Hosea 12:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Nĩ mũgũlya, ehĩrengĩ hyʼeriteba hiri omo byala biwe; anzĩre erĩnũbya.

Hosea 12:7 Iomraidhean Croise

Enzũko 49:18

Ngalindirira erĩlamya lyawe, uwe Mwami Mukulu.

Emĩsyo 11:1

Olulengo lwʼobũtebya ni nye oko Mwami Mukulu; Nĩkwa ekĩrengĩ kĩhĩkene kĩkamũtsemesaya.

Emĩsyo 16:11

Ebikalingirirana nʼekĩlo ni byʼOmwami Mukulu; Ehĩrengĩ hyosĩ omo ngunza nĩ mĩbĩrĩ yiwe.

Ĩsaya 3:5

Nʼabandu basyanũbĩbwa, obuli mundu asyanũbya ogundi nʼobuli mundu asyanũbya mũlĩkyabo. Omũlwana asyalwa nʼomukulu, nʼomundu mutya-mutya asyalwa nʼomundu wʼerikengwa.

Ĩsaya 56:1

Omwami Mukulu akabũga ati, Mũtegaye erĩbanza litunganene, kandi mukole eritunganene, kusangwa omulamo wage ali hakũhĩ nʼerĩhĩka, nʼeritunganene lyage lyasyabĩsũlwa.

Ezekĩelĩ 16:3

uti, Omukama Iye Omwami Mukulu akabwira eYerũsalema ati, Erĩtsũka lyawe nʼeributwa lyawe ni byʼekihugo kyʼOmukanana. Omũamorĩ abya tata wawe, na koyo wawe abya Mũhĩtĩ.

Ezekĩelĩ 22:29

Abandu bʼekihugo babĩrĩnũbya, kandi bakahũnga, kandi babĩrĩagalya abera nʼabʼobwaga, kandi babĩrĩnũbya omubunga ahate rĩbanza lya kwenene.

Ezekĩelĩ 28:5

Busana nʼamenge wawe manene, na busana nʼerĩtũndya lyawe wabiritomekera ebindu byawe, nʼomutima wawe amayĩhamya busana nʼebindu byawe.

Hosea 14:2

Hambana nʼebĩnywa, usube oko Mwami Mukulu; umubwire uti, Ũlũsaye ebibi byosĩ, ũtũkokaye nʼolukogo, litya tutoke erireta ebĩnywa byʼemĩnywa yetu.

Yoelĩ 2:12

Omwami Mukulu ati, Kutse na lino, munyibindukire nʼemitima yenyũ yosĩ, nʼeritsira akalyo, nʼeririra, nʼerĩsũsũmana.

Amosĩ 2:7

Abakahumayirira olũtũtũ lwʼekitaka oluli oko mitwe yʼabera, kandi nʼerĩkĩtya enzira yʼabandu bolo; nʼomundu na tata wuwe bakasĩngĩra omwana-muto muguma, busana nʼeritsuma erĩna lyage lĩbũyĩrĩre.

Amosĩ 3:9

Mũtũlego omo bikali byʼeAsĩdodĩ, nʼomo bikali byʼekihugo kyʼeMĩsĩrĩ, muti, Mũyĩhĩndanaye oko bitwa byʼeSamarĩa, neryo mũlebaye omwaga munene owaliyo, nʼomunubo munene wahi owali omo katĩkatĩ kabo.

Amosĩ 4:1

Mowe ekĩnywa ekĩ, ĩnywe nde syʼeBasanĩ esiri omo bitwa byʼeSamarĩa, abakanũbaya abera, abakalyata oko bera, abakabũga nʼabĩbabo bati, Mulete, tũpũlaye!

Amosĩ 5:11

Busana nʼekyo mũkalĩhĩsaya engemu yʼengano; mwabĩrĩhĩmba amanyũmba wʼamabwe awabatsĩre nĩkwa sĩmwendĩsyĩkala mugo; mwabirihera amalima wʼebĩnyũ wʼerĩtsemesya, nĩkwa sĩmwendĩsyapũlya ebĩnyũ byago.

Mĩka 2:1

Obũlĩge oko bakayĩtegekaya ebibi nʼerĩganĩrya ebibi omo syongyingo syabo! Omugulu bwamabikya, bakakolakyo, kusangwa kiri omo bũtokĩ bwʼebyala byabo.

Mĩka 7:2

Oyukakenga Nyamuhanga abirihwerekerera omo kihugo, kandi sihali oyutunganene omo katĩkatĩ kʼabandu. Abosĩ bakalĩmbaya omusasi; obuli mundu akasonda-sondaya mugala wabo yʼomo butimba.

Zekarĩa 14:21

Nʼobuli nyungu eYerũsalema nʼeYũda yasyabya ĩbũyĩrĩre oko Mwami Mukulu Wʼemilondo; nʼabosĩ abakahonga amahere basyasa nʼerĩĩmya kusyo, nʼerĩhũkamo. Nʼoko kiro ekyo, Sihendisyaswabya Omukanana omo nyũmba yʼOmwami Mukulu Wʼemilondo.

Zekarĩa 5:8

Neryo mwabũga ati, Ekĩ ni Kibi! Neryo mwagusa omũkalĩ oyo eyĩkwa omo katĩkatĩ kʼekitiri; neryo mwagusa obũlĩto bwʼerĩsasĩ oko buno bwakyo.

Zekarĩa 7:9

Omwami Mukulu Wʼemilondo akabũga ati, Mutswere erĩbanza lyʼekwenene, mũkangaye obubuya nʼeriganyira obuli mundu uku mũlĩkyabo;

Malakĩ 3:5

Neryo nasyasegera hakũhĩ nenyũ omwʼitswera; kandi nasyabya mũlangĩrĩ oyukanguha erilwa nʼabakũmũ, nʼabasĩngĩrĩ, nʼabakalahĩraya nʼamabehĩ, nʼabakanũbaya omũhĩngĩ oko bũhĩngĩ buwe, nʼomũkwakalĩ, nʼengũbĩ, nʼabakakĩtaya omubunga, kandi sibalinyubaha, Omwami Mukulu Wʼemilondo atya.

Yoane 2:16

Kandi mwabũga nʼabagũlaya ehĩrĩkũkũ ati, Mũlũsaye hino hyo muno! Muleke eriyira enyũmba ya Tata wage mo nyũmba yʼakatale.

Yakobo 5:4

Mũlebaye, simwetaliha abandu abahingira omo malima wenyũ, nʼabandu abasolomago. Nabo bakabatsongera. Nʼerilaka lyabo lyabĩrĩhĩka omo matwĩ wʼOmukama wʼAmaka Gosĩ.

1 Samwelĩ 12:3

Ngyono hano; mũtũlego busana nage embere syʼOmwami Mukulu, nʼembere syʼomũhakabĩbwa wuwe. Monĩmya ende yandi kwehĩ? Kutse monĩmya punda yandi kwehĩ? Kutse monatebandi kwehĩ? Monanũbyandi kwehĩ? Kutse omo byala byandi namĩmya esigulo erĩyĩrĩbanĩa meso kwehĩ? Nasyabasũbũlĩryayo.