Hosea 13:13 - AMASAKO ABOYTRTRE WA NYAMUHANGA AWAKAHULAWA MO BIBLIA

¹³ Amalĩge wʼomũkalĩ oyukakunda asyamũhĩkako; iye ni mugala utawite menge; kusangwa omugulu amahĩka isiatolere erĩyĩrĩndĩrĩrya ahʼeributira abana.

Hosea 13:13 Iomraidhean Croise

2 Abami 19:3

Mobamubwira bati, Hezekĩa amabũga ati, Mũnabwĩre ni kiro kyʼobũlĩge, nʼekyʼerihayirwa, nʼekyʼeriponwa; kusangwa abana bakasonda eributwa isihali kagala kʼeriswabutabo.

Esyonyimbo 48:6

Kandi mobatsũka erititimana, Nʼeriagalwa ngʼomũkalĩ oyukakunda.

Emĩsyo 22:3

Omundu mũgerekanĩa amalangira ebibi akayĩbĩsa; Nĩkwa abakĩrũ bakatwangana ibahutala busana nabyo.

Ĩsaya 13:8

Kandi basyubaha, amagalĩ nʼamalĩge byasyahambabo, basyayinyola nʼamagalĩ ngʼomũkalĩ oyukakunda, basyasamalirana, nʼerisweka, amũsũ wabo iniabiribinduka mo mubano.

Ĩsaya 21:3

Busana nʼekyo esyombindi syage syamũsũla mwʼamagalĩ. Amagalĩ amanyihamba ngʼamagalĩ wʼomũkalĩ oyukakunda. Namalemwa, kikaleka indatoka erĩowa, namubaha, kikaleka indatoka erilangira.

Ĩsaya 26:17

Ngʼomukule oyũkahĩka hakũhĩ nʼomugulu wuwe wʼeributa, akagalawa inialaka busana nʼobwagalĩ buwe, netu twabya tutya embere syawe uwe Mwami Mukulu.

Ĩsaya 37:3

Mobamubwira bati, Hezekĩa akabũga ati, Ekiro ekĩ ni kiro kyʼobũlĩge, nʼekyʼerikungwa, nʼekyʼeriganwa, kusangwa abana bamahĩka okwʼibutwa, kandi sihali amaka wʼeributa.

Ĩsaya 66:9

Omwami Mukulu ati, Nasyabalyatya okwʼibuta, ĩsĩnangababũtya kwehĩ? Nyamuhanga wawe ati, Kutse ĩngye oyũkabũtaya, ĩnaswalĩba enda kwehĩ?

Yeremĩa 13:21

Wasyabũga ũtĩkĩ omugulu asyahĩra abĩra bawe endata kuwe ngʼabatabalĩ bawe abo wakangĩrĩraya kwehĩ? Amagalĩ asyakuhamba ngʼawʼomũkalĩ oyukakunda.

Yeremĩa 22:23

Uwe ndũlanĩ yʼeLebanonĩ, oyukayira Olutu lwawe omo mĩerezĩ, wasyasĩmba uti omugulu amagalĩ asyakũhĩkako, ngʼamagalĩ wʼomũkalĩ oyukakunda!

Yeremĩa 30:6

Mũbũlaye lino, mũlebaye, omulume ngʼakanakunda. Busana nakĩ ngalola oko buli mulume nʼebyala biwe oko mbindi yiwe ngʼomũkalĩ oyukakunda kwehĩ? Busana nakĩ obũsũ bosĩ bukahinduka nʼerĩtũmba kwehĩ?

Yeremĩa 4:31

Kusangwa monowa erilaka ngʼeryʼomũkalĩ ukakunda, eriagalwa lyʼoyukabuta omwana wuwe wʼerĩmbere, omulenge wa mwali wʼeSĩonĩ, oyukahumulikana busana nʼomuka, oyukasanza ebyala biwe, ati, Lino, obũlĩge ũkwʼĩngye! Kusangwa omutima wage akalembera embere syʼabĩtĩ!

Yeremĩa 49:24

Damasekĩ abirioloba, akayikeba busana nʼeritibita, nʼerititimana lyabirihambago. Engitsi nʼobũlũmĩ bwʼerikunda byabirihambago, ngʼerikunda lyʼomũkalĩ.

Hosea 5:4

Emĩbĩrĩ yabo siyereka bakabindukira Nyamuhanga wabo; kusangwa ekĩrĩmũ kyʼobũmalaya kiri mubo, sĩbasĩ Omwami Mukulu.

Yoane 16:21

Omũkalĩ omugulu akakunda ali nʼobũlĩge kusangwa endambĩ yiwe yabĩrĩhĩka; nĩkwa omugulu amabibuta omwana, sialisyibuka kandi eriagalwa liwe, nĩkwa akatsema ati, Omwana amabibutwa omo kihugo.

Yoane 5:4

Kusangwa omũlaĩka wʼomukama iniakandagala igumi-guma omo kitsinga eripanza amagetsi. Neryo Oyũkatsũka eriya omo magetsi amabĩtabũkala, inialamĩbwa oko ndwala eyo alwe akwĩre.]

Emibiri 24:25

Kandi omugulu Paũlo abya akakanĩa omwatsi wʼeritunganene nʼowʼerĩyĩteya, nʼomwatsi wʼeritswera erikandisyasa, Felĩkĩ mubaha ati, Lino ukatagenda, neryo nasyabya nabibana omugulu nasyaswakubirikira.

2 AbanyaKorinto 6:2

Kusangwa Nyamuhanga ati, Monakowa oko mugulu wʼerĩsĩmwa, Kandi monakũwatĩkya omo kiro kyʼomulamo. Ũlebaye, lino ni saa itolere, Ũlebaye, lino ni kiro kyʼerĩlamĩbwa.

Eryibuka Ebihano 32:6

Mũkatũha Omwami Mukulu mutya, Ĩnywe bandu bakĩrũ abate na menge kwehĩ? Iye si tata wenyũ oyo wabagula kwehĩ? Abiribahangika, nʼerĩbahanganĩa.

1 AbanyaTesalonika 5:3

Omugulu abandu bakabũga bati, Hali Obuholo nʼerĩyĩsyandira, neryo-neryo eritogota lyasyĩtabo! Nabo sibendisyabala nʼahake, lyasyahĩka ngʼerikunda erĩkahĩka oko mũkalĩ.