Hosea 13:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Busana nʼekĩ indi kubo ngʼendale; ngʼekisoro ngandĩrĩmbyabo omo nzira;

Hosea 13:7 Iomraidhean Croise

Yobũ 10:16

Nʼomutwe wage amayĩhamya, ukanyihiga ngʼendale; Kandi ĩwakangya amaka wawe erilwa nage.

Ĩsaya 42:13

Omwami Mukulu asyahuluka ngʼembangĩ. Asyahũhanĩa omũhwa wuwe ngʼomundu wʼamalwa. Asyabirikira, ega, nʼerĩũta obogo. Asyakĩnda esyonzĩgũ siwe.

Yeremĩa 25:38

Omwami Mukulu abĩrĩsĩganĩa ahʼerĩbĩsama huwe ngʼendale, kusangwa ekihugo kyabo kyabiribya nye busana nʼobukali bʼomũyalĩ obwʼerĩnũbya, kandi busana nʼerihitana liwe erĩkalĩre.

Yeremĩa 5:6

Busana nʼekĩ endale ĩkalũa omolĩ yasyĩtabo, nʼembwa yʼomolĩ yʼembwarara yasyaheryabo, esoro yasyalindirira emĩyĩ yabo. Yasyatulanga obuli mundu oyũkalũamo, kusangwa ebibi byabo ni bingi, nʼerisuba enyũma lyabo lyamakanya.

Ekiriro 3:10

Abiribya ũkwʼĩngye ngʼedubu eyikanyilamba, Ngʼendale eyiri ahabĩsamĩre.

Hosea 5:14

Kusangwa nasyabya uku Efũraĩmũ ngʼendale, nʼoko kĩtũnga kya Yũda nasyabya ngʼomusuko wʼendale; ĩngye, nĩna ngye, nasyatulanga mo bitswe nʼerĩlũaho; nasyahekabo, isihendisyabya mundu oyo wasyalamya.

Amosĩ 1:2

Neryo mwabũga ati, Omwami Mukulu asyahaya erĩlũa eSĩonĩ, asyahũlũkya omulenge wuwe erĩlũa eYerũsalema; nʼamalĩsĩryo wʼabalĩsya asyalira, nʼesingi yʼeKaramelĩ ikuma.

Amosĩ 3:4

Endale yanganarurumira omo mũsĩtũ omugulu itawite ekyo yĩtĩre kwehĩ? Omusuko wʼendale anganalakira omo mwangalũ wago atetahamba kindu kwehĩ?

Amosĩ 3:8

Endale yamabiruruma nindi yute wangubaha kwehĩ? Omukama, Omwami Mukulu amabĩbũga! Nindi yute wangaminyerera kwehĩ?

Eribisurirwa 13:2

Enyama eyo nalangira yabya yĩsosĩre esoro, nʼebisando byayo ĩbĩsosĩre ebisando byʼedubu, nʼobuno bwayo ĩbũsosĩre obuno bwʼendale. Kandi ekiyoka ekyo mokyaha enyama eyo amaka wakyo, nʼekĩtũmbĩ kyakyo kyʼobwami, nʼehamũlĩ nene.