Hosea 4:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Ĩnywe bana ba Ĩsraelĩ, mowe ekĩnywa kyʼOmwami Mukulu; kusangwa Omwami Mukulu ali nʼomwatsi haguma nʼesyondũlanĩ syʼekihugo, kusangwa sihali kwenene, kutse obubuya, kutse eriminya Nyamuhanga omo kihugo.

Hosea 4:1 Iomraidhean Croise

1 Abami 22:19

Neryo Mĩkaya mwabũga ati, Gowe ekĩnywa kyʼOmwami Mukulu; monalangira Omwami Mukulu ĩnĩanĩkere oko kĩtũmbĩ kiwe kyʼobwami, nʼemilondo yosĩ yʼelubula ibanahangene hakũhĩ naye oko byala biwe byʼamali nʼoko malembe wuwe.

Esyonyimbo 81:9

Simwangakolera enyamuhanga yʼehandi, Kandi sĩmwangaramya ogundi ate ĩngye.

Ĩsaya 1:10

Mowe ekĩnywa kyʼOmwami Mukulu, ĩnywe batabalĩ bʼeSodomo; mutege amatwĩ oko bihano bya Nyamuhanga wetu, ĩnywe bandu bʼeGomora.

Ĩsaya 1:18

Omwami Mukulu ati, Mwase lino, tũkanaye haguma. Nomo ebibi byenyũ byangabya ngʼengula, byasyabya byeru ngʼenzururu. Nomo byangabya ngʼomunyama, byasyabya ngʼobweya bwʼesyombũlĩ.

Ĩsaya 28:14

Neryo mowe ekĩnywa kyʼOmwami Mukulu ĩnywe batelemĩ, abakatabalira abandu aba eYerũsalema.

Ĩsaya 34:1

Ĩnywe bihanda mwase hakũhĩ, mubane erĩowa, muhulikirire, ĩnywe bandu! Ekitaka kihulikirire, nʼebyoswĩre mukyo byowe, ekihugo nʼebindu byosĩ ebikahuluka mukyo.

Ĩsaya 34:8

Kusangwa Omwami Mukulu awite ekiro kyʼerĩkĩsya, Omwaka wʼeririha busana nʼobuhaka bwʼeSĩonĩ.

Ĩsaya 5:3

Neryo lino, ĩnywe ndũlanĩ syʼeYerũsalema nʼabandu bʼeYũda, musohe omo katĩkatĩ kage nʼeririma lyage lyʼebĩnyũ.

Ĩsaya 59:4

Sihali oyũkatũhaya omo litunganene, sihali oyũkabũga omo kwenene. Bakayiketera eriremwa, bakabũga mabehĩ. Bakaheka obukule bwʼepono, ibabuta ebibi.

Ĩsaya 59:8

Sĩbasĩ enzira yʼobuholo, kandi sihali erĩbanza litunganene omo migendere yabo. Babĩrĩyĩkokoterya esyonzira sĩhengemĩre. Omundundi oyukalaba musyo sĩasĩ Obuholo.

Ĩsaya 66:5

Mowe kĩnywa kyʼOmwami Mukulu, ĩnywe mukatitimanira ekĩnywa kiwe: Abagala benyũ abakabakwa obusu, abakabagana busana nʼerĩna lyage, babĩrĩbũga bati, Omwami Mukulu apipawe, itwatoka erilola oko butseme bwenyũ. Nĩkwa basyahemulwa.

Yeremĩa 11:7

Kusangwa monakunga abotata wenyũ bo kutsibu ekiro nalũsayabo omo kihugo kyʼeMĩsĩrĩ, erĩhĩka mũnabwĩre, iningahangana omo ngyakyangyakya nʼerikungabo nyiti, Mukenge omulenge wage.

Yeremĩa 19:3

uti, Ĩnywe bami bʼeYũda muhulikirire ekĩnywa kyʼOmwami Mukulu, nʼĩnywe ndũlanĩ syʼeYerũsalema. Omwami Mukulu wʼemilondo, Nyamuhanga wa Ĩsraelĩ ati, Lebaya, nasyaleta hano erĩkwa, obuli mundu wasyowakyo, amatwĩ wuwe asyatunayira.

Yeremĩa 2:4

Ĩnywe kihanda kya Yakobo, nenyũ ebĩtũnga byosĩ byʼekihanda kya Ĩsraelĩ muhulikirire ekĩnywa kyʼOmwami Mukulu.

Yeremĩa 2:9

Neryo Omwami Mukulu ati, Nasyalwa nenyũ, kandi nasyalwa nʼabitsikulu benyũ.

Yeremĩa 25:31

Obogo bũkandĩsyahĩka oko ndũlĩ yʼekihugo, kusangwa Omwami Mukulu akakuba obuhaka nʼebihanda. Asyatswera abandu bosĩ. Nĩkwa ababi asyĩtabo, Omwami Mukulu atya.

Yeremĩa 34:4

Nĩkwa uwe Zedekĩa omwami wʼeYũda, wowe ekĩnywa kyʼOmwami Mukulu! Omwami Mukulu akabũga busana nawe ati, Siwendisyahola omo mũyalĩ.

Yeremĩa 4:22

Kusangwa abandu bage nĩ bakĩrũ, sĩbanyasĩ. Ni bana batyabatya, kandi sibawite amenge. Bawite amenge wʼerikola ebibi, nĩkwa sĩbasĩ erikola ndeke.

Yeremĩa 4:28

Busana nʼekĩ ekihugo kyasyalira, nʼamatũkũ endata asyakĩna. Kusangwa nabĩrĩbũgakyo, nabĩrĩganĩryakyo, isindiendisyaleka obũlengekanĩa obo kutse sindiendisyahinduka.

Yeremĩa 5:4

Nage monabũga nyiti, Kwenene aba ni bera, nĩ bakĩrũ, kusangwa sĩbasĩ enzira yʼOmwami Mukulu, kutse ekilayiro kya Nyamuhanga wabo.

Yeremĩa 51:5

Kusangwa Ĩsraelĩ, kutse Yũda sĩbetasĩganĩbwa na Nyamuhanga wabo, Omwami Mukulu wʼemilondo, nomo kihugo kyabo kyoswĩre mwʼamalolo embere syʼOyũbũyĩrĩre wa Ĩsraelĩ.

Yeremĩa 6:13

Kusangwa erĩtsũka oko muke wa kubo erĩhĩka oko mukulu wa kubo obuli muguma akwĩre obururu bwʼendũndĩ. Nʼerĩtsũka oko mũmĩnyererĩ nʼerĩhĩka oko mũhererĩ obuli muguma akateba.

Yeremĩa 7:28

Kandi wasyabwirabo uti, Ekĩ kyo kihanda ekitahulikirira omulenge wʼOmwami Mukulu Nyamuhanga wabo, kutse erĩrĩga erikungwa. Ekwenene yabirihola, Sibakyahulayo.

Yeremĩa 9:20

Nĩkwa ĩnywe bakalĩ, mowe ekĩnywa kyʼOmwami Mukulu nʼokũtũ kwenyũ kwangirire ekĩnywa kyʼobuno buwe. Mũkangĩrĩraye abali benyũ eririra, nʼobuli mundu akangĩrĩraye mũlĩkyabo erĩsũsũmana.

Yeremĩa 9:3

Bakakondomaya olulimi lwabo ngʼobuta bwabo, amabehĩ nʼebite kwenene biri omo kihugo. Kusangwa abakakwamirira ebibi oko bibi, kandi sĩbanyasĩ, Omwami Mukulu atya.

Yeremĩa 9:7

Busana nʼekyo Omwami Mukulu ati, Lebaya, nasyayayũkyabo nʼerirengabo. Kusangwa nangaswakola nyiti busana nʼomwali wʼabandu bage kwehĩ?

Ezekĩelĩ 16:35

Neryo uwe mũtetĩ, hulikirira ekĩnywa kyʼOmwami Mukulu.

Hosea 12:2

Kandi Omwami Mukulu ali nʼobuhaka haguma na Yũda nibya asyasuyira Yakobo ngʼesyonzira siwe; asyamuliha ngʼemikolere yiwe.

Hosea 12:3

Yakobo mwahambira mugala wabo omo nda oko kasĩnzĩro, nʼomugulu abya mukulu mwahambana na Nyamuhanga.

Hosea 5:1

Ĩnywe bahererĩ, mowe ekĩ, nenyũ ekĩtũnga kya Ĩsraelĩ, muhulikirire, utege okũtũ uwe kĩtũnga kyʼOmwami! Kusangwa olubanza ni lwawe; kusangwa wabiribya kitego eMĩsĩpa, nʼobutimba obũyĩsanzĩre oko Taborĩ.

Hosea 5:4

Emĩbĩrĩ yabo siyereka bakabindukira Nyamuhanga wabo; kusangwa ekĩrĩmũ kyʼobũmalaya kiri mubo, sĩbasĩ Omwami Mukulu.

Yoelĩ 1:2

Ĩnywe bakulu mowe ebĩ, kandi mutege amatwĩ, ĩnywe bosĩ esyondũlanĩ syʼekihugo. Omwatsi oyũ abĩrĩhĩka omo biro byenyũ, kutse omo biro byʼabotatakulu wenyũ kwehĩ?

Amosĩ 3:1

Mowe ekĩnywa ekĩ, Omwami Mukulu abĩrĩbũga erilwa nenyũ, ĩnywe bana ba Ĩsraelĩ, erilwa nʼekĩtũnga kyosĩ ekyo nalũsaya omo kihugo kyʼeMĩsĩrĩ, nyiti;

Amosĩ 7:16

Neryo lino wowe ekĩnywa kyʼOmwami Mukulu, uwe ũkabũga uti, Suminyerere amalwa oko Ĩsraelĩ, kandi sũsyekangĩrĩraya amalwa nʼekĩtũnga kya Ĩsaka.

Mĩka 6:2

Ĩnywe bitwa, mowe, erihandikirira lyʼOmwami Mukulu, nenyũ ebibanza byʼekihugo ebitehwaho; kusangwa Omwami Mukulu akahandikirira abandu buwe, kandi asyakuba obuhaka na Ĩsraelĩ.

Yoane 8:55

Kandi ĩnywe simwetamuminya, nĩkwa ĩngye nyĩmwasĩ. Namabũga nyiti, sĩnyĩmwasĩ, nasyabya mũbehĩ nga nywe. Nĩkwa nyĩnamwasĩ, kandi ngabika ekĩnywa kiwe.

AbanyaRoma 1:28

Kusangwa bakagana erĩrĩga Nyamuhanga omo bũlengekanĩa bwabo, Nyamuhanga mwalekabo omo bũlengekanĩa bũtsandĩre erikola emyatsi itatolere.

1 AbanyaKorinto 15:34

Mubuke omo litunganene, muleke erikola ebibi. Kusangwa abandi ba kwĩnywe sĩbasĩ Nyamuhanga. Nyiti, mwangakwa esĩsonĩ.

Eribisurirwa 2:11

Oyuwite amatwĩ owe ebyo Mũlĩmũ akabwira esyokanĩsa! Oyũkakĩnda siendĩsyahũtalĩbwa nʼoluholo lwʼakabiri.

Eribisurirwa 2:29

Oyuwite amatwĩ, owe ebyo Mũlĩmũ akabwira esyokanĩsa!