Hosea 2:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ ngasyamũlũsya ko lukimba akabya ndũmbũ, nʼerimuyira ngʼekiro abutawa, nasyamuyira ngʼembwarara nibya, nʼerimuyira ngʼekitaka eʼkyũmĩre, nʼerĩmwĩta omo nyota.

Hosea 2:3 Iomraidhean Croise

Erĩlũayo 17:3

Nĩkwa abandu mobakwa enyota, nʼabandu mobatonga Musa bati, Busana nakĩ watũhetũkaya erĩlũa eMĩsĩrĩ, erĩtwĩta nʼabana betu, nʼesyonyama syetu omo nyota kwehĩ?

Ĩsaya 33:9

Ekihugo kikalira nʼeriogoka, Lebanonĩ yabirihemuka nʼeriuma. Saronĩ iri nga mbwarara. Basanĩ na Karamelĩ ĩkalagalaya ebiti.

Ĩsaya 47:3

Endũmbũ yawe yasyaswikulwa, Esĩsonĩ syawe syasyabikulwa; Nasyakĩsya sĩndĩendĩsyabalya mundu.

Ĩsaya 64:10

Emĩyĩ yawe ĩbũyĩrĩre yabiribya mbwarara, eSĩonĩ yabiribya mbwarara, eYerũsalema nĩ kĩma.

Yeremĩa 12:10

Abalĩsya bangi babĩrĩherya eririma lyage lyʼebĩnyũ, babiriryatangirira amalima wage wʼahisi omwisi wʼebisando, babiriyira ekitaka kyage kyowene mo mbwarara yʼomulala.

Yeremĩa 13:22

Kandi wamabũga omo mutima wawe uti, Busana nakĩ emyatsi eyĩ yosĩ yamambĩkako kwehĩ? Busana nʼobungi bwʼebibi byawe, esyongimba syawe syamambulwa, nʼehĩsĩnzĩro hyawe hyamakwa.

Yeremĩa 13:26

Neryo nasyambula esyongimba syawe embere syʼobũsũ bwawe, nʼerikuhemula.

Yeremĩa 14:3

Abakulu babo bakatuma abagombe babo erienda amagetsi. Bakahĩka oko byũna byʼamagetsi, sibebana amagetsi. Bakasũbũlaya amalega wabo go busa. Bakakwa esĩsonĩ nʼerihemulwa, kandi bakaswika emitwe yabo.

Yeremĩa 17:6

Kusangwa asyabya ngʼebiti byʼomwʼirungu, siendisyalangira omugulu omũyĩsa akasa, nĩkwa asyĩkala ahali amabwe omo mbwarara, ekitaka kyʼomũnyũ, ekite mo mundu.

Yeremĩa 2:31

Uwe kihanda, mowe ekĩnywa kyʼOmwami Mukulu. Nabiribya mbwarara busana na Ĩsraelĩ kwehĩ? Kutse ekihugo kyʼomwĩrĩmya mungi kwehĩ? Busana nakĩ abandu bage bakabũga bati, Tuli nʼobwĩranda bwʼeriganga-ganga. Sĩtwendĩsyaswahĩka ukʼuwe?

Yeremĩa 2:6

Kutse sĩbetabũga bati, Omwami Mukulu ali hahi, oyo watũlũsaya omo kihugo kyʼeMĩsĩrĩ kwehĩ, oyo watusondola omo bwerere, omo kihugo kyʼembwarara nʼekyʼamahya, omo kihugo kyʼenyota nʼekyʼekyũtsũtsũ kyʼo­luholo, omo kihugo ekitelaba mo mundu, nʼahatĩkala mundu kwehĩ?

Yeremĩa 22:6

Kusangwa Omwami Mukulu akabũga busana nʼenyũmba yʼOmwami wʼeYũda ati, Uwe uli ngʼeGĩleadĩ ũkwʼĩngye, ngʼomutwe wʼeLebanonĩ. Nĩkwa kwenene nasyakuyira ngʼembwarara nʼemĩyĩ eyite ko bandu.

Yeremĩa 4:26

Monalangira, neryo lebaya, eririma eryeraya kutsibu lyabya mbwarara, nʼemĩyĩ yakyo yosĩ yabirisambukala embere syʼOmwami Mukulu, nʼembere syʼerihitana litsibu liwe.

Yeremĩa 51:43

Emĩyĩ yayo yabiribya kindu kyʼesyonye, ekitaka kyũmĩre nʼembwarara, ekihugo kite mo mundu wʼerĩĩkalamo, kutse sihali mugala wʼomundu oyukalabayo.

Yeremĩa 51:5

Kusangwa Ĩsraelĩ, kutse Yũda sĩbetasĩganĩbwa na Nyamuhanga wabo, Omwami Mukulu wʼemilondo, nomo kihugo kyabo kyoswĩre mwʼamalolo embere syʼOyũbũyĩrĩre wa Ĩsraelĩ.

Ezekĩelĩ 16:22

Nʼomo katĩkatĩ kʼesyonye syawe syosĩ, nʼobũmalaya bwawe mutibuka ebiro byʼobũlwana bwawe, omugulu wabya ndũmbũ nʼomubiri musa, inukagala-gala omo musasi wawe.

Ezekĩelĩ 19:13

Na lino aherĩre omo mbwarara, omo kihugo kyũmĩre nʼekihugo kikakere.

Hosea 13:15

Nomo angagasa kutsibu omo katĩkatĩ kʼabagala babo, erihunga lyʼendata lyasyasa, erihunga lyʼOmwami Mukulu lĩkalũa embwarara; nʼengũnũnũko yiwe yasyuma, nʼekitehero kiwe kyasyuma. Asyahũnga obuteke bwʼebindu byosĩ bibuya.

Hosea 2:10

Neryo nasyaswikula esĩsonĩ siwe omo meso wʼabaragane buwe, isihali omundu oyo wangamũlamya erĩlũa omo byala byage.

Eribisurirwa 17:16

Kandi amahembe ĩkũmĩ walangira, nʼenyama eyo, aba basyakwa Omũmalaya oyo yʼobusu. Basyamũtũtũla, nʼerimuyira ndũmbũ. Kandi basyalya omubiri wuwe, neryo basyamutalikirira omo muliro.

Abatswerĩ 15:18

Neryo Samũsonĩ mwakwa enyota nene, mwalakira Omwami Mukulu ati, Uwe wabiriha omulamo munene oyũ omo byala byʼomugombe wawe; na lino ngandihola nʼenyota, nʼeriwa omo byala byʼabatabwene kwehĩ?