Hosea 4:13 - AMASAKO ABOYTRTRE WA NYAMUHANGA AWAKAHULAWA MO BIBLIA

¹³ Bakahongera amahere oko syosingi syʼebitwa, nʼerĩhĩsya obukwa oko hitwa, nʼomo ndĩna yʼomwelo, nʼesyʼomulubwa, nʼomũerezĩ, kusangwa ekyũtsũtsũ kyayo kyowene; busana nʼekyo abali benyũ bakakola obũmalaya, nʼabaherũkĩ benyũ bakakola oluteto.

Hosea 4:13 Iomraidhean Croise

2 Abami 17:7

Neryo mokyabya kitya kusangwa bana ba Ĩsraelĩ ĩbamabĩhalya oko Mwami Mukulu Nyamuhanga wabo, oyo walũsayabo omo kihugo kyʼeMĩsĩrĩ erĩlũa omo byala bya Farao omwami wʼeMĩsĩrĩ, kandi babya bakubaha esindi nyamuhanga,

2 Abami 23:7

Kandi mwaterya ebyumba byʼabamalaya bʼeHekalũ, ebyabya omo nyũmba yʼOmwami Mukulu, aho abakalĩ babya bakalukira esyongimba busana na Asera.

Ĩsaya 1:29

Kusangwa basyakwa esĩsonĩ busana nʼemiti yʼeterebĩntĩ yʼesyosanamu esyo mwayĩtsũtsa, kandi mwasyahemuka busana nʼamalima wʼemiti mwayisoga.

Ĩsaya 57:5

Ĩnywe mũkakaya esyongumbu syenyũ omo miti yʼemĩalonĩ, omo ndĩna yʼobuli muti mubisi. Ĩnywe mũkĩtĩra abana bʼomo misya, omwisi wʼesyombatatariĩa syʼolukuka lwʼamabwe.

Ĩsaya 57:7

Wabĩrĩhĩra engyingo yawe oko kitwa kiri ekĩyĩsũmbĩre. Kandi mowahetukirayo eriyahonga obuhere.

Yeremĩa 2:20

Kusangwa oko mugulu wa kera nabĩrĩtwa engomo yawe, nʼeritulanga emĩrĩkĩ yawe. Nĩkwa mowabũga uti, Sindiendisyakola! kusangwa oko buli kitwa kiri nʼeyĩkwa oko buli muti mubisi, mowayiyira mo mũsĩngĩrĩ.

Yeremĩa 3:13

Ekiguma, uyisinge ebibi byawe, uti wabĩrĩhalya oko Mwami Mukulu Nyamuhanga wawe, kandi ko wabiripanza-panza obutaga bwawe oko bʼehandi omo ndĩna yʼobuli muti mubisi, kandi ko mutakenga omulenge wage, Omwami Mukulu atya.

Yeremĩa 3:6

Kandi Omwami Mukulu mwabũga nage oko biro byʼOmwami Yosĩa ati, Wabirilangira ekyo Ĩsraelĩ oyukalegula abirikola kwehĩ? Abirihetukira oko buli kitwa kiri nʼomo ndĩna yʼobuli muti mubisi nʼerikolerayo ebyʼobũsĩngĩrĩ.

Yeremĩa 44:8

ĩmũkanyĩhĩtanaya omo mĩbĩrĩ yʼebyala byenyũ, erĩhĩsya obukwa oko Sindi nyamuhanga omo kihugo kyʼeMĩsĩrĩ, eyo mukaya erĩĩkala, imwatoka erihola, nʼeribya kĩtsũmĩ nʼekyʼerisekwa omo katĩkatĩ kʼebihanda byosĩ byʼekihugo.

Ezekĩelĩ 16:16

Kandi mowĩmya oko ngimba syawe, mowayĩkokoterya ahʼendata ĩhasesĩre miringo-miringo, kandi mowakola ebyʼobũmalaya kuho, ebitatolere, erĩhĩka, kutse eribyaho bitya.

Ezekĩelĩ 16:25

Wabĩrĩhĩmba ahʼendata hawe oko mutwe wʼobuli nzira, kandi wabiriyira obubuya bwawe mo nye. Kandi Wabiritanika emihimbi yawe oko buli mundu ukalaba hakũhĩ, erĩkanyĩrĩrya oluteto lwawe.

Ezekĩelĩ 6:13

Nenyũ mwasyaminya ko ndi Mwami Mukulu omugulu abandu babo abĩtawa basyabya omo katĩkatĩ kʼesyosanamu syabo ĩbatĩmbĩre oko biherero byabo, oko buli kitwa kiri, nʼoko mitwe yosĩ yʼebitwa, nʼomwisi wʼobuli muti mubisi, nʼomwisi wʼobuli muti wʼeterebĩntĩ aho baherera ebikakumba ndeke oko syosanamu syabo syosĩ.

Hosea 10:8

Nʼahʼendata hʼeAwenĩ nibya, bye bibi bya Ĩsraelĩ, hasyaherĩbwa; emisakisaki nʼamatolũ byasyalasa oko maherero wabo; nabo basyabwira ebitwa bati, Mutuswike! Nʼoko hitwa bati, Mututerereko!

Hosea 11:2

Omugulu abamĩnyererĩ babirikirabo kutsibu, mobalenga kutsibu erĩlũa kubo; mobahongera Baalĩ, mobahĩsya obukwa busana nʼesyosanamu.

Hosea 2:13

Nasyamusuyira busana nʼebiro bya Baalĩ oyo ahĩsĩraya obukwa, omugulu ayisitika omo syombũka siwe syʼamatwĩ nʼobusanga buwe, nʼeriyakwamirira abaragane buwe, kyaleka inianyibirirwa, Omwami Mukulu atya.

Amosĩ 7:17

Busana nʼekyo Omwami Mukulu ati, Omũkalĩ wawe asyabya mũsĩngĩrĩ omo mũyĩ, nʼabagala bawe nʼabali bawe basyakwa omo mũyalĩ, nʼekitaka kyawe kyasyagabwa omo ngohe; nawe wasyahola omo kihugo kĩtsandĩre. Na Ĩsraelĩ kwenene asyatwalwa omo bunyegwa erĩlũa omo kihugo kiwe.