Hosea 2:18 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁸ Nʼoko kiro ekyo nasyayira endagano busana nabo haguma nʼesyonyama syʼomolĩ, na haguma nʼesyonyonyũ syʼekyanya, na haguma nʼebindu ebikakululuka byʼekitaka; kandi nasyalũsya obuta, nʼomũyalĩ, nʼamalwa erĩlũa omo kihugo, kandi nasyagotseryabo ahisi nʼobuholo.

Hosea 2:18 Iomraidhean Croise

Yobũ 5:22

Wasyaseka omwaga nʼomugulu wʼenzala, Kandi siwendisyubaha esyonyama syʼomolĩ.

Yobũ 5:23

Amalima wasyalima syendisyabanika mo mabwe; Nʼesyonyama syʼomolĩ sisyendisyakuluma.

Esyonyimbo 148:10

Esyonyama syosĩ, esyʼeka nʼesyʼomolĩ, Esyonzoka nʼesyonyonyũ!

Esyonyimbo 23:2

Akaleka inaluhuka omo lũlĩsĩryo lwʼebiti bibisi, Akanyisondola ahali amagetsi awatekĩre.

Esyonyimbo 46:9

Akakũbaya amalwa omo kihugo kyosĩ; Akabũnanga amata, nʼerĩtsũtsanga amatũmo, Kandi akahĩsaya esyogalĩ omo muliro!

Ĩsaya 2:11

Emiyitendero yʼameso wʼabandu yasyakehĩbwa, nʼeriyikebera lyʼabandu lyasyahemulirwa ahisi, nʼOmwami Mukulu asyahamĩbwa ĩyowene ekiro ekyo.

Ĩsaya 2:17

Eriyiheka lyʼabandu lyasyahemulwa, nʼeriyikebera lyʼabandu lyasyakehĩbwa. Omwami Mukulu ĩyowene asyahamĩbwa oko kiro ekyo.

Ĩsaya 2:4

Naye asyatswera omo katĩkatĩ kʼebihanda, nʼeritswera emyatsi busana nʼabandu bangi. Nabo basyahesa emĩyalĩ yabo mwʼĩsũka, nʼamatũmo wabo mo bisara. Ekihanda sikyendisyasumbira ekindi kihanda kyʼomũyalĩ, kutse sibendĩsyaswayĩgĩsya amalwa.

Ĩsaya 26:1

Oko kiro ekyo, Olwimbo olũ lwasyimbirwa omo kihugo kya Yũda: Ĩtwe tuwite omũyĩ wʼamaka; Akasingika esyombĩmbo nʼahakongotere busana nʼerĩsikyaho.

Ĩsaya 32:18

Neryo abandu bage basyĩkala omo mwanya wʼobuholo, nʼomo hʼerĩĩkala ahawatĩre, nʼahʼeriluhukira ahatũlere,

Ĩsaya 54:5

Kusangwa Omũhangĩkĩ wawe nĩ ĩba we, Omwami Mukulu wʼemilondo nĩ rĩna liwe. Oyũbũyĩrĩre wa Ĩsraelĩ nĩ Mũtongolya wawe. Oyukahulawa mo Nyamuhanga wʼekihugo kyosĩ.

Ĩsaya 65:25

Omukenge nʼekyana kyʼembũlĩ byasyalira haguma, nʼendale yasyalya ebiti ngʼende, nʼolũtũtũ lwasyabya kalyo kʼenzoka. Sisyendisyakola ebibi kutse omwaga omo kitwa kyage kyosĩ kĩbũyĩrĩre, Omwami Mukulu atya.

Yeremĩa 23:6

Omo biro biwe Yũda asyalamĩbwa, na Ĩsraelĩ asyĩkala buholo. Nʼerĩ nĩ rĩna liwe; lyo lĩna asyahulwamo, Omwami Mukulu yo litunganene lyetu.

Yeremĩa 30:10

Neryo Omwami Mukulu ati, Uwe Yakobo, mugombe wage, Sigubahe. Kutse uwe Ĩsraelĩ, subye nʼengitsi. Kusangwa lebaya, nasyakũlamya inyikine hali, nʼabana bawe omo kihugo kyʼobunyegwa bwabo. Na Yakobo asyasubula, nʼeribya nʼobuholo nʼeriluhuka, isihali omundu wasyamũbahya.

Yeremĩa 33:16

Oko biro ebyo Yũda asyalamĩbwa, nʼeYerũsalema yasyĩkala buholo. Nʼerĩ lyo lĩna asyahulwamo: Omwami Mukulu ni ritunganene lyetu.

Ezekĩelĩ 34:25

Nasyalagana nabo endagano yʼobuholo, nasyalũsya esyonyama nyibi syʼomo kihugo, nabo ibatoka erĩĩkala buholo omo mbwarara, nʼerigotsera omo mũsĩtũ.

Ezekĩelĩ 39:1

Nawe, mugala wʼomundu, uminyerere busana nʼeGogĩ, ũbũge uti, Omukama Iye Omwami Mukulu ati, Lebaya, uwe Gogĩ ngalwa nawe, uwe munya-mwami wʼeRosĩ, eMesekĩ nʼeTũbalĩ,

Zekarĩa 14:4

Nʼebisando biwe byasyahangana oko kiro ekyo oko kitwa kyʼeMĩzeĩtũnĩ, ekiri embere syʼeYerũsalema ebwanga bwʼendata; nʼekitwa kyʼeMĩzeĩtũnĩ kyasyatulwa omo katĩkatĩ erĩlolya endata nʼerĩlolya eyĩkwa, busana nʼomusya munene kutsibu; nʼoluhande lwʼekitwa lwasyasegera erĩlolya elutambi lwʼendata, nʼolundi luhande lwakyo lwasyalolya elutambi lwʼeyĩkwa.

Zekarĩa 14:9

NʼOmwami Mukulu asyabya Mwami oko kihugo kyosĩ; oko kiro ekyo Omwami Mukulu asyabya muguma ĩyowene, nʼerĩna liwe liguma ĩlyolyene.

Zekarĩa 2:11

Nʼebihanda bingi byasyasangana nʼOmwami Mukulu oko kiro ekyo, kandi basyabya bandu bage; nage nasyĩkala omo katĩkatĩ kawe, nawe wasyaminya ko Mwami Mukulu Wʼemilondo anyituma ukʼuwe.

Zekarĩa 3:10

Omwami Mukulu akabũga ati, Oko kiro ekyo, mwasyabirikirana obuli mundu mũlĩkyabo erĩĩkala haguma omo ndĩna yʼomũlĩkĩ wʼebĩnyũ omo ndĩna yʼomuti wʼomũtĩnĩ.

Zekarĩa 9:10

Nasyabũlĩranĩa egalĩ oko Efũraĩmũ, nʼesabayĩrĩ oko Yerũsalema; nʼobuta bwʼamalwa bwasyabũlĩranĩbwa; naye asyabũga Obuholo oko bihanda; nʼeritabala liwe lyasyabya erĩlũa oko ngetsi erĩhĩka oko yindi ngetsi, nʼerĩlũa oko Lũsĩ lwʼeEfũratĩ nʼerĩhĩka oko syondũlĩ syʼekihugo.