo kyenyũ kyasyabya mulala, nʼemĩyĩ yenyũ yasyasinduka.

Zekarĩa 7:11

Nĩkwa mobagana erihulikirira, mobasũkya ebitigo, mobalĩba amatwĩ wabo, bati sĩbowe.

1 Samwelĩ 15:11

Namayĩkũbya bomo erĩhĩra Saũlo eribya mwami; kusangwa abirisuba enyũma butanyikwama, kandi sĩalĩtaberererya ebihano byage. Neryo Samwelĩ mwakwa obũlĩge, kandi mwalakira Omwami Mukulu omo kiro kyosĩ.