Hosea 2:8 - AMASAKO ABOYTRTRE WA NYAMUHANGA AWAKAHULAWA MO BIBLIA

⁸ Kusangwa siabya asĩ ko nĩna ngye namuha engano, nʼebĩnyũ bihya-bihya, nʼamagũta, nʼerimuha ebĩtsĩpa nʼesyamagetsi ebyo bakolamo busana na Balĩ.

Hosea 2:8 Iomraidhean Croise

1 Emyatsi yʼEmigulu 29:16

Uwe Mwami Mukulu Nyamuhanga wetu, ebindu byosĩ ebyo twabĩrĩtegekanĩa busana nʼerĩkũhĩmbĩra enyũmba busana nʼerĩna lyawe lĩbũyĩrĩre bĩkalũa omo byala byawe, kandi ebyosĩ ni byawe.

Yobũ 19:8

Abĩrĩrĩba enzira yage omo lũhĩmbo inataluka erilaba, Abĩrĩhĩra omwĩrĩmya gʼomo syonzira syage.

Ĩsaya 1:3

Enume yʼende ĩnasĩ omwenyeyo, nʼepunda ĩnasĩ olugo lwʼomwenyeyo, nĩkwa Ĩsraelĩ sĩasĩ, nʼabandu bage sibeminya.

Ĩsaya 46:6

Abakahũlũkaya esyamagetsi syʼomo ngunza nʼerirenga ebĩtsĩpa omo lulengo lwʼekĩlo, bakabirikira omũhesĩ wʼesyamagetsi, naye iniahesasyo mo nyamuhanga. Bakũnama nʼerĩramyasyo.

Yeremĩa 7:18

Abana bakakuma-kuma esyongwĩ, nʼabotata wabo bakakaya omuliro, nʼabakalĩ bakatsumba eyĩsyano, erĩkokotya ehitole busana nʼomwami-kalĩ wʼelubula. Kandi bakũtũlĩra, amahere wʼerĩpũlya oko Sindi nyamuhanga, batoke erinyipona.

Ezekĩelĩ 23:41

Mowĩkala oko ngyingo yowene, nʼemesa ĩnĩnasesĩre embere syayo, kandi mowahĩra obukwa nʼamagũta wage kuyo.

Danĩelĩ 3:1

Omwami Nebũkadeneza mwakokotya esanamu yʼesyamagetsi, obuli bwayo bwʼendata bwabya emetere 27, nʼobugali bwayo emetere 2; neryo mwasingikayo omo bwerere bwʼeDũra, omo kihugo kyʼeBabelĩ.

Danĩelĩ 5:23

nĩkwa ukayihagata erilwa nʼomukama wʼelubula; kandi wabirireta esyondehĩ syʼenyũmba yiwe embere syawe, nawe nʼabakama bawe, nʼabakalĩ bawe, nʼabahwekĩ bawe, mwabĩrĩpũlĩrya musyo mwʼebĩnyũ kandi wabiripipa esyonyamuhanga syʼekĩtsĩpa nʼesyamagetsi, nʼesyʼomulinga, nʼesyʼekyuma, nʼesyʼemiti nʼesyʼamabwe, esitelangira, kutse erĩowa, kutse eriminya; na Nyamuhanga oyuli nʼomuka wawe wʼengebe omo byala biwe, nʼoyuli nʼesyonzira syawe syosĩ omo byala biwe, sulitamupipa.

Hosea 10:1

Ĩsraelĩ nĩ mũlĩkĩ owabogĩre, akahetaya ebĩgũma busana naye. Ngʼobungi bwʼebĩgũma byago abĩrĩkanyĩa amaherero wuwe; nʼomo bubuya bwʼekihugo kiwe abiriyira obubuya bwʼesyondũyĩ sĩbũyĩrĩre.

Hosea 13:1

Omugulu Efũraĩmũ abũga, mohabya erititimana; iye mwayĩhamya omo Ĩsraelĩ; nĩkwa omugulu ahalaya omo Baalĩ, neryo mwahola.

Hosea 13:2

Na lino bakakanyaya erikola amalolo, kandi babĩrĩyĩkokoterya esyosanamu syʼerĩnũnĩa esyosanamu eriheswa nʼamenge omo bĩtsĩpa byabo, esyosĩ nĩ mũbĩrĩ wʼabanyima; bakabũga busana nasyo bati, Abandu abakahonga amahere balyatsirire oko byana byʼesyonde.

Hosea 2:5

Kusangwa nyĩnya wabo mwayendya; oyo wahekabo omo bukule abirikola esĩsonĩ; kusangwa abũga ati, Ngandikwama abaragane bage abakamba akalyo kage nʼamagetsi wage, obweya bwʼembũlĩ bwage nʼekĩtanĩ kyage, nʼamagũta wage nʼebyʼerĩpũlya byage.

Hosea 4:11

Obũsĩngĩrĩ, nʼebĩnyũ, nʼebĩnyũ bihya-bihya bĩkalũsaya eriminya.

Hosea 8:4

Babĩrĩhanganĩa abami, nĩkwa butsira ũkwʼĩngye; babiriyira abanya-mwami, ĩsĩnyasĩkyo; babĩrĩyĩkokoterya esyosanamu omo bĩtsĩpa byabo nʼesyamagetsi syabo, batoke erĩherĩbwa.

Habakũkĩ 1:16

Busana nʼekyo, bakaherera obutimba bwabo bʼobuhere. Nʼerĩhĩsĩrĩrya ekĩsohĩ kyabo kyʼamahere kyʼobukwa; kusangwa busana nʼemyatsi eyĩ, bakahamba amahere mangi, nʼakalyo kabo katswagĩre.

Luka 15:13

Neryo enyũma wʼebindi biro, omwana mulere oyo mwasengasenga ebyosĩ abya awite, mwaya omo kihugo mo hali, nʼeyo mwapanza-panza ebindu biwe omo migendere mityamitya.

AbanyaRoma 1:28

Kusangwa bakagana erĩrĩga Nyamuhanga omo bũlengekanĩa bwabo, Nyamuhanga mwalekabo omo bũlengekanĩa bũtsandĩre erikola emyatsi itatolere.

Eryibuka Ebihano 8:18

Nĩkwa mwasyibuka Omwami Mukulu Nyamuhanga wawe kusangwa iye yukabaha amaka wʼeribana obuteke; iniabana erihanda endagano yiwe eyo alahĩrĩraya abotata-kulu wenyũ, nga mũnabwĩre.

Abatswerĩ 9:27

Kandi mobaya omwʼirima, moboha ebĩgũma byʼamalima wʼebĩnyũ wabo, mobakamabyo, mobatsemerabyo, kandi mobingira omo nyũmba ya nyamuhanga wabo, mobalya mobapũlya, mobalakira Abĩmelekĩ.