Hosea 13:10 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁰ Omwami wawe ali hayi lino, atoke erĩkũlamya omo mĩyĩ yawe yosĩ kwehĩ? Nʼabatswerĩ bawe bali hahi kwehĩ? Abo wahula uti, Unyihe omwami nʼabanyamwami.

Hosea 13:10 Iomraidhean Croise

1 Abami 12:20

Neryo, omugulu Abaĩsraelĩ bosĩ bowa ngoko Yeroboamũ amabisubula, mobamutumirako erimubirikira bati ase omo ndeko, neryo mobamuyira mo mwami endata oko Baĩsraelĩ bosĩ. Mohatabya nʼomuguma oyo wakwama ekĩtũnga kya Dawĩdĩ, kye nʼekihanda kya Yũda ĩkyokyene.

2 Abami 17:4

Neryo omwami wʼeAsũrĩa mwaminya Hosea kwʼabirimupona; kusangwa iniabirituma abakwenda uku So omwami wʼeMĩsĩrĩ, kandi isialitaleta engemu oko mwami wʼeAsũrĩa, ngoko abya akakola oko yindi myaka; kyaleka omwami wʼeAsũrĩa iniamuboha nʼerĩmũhĩra omo mũlĩkĩ.

Esyonyimbo 10:16

Omwami Mukulu ni mwami kera na kera, Nʼebihanda bĩtasĩ Nyamuhanga bĩkandĩsyalũa omo kihugo kiwe.

Esyonyimbo 149:2

Uwe Ĩsraelĩ, utseme, busana nʼmũhangĩkĩ wawe; Ĩnywe bandu bʼeSĩonĩ, mutseme, busana nʼomwami wenyũ!

Esyonyimbo 44:4

Uwe Nyamuhanga, uli Mwami wage; Ukaha abandu bawe erĩkĩnda!

Esyonyimbo 74:12

Nĩkwa uwe Nyamuhanga, utula Mwami wetu, Ũkasĩngana omo kihugo.

Esyonyimbo 89:18

Kusangwa Omwami Mukulu mwayisoga Omũhanganĩrĩ wetu, Uwe Oyũbũyĩrĩre wa Ĩsraelĩ, mowatuha omwami wetu.

Ĩsaya 33:22

Kusangwa Omwami Mukulu nĩ mũtswerĩ wetu, Omwami Mukulu yukatuha emigambo yetu, Omwami Mukulu ni mwami wetu. Asyatũlamya.

Ĩsaya 43:15

Ĩngye indi Mwami Mukulu Oyũbũyĩrĩre wenyũ, Omũhangĩkĩ wa Ĩsraelĩ, Omwami wenyũ.

Yeremĩa 2:28

Nĩkwa esyonyamuhanga syawe wayĩkokoteraya sirihi kwehĩ? Sihangane, syamatoka erĩkũlamya omugulu wʼobũlĩge bwawe. Kusangwa uwe Yũda, emĩyĩ yawe ko yingana, nʼesyonyamuhanga syawe ko na singaho.

Yeremĩa 8:19

Lebaya, omulenge wʼekiriro kya mwali wʼabandu bage akalũa omo kihugo kyʼehali kutsibu: Omwami Mukulu siali eSĩonĩ kwehĩ? Omwami wuwe siali mugo kwehĩ? Busana nakĩ babĩrĩnyĩhĩtanĩa omo syosanamu syabo esĩhesĩre, nʼomo syosanamu syʼehandi kwehĩ?

Ekiriro 4:20

Omuka wʼemihuli yetu, omũhakabĩbwa wʼOmwami Mukulu, Amahambwa omo mahya wabo. Oyo twahula tuti, Omwisi wʼekyũtsũtsũ kiwe Twasyĩkala omo bihanda.

Hosea 10:3

Kwenene lino basyabũga bati, Situwite mwami; kusangwa situlikenga Omwami Mukulu; nʼomwami naye, angatukolerakĩ kwehĩ?

Hosea 13:4

Nĩkwa ĩngye indi Mwami Mukulu Nyamuhanga wawe erĩtsũka oko kihugo kyʼeMĩsĩrĩ; nawe susyeminya ogundi nyamuhanga, nĩna Ngye musa kusangwa sihali gundi mũlamya ate Ĩngye.

Hosea 3:4

Kusangwa abana ba Ĩsraelĩ basyĩkala biro bingi butsira mwami, kutse mukulu, kutse erihonga amahere, kutse endũyĩ ĩbũyĩrĩre, kutse efodĩ nʼeterafĩmũ.

Hosea 7:7

Abami babo bosĩ babiritera; sihali muguma wa kubo oyukanyilakira.

Hosea 8:4

Babĩrĩhanganĩa abami, nĩkwa butsira ũkwʼĩngye; babiriyira abanya-mwami, ĩsĩnyasĩkyo; babĩrĩyĩkokoterya esyosanamu omo bĩtsĩpa byabo nʼesyamagetsi syabo, batoke erĩherĩbwa.

Zekarĩa 14:9

NʼOmwami Mukulu asyabya Mwami oko kihugo kyosĩ; oko kiro ekyo Omwami Mukulu asyabya muguma ĩyowene, nʼerĩna liwe liguma ĩlyolyene.

Yoane 1:49

Natanaelĩ mwamũsũbĩrya ati, Mũkangĩrĩrya, uli Mugala wa Nyamuhanga! Uli Mwami wa Ĩsraelĩ!

1 Samwelĩ 8:7

NʼOmwami Mukulu mwabwira Samwelĩ ati, Uhulikirire omulenge wʼabandu omo byosĩ bakakubwira; kusangwa uwe bategana, nĩkwa ĩngye bakagana, bati sinyibye mwami wabo.