Hosea 2:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Kusangwa nyĩnya wabo mwayendya; oyo wahekabo omo bukule abirikola esĩsonĩ; kusangwa abũga ati, Ngandikwama abaragane bage abakamba akalyo kage nʼamagetsi wage, obweya bwʼembũlĩ bwage nʼekĩtanĩ kyage, nʼamagũta wage nʼebyʼerĩpũlya byage.

Hosea 2:5 Iomraidhean Croise

Ĩsaya 1:21

Ko mũyĩ owateregula amahinduka ati eribya mũsĩngĩrĩ, owabya oswĩre mwʼerĩbanza lyʼekwenene! Ebitunganene byabya bĩkere mugo, nĩkwa lino muli abĩtĩ.

Ĩsaya 50:1

Omwami Mukulu akabũga ati, Ebarua yʼerihiga koyo wawe eyo namuhigirako iri hahi kwehĩ? Kutse nabĩrĩbagũlya ukundi oyo wanyibweka kwehĩ? Lebaya, mwagũlĩbawa busana nʼebibi byenyũ, na koyo wenyũ ahigawa busana nʼamalolo wenyũ.

Yeremĩa 11:13

Uwe Yũda, kusangwa ngʼemiganzo yʼesyonyamuhanga syawe ko yingana, nʼemĩyĩ yawe ko yingaho. Kandi ngʼemiganzo yʼesyonzira syʼeYerũsalema, ko mwabirisingika ebiherero oko kindu ekyo kyʼesĩsonĩ, ebiherero byʼerĩhĩsya obukwa oko Baalĩ.

Yeremĩa 13:22

Kandi wamabũga omo mutima wawe uti, Busana nakĩ emyatsi eyĩ yosĩ yamambĩkako kwehĩ? Busana nʼobungi bwʼebibi byawe, esyongimba syawe syamambulwa, nʼehĩsĩnzĩro hyawe hyamakwa.

Yeremĩa 2:20

Kusangwa oko mugulu wa kera nabĩrĩtwa engomo yawe, nʼeritulanga emĩrĩkĩ yawe. Nĩkwa mowabũga uti, Sindiendisyakola! kusangwa oko buli kitwa kiri nʼeyĩkwa oko buli muti mubisi, mowayiyira mo mũsĩngĩrĩ.

Yeremĩa 6:8

Uwe Yerũsalema ukungawe, omutima wage akasyakũlũako. Ngasyakuyira mo kĩhũma, ekihugo ekite mo bandu.

Ezekĩelĩ 16:35

Neryo uwe mũtetĩ, hulikirira ekĩnywa kyʼOmwami Mukulu.

Ezekĩelĩ 16:39

Kandi nasyakũhĩra omo byala byʼabaragane bawe, nabo basyaterya esyosanamu syawe, nʼerisambula aho wawe ahendata, kandi basyapũra esyongimba syawe, nʼerĩĩmya amabwe wawe mabuya wʼobũgũlĩ, basyakũsĩga ndũmbũ nʼomubiri musa.

Ezekĩelĩ 16:4

Nĩkwa busana nʼomwatsi wʼeributwa lyawe, ekiro ekyo wabutawa engundi yawe moyĩtatũbwa, kutse mutakoswa omo magetsi erĩkwerya. Kutse erĩhakabĩbwa omũnyũ nʼahake, kutse eriswikwa ebiremberero nʼahake.

Hosea 1:2

Omugulu Omwami Mukulu abũga na Hosea, Omwami Mukulu mwabwira Hosea ati, Ugende, ũyĩhĩkĩraye omũkalĩ wʼoluteto nʼabana bʼobũtetĩ; kusangwa ekihugo kikakola obũsĩngĩrĩ bunene, erĩlũa oko Mwami Mukulu.

Hosea 2:2

Munegene na koyo wenyũ, munegene; kusangwa iye sĩ mũkalĩ wage, nage Sindi ĩba wuwe; alũsaye obũsĩngĩrĩ buwe omo bũsũ buwe, nʼoluteto luwe lũlũe omo katĩkatĩ kʼamabere wuwe,

Hosea 2:8

Kusangwa siabya asĩ ko nĩna ngye namuha engano, nʼebĩnyũ bihya-bihya, nʼamagũta, nʼerimuha ebĩtsĩpa nʼesyamagetsi ebyo bakolamo busana na Balĩ.

Hosea 3:1

Neryo Omwami Mukulu mwambwira ati, Genda kandi, wanze omũkalĩ oyo wanzĩrwe nʼomwĩra wuwe, nĩkwa nĩ mũtetĩ, ngoko Mwami Mukulu anzĩre abana ba Ĩsraelĩ, nomo babĩndũkĩre erikwama esindi nyamuhanga ĩbanzĩre esyombiga syʼebĩnyũ.

Hosea 4:5

Nawe wasyatwĩkala omwʼitungi, nʼomũmĩnyererĩ asyatwĩkala haguma nawe omo kiro; nage nasyatogotya koyo wawe.

Hosea 8:9

Kusangwa babirihetukira eAsũrĩa, ngʼepunda yʼomolĩ eyiri ĩyoyene; Efũraĩmũ abĩrĩkondesya abaragane.

Hosea 9:10

Moneya Ĩsraelĩ ngʼebĩgũma byʼebĩnyũ omo mbwarara; monalangira abotata-kulu wenyũ ngʼamayilula wʼomuti wʼomũtĩnĩ owakatsũka eriheta. Nĩkwa mobasa eBaalĩ-peorĩ, mobayihigula oko kindu kyʼesĩsonĩ, mobabya nye ngʼekyo banzĩre.

Amosĩ 8:13

Oko kiro ekyo, abambesa babuya nʼabalwana basyalembera busana nʼenyota.

Abatswerĩ 16:23

Nʼabakama bʼAbafĩlĩstĩnĩ mobahĩndana haguma eriherera ehongo nene uku Dagonĩ nyamuhanga wabo, nʼeritsema; kusangwa babũga bati, nyamuhanga wetu abĩrĩhĩra Samũsonĩ enzĩgũ yetu, omo byala byetu.