Hosea 2:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Naye asyakwamirira abaragane buwe, nĩkwa sĩendĩsyahĩka kubo; kandi asyasondasondyabo, nĩkwa siendisyabanabo; neryo asyabũga ati, Ngandisuba ũkwʼĩbage wʼerĩmbere; kusangwa oko mugulu oyo nabya ndeke kwilaba lino.

Hosea 2:7 Iomraidhean Croise

2 Emyatsi yʼEmigulu 28:23

Kusangwa mwahongera esyonyamuhanga syʼeDamasekĩ, esyamwĩta; kandi mwabũga ati, Kusangwa esyonyamuhanga syʼabami bʼeSũrĩa mosyawatĩkyabo, neryo nage ngandihongerasyo sĩnyĩwatĩkaye nage. Nĩkwa mosyamũtwĩkalya nʼAbaĩsraelĩ bosĩ.

Esyonyimbo 116:7

Uwe mutima wage, sĩwendĩkwakĩ, Kusangwa Omwami Mukulu abirinyikolera ebibuya.

Ĩsaya 30:16

Nĩkwa momwabũga muti, Iyehe, nĩkwa twasyatibita endata oko syosabayĩrĩ. Neryo ko mwasyatibita mutya! Kandi muti, Netu twasyagendera oko syosabayĩrĩ esyo. Sikanguha, neryo abakabakwama nabo basyanguha.

Yeremĩa 14:22

Omo katĩkatĩ kʼesyosanamu syʼebihanda hane esikaleta embũla kwehĩ? Kutse amatũkũ anganatoka erireta embũla kwehĩ? Si nina we Mwami Mukulu, Nyamuhanga wetu kwehĩ? Neryo tũkahĩra amaha wetu ukʼuwe, kusangwa ni we oyo wabirikola emyatsi eyĩ yosĩ.

Yeremĩa 2:2

Ugende, ũtũlĩrego omo matwĩ wʼeYerũsalema uti, Omwami Mukulu akabũga ati, Namibuka obubuya bwʼobũlwana bwawe, nʼolwanzo lwʼerĩhatanĩa lyawe, ngoko wanyikwama omo mbwarara, omo kihugo ekitaherawamo mbuto.

Yeremĩa 2:28

Nĩkwa esyonyamuhanga syawe wayĩkokoteraya sirihi kwehĩ? Sihangane, syamatoka erĩkũlamya omugulu wʼobũlĩge bwawe. Kusangwa uwe Yũda, emĩyĩ yawe ko yingana, nʼesyonyamuhanga syawe ko na singaho.

Yeremĩa 2:36

Busana nakĩ ukaganga-ganga eribindula enzira yawe kwehĩ? Wasyakwa esĩsonĩ busana nʼeMĩsĩrĩ, ngoko wakwa esĩsonĩ busana nʼeAsũrĩa.

Yeremĩa 3:1

Nyamuhanga akabũga ati, Omundu amahiga omũkalĩ wuwe, naye akamũlũako, nʼeriya oko gundi mundu asyamusubira kwehĩ? Ekihugo ekyo sikyendisyatsanda kutsibu kwehĩ? Nĩkwa uwe wabĩrĩsĩngĩra nʼabaragane bangi, nĩkwa ukanyisubako, Omwami Mukulu atya.

Yeremĩa 31:18

Kwenene nabĩrĩowa Efũraĩmũ akayiririrako ati, Wabirinyikunga neryo nabirikungwa, ngʼekyana kyʼende ekitabegere engomo. Ũnyĩsũbayeyo, nyisube ndeke, kusangwa uli Mwami Mukulu Nyamuhanga wage.

Yeremĩa 31:32

Omwami Mukulu ati, Eyĩ siyendisyasosa endagano eyo nayira nʼabotata wabo ekiro nahambabo omo byala erĩlũsyabo omo kihugo kyʼeMĩsĩrĩ, endagano yage eyo batũa, nomo nanabya ĩba wabo.

Yeremĩa 44:17

Nĩkwa twasyaberererya obuli kĩnywa ekyabirihuluka omo buno bwetu, erĩhĩsya obukwa oko mwami-kalĩ wʼelubula, nʼerĩmũtũlĩra amahere wʼerĩpũlya, ngoko twabirikola, ĩtwe nʼabotata wetu, nʼabami betu, nʼabanya-mwami betu bakola omo mĩyĩ yʼeYũda, nʼomo nzira syʼeYerũsalema. Kusangwa oko mugulu oyo twabya nʼakalyo kangi, motwĩkala ndeke, motutalola uku kitsibu.

Ezekĩelĩ 16:18

Neryo mowĩmya esyongimba syawe esĩtsotsĩre mowaswikasyo, kandi mowahera amagũta wage nʼobukwa bwage embere wasyo.

Ezekĩelĩ 16:8

Neryo monalabaho monakulolako, lebaya, omugulu wawe abya omugulu wʼolwanzo. Monasesa omukuyiro wʼolukimba lwage ukʼuwe, monaswika endũmbũ yawe. Kandi monakũlahĩryako monalagana nawe, neryo mowabya wage, Omukama Iye Omwami Mukulu atya.

Ezekĩelĩ 20:32

Nʼebĩkahĩka omo bũlengekanĩa bwenyũ sibyendĩsyahĩka nʼahake, omugulu mũkabũga muti, Twasyabya ngʼebihanda, ngʼebihanda byʼebihugo, erikolera omuti nʼamabwe.

Ezekĩelĩ 23:12

Mwakwa Abasũrĩa bʼengumbu, abatabalĩ nʼabakama, abali hakũhĩ, ibambite esyowene-wene, abakagenda oko syosabayĩrĩ, abosĩ abalwana ababirianzwa.

Ezekĩelĩ 23:22

Neryo Omukama Iye Omwami Mukulu ati, Uwe Aholĩba, lebaya, nasyahanganĩa abaragane bawe erilwa nawe, abo mutima wawe abiripona, nage nasyaletabo oko mbande syosĩ erilwa nawe.

Ezekĩelĩ 23:4

Nʼamena wabo abya Ahola iyo mukulu, na Aholĩba mwali wabo. Nabo mobabya bage, mobabuta abagala nʼabali. Neryo amena wabo waya, Samarĩa ni Ahola, nʼeYerũsalema nĩ Aholĩba.

Danĩelĩ 4:17

Eritswera erĩ ni ryʼerihamula lyʼabateya, kandi erĩtwa omwatsi oyũ ni busana nʼekĩnywa kyʼababũyĩrĩre; busana nʼerĩmĩnyĩsya ngoko abaliho batoke eriminya ngoko Owendata Kutsibu akatabala oko bwami bwʼabandu, akahabo oko oyo anzĩre, kandi akahanganaya mubo omugunda.

Danĩelĩ 4:25

Liti wasyahigwa erĩlũsĩbwa oko bandu, nʼobwĩkalo bwawe bwasyabya haguma nʼesyonyama syʼomolĩ, nawe wasyalĩsĩrĩrĩbwa erirya ebiti ngʼesyonde, kandi wasyatsapĩbwa omo kimi kyʼekyanya, nʼemigulu irinda yasyakulabako; erĩhĩka aho wasyaminyira Owendata Kutsibu kwʼakatabala oko bwami bwʼabandu nʼerihabo ukwʼoyo akasonda.

Danĩelĩ 4:32

Wasyahigwa erĩlũa hakũhĩ nʼabandu; nʼerĩĩkala lyawe lyasyabya haguma nʼesyonyama syʼomolĩ; wasyalĩsĩrĩrĩbwa oko biti ngʼesyonde; nʼemigulu irinda yasyakulabako erĩhĩka aho wasyaminyira Owendata Kutsibu kwʼakatabala oko bwami bwʼabandu kandi akahabo oko oyo anzĩre erihabo.

Danĩelĩ 5:21

Neryo mwahigirwa hali oko bandu, nʼomutima wuwe mwayirwa, ngʼowʼesyonyama, nʼerĩĩkala liwe molyabya haguma nʼesyopunda syʼomolĩ. Neryo mwalĩsĩrĩrĩbwa oko biti ngʼesyonde, nʼomubiri wuwe mwatsapa omo kimi kyʼekyanya erĩhĩka aho aminyira ko Nyamuhanga Wʼendata Kutsibu yukatabala oko bwami bwʼabandu, kandi ngoko akahanganaya kubo oyo anzĩre.

Hosea 1:2

Omugulu Omwami Mukulu abũga na Hosea, Omwami Mukulu mwabwira Hosea ati, Ugende, ũyĩhĩkĩraye omũkalĩ wʼoluteto nʼabana bʼobũtetĩ; kusangwa ekihugo kikakola obũsĩngĩrĩ bunene, erĩlũa oko Mwami Mukulu.

Hosea 13:6

Ngʼobũlĩsĩryo bwabo, mobũgũta batya; neryo erĩũgũta, omutima wabo mwahamĩbwa; kyaleka ibanyibirirwa.

Hosea 14:1

Uwe Ĩsraelĩ, usube oko Mwami Mukulu Nyamuhanga wawe; kusangwa wabiriwa busana nʼebibi byawe.

Hosea 2:16

Neryo Omwami Mukulu akabũga ati, Oko kiro ekyo, wasyanyibirikira mo Ĩsĩ, ĩbage, isiwendisyasyanyahula kandi mo Baalĩ, mukama wage.

Hosea 5:13

Omugulu Efũraĩmũ alangira endwala yiwe, na Yũda alangira ekironda kiwe, neryo Efũraĩmũ mwaya eAsũrĩa, mwatumira oko mwami ye Yarebũ; nĩkwa sialitoka erĩbalamya, kutse erĩbalya ekironda kyenyũ.

Hosea 5:15

Nasyagenda nʼerisuba aho wage, erĩhĩka aho basyabikulira omusango wabo, nʼerisonda-sonda obũsũ bwage; omo malĩge wabo basyanyĩsonda-sondya nʼomũhwa.