Hosea 13:16 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁶ ESamarĩa yasyaheka omusango wako; kusangwa abirihona uku Nyamuhanga wuwe; basyawa omo mũyalĩ; abana babo basyaguswa mo bitswe, nʼabakalĩ babo abakule, basyatulwa.

Hosea 13:16 Iomraidhean Croise

2 Abami 15:16

Neryo Menahemũ mwaswĩrya eTĩfũsa, nʼabosĩ ababyamo, nʼemitano yago, erĩtsũka eTĩrza; kusangwa mobatamukingulira, kyaleka ĩnĩaswĩryago; kandi mwasatya bakalĩ bakule bosĩ ababya mugo.

2 Abami 17:18

Neryo busana nʼebĩ, Omwami Mukulu mwahitana uku Ĩsraelĩ, mwalũsyabo omo meso wuwe; neryo mohatabya nʼomuguma oyo wasĩgala, kye nʼekihanda kya Yũda ĩkyokyene.

2 Abami 17:5

Neryo omwami wʼeAsũrĩa mwalaba omo kihugo kyosĩ, nʼeriya eSamarĩa, mwagoterago emyaka ĩsatu.

2 Abami 17:6

Oko mwaka wʼomwenda wa Hosea, omwami wʼeAsũrĩa mwahũnga eSamarĩa, neryo mwatwala Abaĩsraelĩ mo basayĩ eAsũrĩa, kandi mwahĩrabo eHala, nʼeHaborĩ oko lũsĩ lwʼeGosanĩ, nʼomo mĩyĩ yʼAbamedĩ.

2 Abami 8:12

Neryo Hazaelĩ mwabũga ati, omukama wage akalira busana nakĩ kwehĩ? Naye mwamũsũbĩrya ati, Kusangwa nyĩnasĩ ekibi ekyo wasyakolera abana ba Ĩsraelĩ; wasyahĩsya ahakongotere habo omo muliro, kandi wasyĩta abalwana babo omo mũyalĩ, kandi wasyatsũtsanga abana babo balere, kandi wasyasatangya abakule babo.

Ĩsaya 13:16

Esyomekeke syabo syasyaguswa mo bihande-bihande embere syʼameso wabo. Amanyũmba wabo asyaherĩbwa, nʼabakalĩ babo basyatsandĩbwa.

Ĩsaya 17:3

Ahakangatĩre hʼeEfũraĩmũ hasyũmbya, nʼobwami bwʼeDamaseke bwasyũmbya, nʼabasĩgalira bʼeSũrĩa, basyabya ngʼolukengerwa lwʼabana ba Ĩsraelĩ, Omwami Mukulu wʼemilondo akabũga atya.

Ĩsaya 8:4

Kusangwa omwana oyo asyabya ate aminya erĩbũga ati, Tata wage, na Koyo wage, ebindu byʼeDamasekĩ nʼeminyego yʼeSamarĩa byasyahekerwa embere syʼOmwami wʼeAsũrĩa.

Hosea 10:2

Omutima wabo abirilegula; lino bakandisyaheka omusango wabo. Omwami Mukulu asyatũndũla amaherero wabo, asyaherya esyondũyĩ syabo sĩbũyĩrĩre.

Hosea 11:6

Omũyalĩ asyawa oko mĩyĩ yabo, asyaherya esyongomo syʼolũkyo lwabo, nʼeribugabo busana nʼamahano wabo.

Hosea 7:14

Kandi sibetanyilakira nʼomutima wabo, omugulu bakamĩraya oko syongyingo syabo; bakahĩndana busana nʼengano nʼebĩnyũ bihya-bihya; bakanyĩlũako.

Amosĩ 1:13

Omwami Mukulu akabũga ati, Busana nʼamalolo asatu wʼabana ba Amonĩ, ega, busana nʼawani, sindiendisyakakĩrya erisuyira lyako; kusangwa babĩrĩlandũla abakule bʼeGĩleadĩ, ibatoka eritomeka oko mitano yabo.

Amosĩ 3:9

Mũtũlego omo bikali byʼeAsĩdodĩ, nʼomo bikali byʼekihugo kyʼeMĩsĩrĩ, muti, Mũyĩhĩndanaye oko bitwa byʼeSamarĩa, neryo mũlebaye omwaga munene owaliyo, nʼomunubo munene wahi owali omo katĩkatĩ kabo.

Amosĩ 9:1

Monalangira Omukama inianimene oko mũsĩke wʼekiherero; neryo mwa­bũga ati, Ũswĩraye oko singi syʼesyondũyĩ esyonzeguliro sititimane; ũtwesyo mo mbindi-mbindi oko mitwe yʼabosĩ; neryo nage nasyĩta abandi ba kubo omo mũyalĩ; sihali muguma wa kubo oyo wasyatibita omo lusago, sihendisyabala omũsayĩ nʼomuguma wa kubo.

Mĩka 1:4

Nʼebitwa byasyasendekererĩbwa eyĩkwa ukwʼiye, nʼemisya yasyatulika, ngʼekisese ahali omuliro, ngʼamagetsi awakũtawa erisendera omo ngwangwa.

Mĩka 6:16

Kusangwa ebilayiro bya Omũrĩ byabĩrĩteyĩbwa, nʼemĩbĩrĩ yosĩ yʼekĩtũnga kya Ahabũ ikakwamawa, nenyũ mukalendera omo mahano wabo. Neryo nasyakũhĩra erĩherĩbwa, nʼesyondũlanĩ syawe nasyahĩrasyo erisekwa; nenyũ mwasyaheka ebĩtsũmĩ byʼabandu bage.

Nahũmũ 3:10

Nĩkwa mwabya mũsayĩ mwaya omo bunyegwa; nʼabana buwe balere mobabũnangwa mo bitswe-bitswe oko ndũlĩ yʼesyonzira syosĩ; mobagerekera busana nʼabakulu bako bʼerĩsĩkĩbwa, kandi abandu bakulu buwe bosĩ mobabohwa omo bihulula.