Hosea 14:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Hambana nʼebĩnywa, usube oko Mwami Mukulu; umubwire uti, Ũlũsaye ebibi byosĩ, ũtũkokaye nʼolukogo, litya tutoke erireta ebĩnywa byʼemĩnywa yetu.

Hosea 14:2 Iomraidhean Croise

2 Samwelĩ 12:13

Neryo Dawĩdĩ mwabwira Natana, ati, Nabĩrĩhalya oko Mwami Mukulu. Kandi Natana mwabwira Dawĩdĩ ati, Omwami Mukulu abĩrĩlũsya ekibi kyawe; siwendisyahola.

2 Samwelĩ 24:10

Neryo omutima wa Dawĩdĩ mwasĩsĩra enyũma wʼeriganza bandu. Neryo Dawĩdĩ mwabwira Omwami Mukulu ati, Nahalĩrye kutsibu oko byo nakolĩre; nĩkwa lino kĩsĩ-kĩsĩ Uwe Mwami Mukulu ubuyire amalolo wʼomugombe wawe; kusangwa nabirikola obũkĩrũ bo kutsibu.

Yobũ 7:21

Busana nakĩ sulibuyira erĩlolo lyage nʼerĩlũsya ebibi byage? Kusangwa lino ngandigotsera omo lũtũtũ; Wasyanyĩsondya nʼomũhwa, nĩkwa isindiendisyabyaho.

Esyonyimbo 119:108

Kĩsĩ-kĩsĩ Ũlĩge erisaba lyage lyʼewasĩngya, uwe Mwami Mukulu, Ũnyĩkangĩrĩraye ebihano byawe.

Esyonyimbo 50:14

Eriha ewasĩngya uku Nyamuhanga libye obuhere bwawe, Kandi ulihe Owendata Kutsibu erĩlahĩrya lyawe.

Esyonyimbo 51:16

Sĩwanzĩre amahere, kite kitya kumbe namakuhago; Sulitsemera amahere wʼerĩokererya.

Esyonyimbo 51:17

Amahere wage, Nyamuhanga, nĩ kĩrĩmũ ekĩkowa; Uwe Nyamuhanga, siwendigana omutima owakowa nʼowʼerikenga.

Ĩsaya 44:22

Nabirisangula ebibi byawe ngʼekĩtũ kinene, nʼamalolo wawe ngʼobuheha bũlĩtohĩre. Unyisubeko, kusangwa nabĩrĩkũtongolya.

Ĩsaya 6:7

Neryo mwatũlyalyo oko mĩnywa yage ati, Lebaya, erĩ ryamabĩtũla oko mĩnywa yawe; nʼamalolo wawe abĩrĩlũsĩbwaho, nʼebibi byawe byamabuyirwa.

Yeremĩa 3:12

Ugende, ũtũle ebĩnywa ebĩ oko luhande lwʼelutambi lwʼendata nʼerĩbũga uti. Omwami Mukulu ati, Ĩsraelĩ, oyukalegula, subula. Omwami Mukulu ati, Sindiendisyakutungerera omwʼihitana, kusangwa indi wʼeriganyira, sindiendisyabika erihitana erĩhĩka kera na kera.

Hosea 12:7

Nĩ mũgũlya, ehĩrengĩ hyʼeriteba hiri omo byala biwe; anzĩre erĩnũbya.

Hosea 5:5

Kandi eriyiheka lya Ĩsraelĩ likamuhandikirira oko bũsũ buwe; busana nʼekĩ Ĩsraelĩ na Efũraĩmũ basyatwĩkala omo bubi bwabo; Yũda naye abĩrĩtwĩkala haguma nabo nibya.

Hosea 6:6

Kusangwa ngasonda obubuya, butsira amahongo; kandi eriminya Nyamuhanga kwilaba amahere wʼerĩokererya.

Yoelĩ 2:17

Abahererĩ, abagombe bʼOmwami Mukulu, balirire omo katĩkatĩ kʼobũsekũ nʼekiherero, babũge bati, Uwe Mwami Mukulu, Uganyire abandu bawe, suhe abandu bawe oko batsũmĩ, Suleke ebihanda bikahulabo mo mitenyo. Busana nakĩ bangabũga omo katĩkatĩ kʼabandu bati, Nyamuhanga wabo ali hahi kwehĩ?

Yona 2:9

Nĩkwa nasyakuhongera omo mulenge wʼewasĩngya; Nasyatũha ekyo nalahĩraya Omulamo ni wʼOmwami Mukulu.

Zekarĩa 3:4

Naye mwasũbĩrya mwabũga nʼababya bahangene embere siwe, ati, Mumwambule kwʼesyongimba esĩtũnda-tũndĩre. Neryo mwamubwira ati, Lebaya, Nabirikutendula kwʼamalolo wawe, nage ngandĩkwambalya esyongimba syʼobukama.

Matayo 7:11

Nomo mune babi, mũnasĩ eriha abana benyũ bʼolũsũnzo lubuya. Tata wenyũ oyuli elubula sĩalabĩre aho eriha ebindu bibuya oko bakamũbũlaya kwehĩ?

Luka 11:13

Nomo mune ababi, mũnasĩ eriha abana benyũ bʼolũsũnzo lubuya. Tata wenyũ wʼelubula syalabĩre aho eriha Omũlĩmũ Abũyĩrĩre oko bakamũbũlaya kwehĩ?

Luka 18:13

Nĩkwa omũsolesya mwimana hali, mwatalolya obũsũ buwe bwʼelubula, nĩkwa mwahumanga oko kĩkũba kiwe ati, Nyamuhanga, unyiganyire, ĩngye mukola-nabi!

Yoane 1:29

Neryo engyakya Yoane mwalangira Yesu akasa aho ali, neryo mwabũga ati, Lebaya, Ekyana kyʼEmbũlĩ kya Nyamuhanga oyũkalũsaya ebibi byʼekihugo!

AbanyaRoma 11:27

Kandi eyĩ ni ndagane yage haguma nabo, Omugulu ngalũsaya ebibi byabo.

2 Timoteo 1:9

Iye abĩrĩtũlamya nʼeritubirikira eribya bahigulwa buwe-buwe. Mwatakola atya busana nʼemikolere yetu, nĩkwa busana nʼerĩyĩsũnza liwe nʼolukogo luwe. Kandi mwatuha olukogo olũ omwisi wa Kristo Yesu embere wʼerĩtsũka lyʼemigulu.

Tito 2:14

Kristo mwayiha busana netu erĩtũtongolya oko bibi byosĩ, nʼerĩerya abandu busana naye ĩyowene-wene, abali nʼomũhwa wʼerikola emĩbĩrĩ yowene.

AbaEbrania 10:4

Kusangwa omusasi wʼesyonume nʼowʼesyombene sialitoka erĩlũsya ebibi.

AbaEbrania 13:15

Neryo busana na Yesu, tuhe eripipa lyetu ngʼobuhere uku Nyamuhanga. Kandi emirenge yetu ipipe erĩna liwe.

1 Petero 2:5

Mwase ngʼamabwe awawite engebe, mũhĩmbawe mo hekalũ yʼekĩrĩmũ, mubye abahererĩ babũyĩrĩre, abakaherera esyohongo syʼekĩrĩmũ busana na Yesu Kristo, esĩkatsemesaya Nyamuhanga.

1 Petero 2:9

Nĩkwa ĩnywe muli kihanda ekyayisogawa, abahererĩ bʼobwami, ekihanda kĩbũyĩrĩre, abandu ba Nyamuhanga, imwatoka erĩkangya emĩbĩrĩ mibuya ya Nyamuhanga, oyo wababirikira erĩlũa omo mwĩrĩmya nʼeriingira omo kyakakala kiwe kyʼeriswekera.

1 Yoane 1:7

Nĩkwa emibere yetu yamabya yʼekyakakala ngoko Kristo ali omo kyakakala, tukabya haguma omo buguma, nʼomusasi wa Yesu Omugala wa Nyamuhanga akatweraya kwʼebibi byosĩ.

1 Yoane 3:5

Kandi mũnasĩ ngoko Kristo kwʼaminyikala erĩlũsya ebibi byʼabandu; kandi Kristo siali kwʼekibi.