Hosea 12:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Busana nʼekyo, Ubindukire Nyamuhanga wawe; ũtegaye obubuya nʼerĩbanza libuya, ulindirire Nyamuhanga wawe emigulu yosĩ.

Hosea 12:6 Iomraidhean Croise

Enzũko 49:18

Ngalindirira erĩlamya lyawe, uwe Mwami Mukulu.

Esyonyimbo 123:2

Ngoko mugombe akayiketera omukama wuwe, Nʼomugombe wʼobũkalĩ akayiketera omugole wuwe, Litya tũkahĩra ameso wetu oko Mwami Mukulu, Nyamuhanga wetu, Erĩhĩka aho akandituganyira.

Esyonyimbo 27:14

Uyiketere Omwami Mukulu; Wĩkĩrĩraye, Suleke omutima akalũa omo nda, Uyiketere Omwami Mukulu.

Esyonyimbo 37:7

Uyibombeke embere syʼOmwami Mukulu, umulinde nʼerĩsĩkya-sĩkya omutima, Sũhahũkaye omutima busana nʼabakabana omugaso, Kutse busana nʼabakagasa omo syombĩta nyibi syabo.

Erĩlũayo 3:15

Kandi Nyamuhanga mwabũga na Musa ati, Wasyabũga nʼabana ba Ĩsraelĩ uti, Omwami Mukulu, Nyamuhanga wʼabotata wenyũ, Nyamuhanga wa Abrahamũ, Nyamuhanga wa Ĩsaka, na Nyamuhanga wa Yakobo, amanyituma kwĩnywe; nʼerĩ rye rĩna lyage erĩhĩka kera na kera, erĩ rye rĩna lyʼeryibukwa lyage oko ndengo nʼesyondengo.

Emĩsyo 1:23

Mubinduke okwʼikunga lyage. Lebaya, nasyabũtũlĩra ekĩrĩmũ kyage; Nasyabamĩnyĩsya ebĩnywa byage.

Emĩsyo 21:3

Erikola eritunganene nʼekwenene. Bĩkalĩgawa nʼOmwami Mukulu kwilaba ehongo.

Ĩsaya 1:16

Mũyeraye, muyikose. Mũlũsaye obubi bwʼerikola lyenyũ embere syʼameso wage. Mũmbaye okwʼikola ebibi.

Ĩsaya 30:18

Na busana nʼekyo, Omwami Mukulu akasonda eribaganyira. Kandi busana nʼekyo akalinda endata ĩnĩabakwĩra olukogo. Kusangwa Omwami Mukulu ni Nyamuhanga wʼerĩbanza litunganene. Omũyĩsa ali oko bosĩ abakamũkwa olukando.

Ĩsaya 31:6

Musube oko yo mwahonako kutsibu, ĩnywe bana ba Ĩsraelĩ.

Ĩsaya 40:31

nĩkwa abakalindirira Omwami Mukulu basyabana amaka mahya-mahya. Basyaguluka endata nʼebĩpũpa ngʼamasamba; basyatibita, isibendiluha, basyagenda Sĩbendĩsyakwa bũlũndũ.

Ĩsaya 58:6

Eritsira akalyo eryo nabiriyisoga, sĩ ryerĩ; eribohola emĩrĩkĩ yʼebibi, nʼerĩkũndũla emĩrĩkĩ yʼengomo nʼerireka abakanũbĩbawa babane obwĩranda, nʼerĩtwa obuli ngomo kwehĩ?

Ĩsaya 8:17

Nage ngandirinda Omwami Mukulu, Oyũkabĩsa obũsũ buwe oko kihanda kya Yakobo, nage ngandimusonda-sonda nʼomũhwa.

Yeremĩa 22:15

Ukabya mwami kusangwa ukalenga erĩsĩngana omo mĩerezĩ kwehĩ? Tata wawe mwatalya nʼerĩpũlya, nʼerikola ekyʼekwenene, nʼerĩbanza litunganene kwehĩ? Neryo mwĩkala ndeke.

Ezekĩelĩ 18:30

Busana nʼekyo Omukama Iye Omwami Mukulu ati, Uwe kihanda kya Ĩsraelĩ, nasyakutswera, obuli mundu ngʼemigendere yiwe. Musubule, mubinduke nʼerireka amalolo wenyũ gosĩ, neryo ebibi ibitabya ndwĩkale ũkwʼĩnywe.

Hosea 10:12

Muyibibire omo litunganene, mugese omo bubuya; mulima-lime ekitaka ekĩtalĩmĩre; kusangwa ni mugulu wʼerisonda-sonda Omwami Mukulu, erĩhĩka aho asyasira nʼerĩbaheherya omo mbũla yʼekitunganene.

Hosea 14:1

Uwe Ĩsraelĩ, usube oko Mwami Mukulu Nyamuhanga wawe; kusangwa wabiriwa busana nʼebibi byawe.

Hosea 4:1

Ĩnywe bana ba Ĩsraelĩ, mowe ekĩnywa kyʼOmwami Mukulu; kusangwa Omwami Mukulu ali nʼomwatsi haguma nʼesyondũlanĩ syʼekihugo, kusangwa sihali kwenene, kutse obubuya, kutse eriminya Nyamuhanga omo kihugo.

Yoelĩ 2:12

Omwami Mukulu ati, Kutse na lino, munyibindukire nʼemitima yenyũ yosĩ, nʼeritsira akalyo, nʼeririra, nʼerĩsũsũmana.

Yoelĩ 2:13

Mũsatangaye emitima yenyũ, sĩmũsatangaye esyongimba syenyũ, mubindukire Omwami Mukulu Nyamuhanga wenyũ; kusangwa iye ni wʼeriganyira nʼowʼolukogo, isialihitana lũba, ĩnĩoswĩre omo bubuya bʼolwanzo, iniakayibindula siakole nabi.

Amosĩ 4:13

Kusangwa lebaya, oyo wahangika ebitwa, nʼoyo wahangika erihunga, nʼerĩtũlĩra omundu yʼamalengekanĩa wuwe; oyukayira engyakya-ngyakya eribya mwĩrĩmya, nʼoyukalyatanga ahʼendata hʼekihugo, Omwami Mukulu Nyamuhanga Wʼemilondo, lyo lĩna liwe.

Amosĩ 5:24

Nĩkwa erĩbanza lisende ngʼamagetsi, nʼeritwangana ngʼolũsĩ olukasenda emigulu yosĩ.

Mĩka 6:8

Uwe mundu, abĩrĩkũkangya kihi kyo kibuya; Omwami Mukulu akakusonda ko kihi kwehĩ, lye nʼerikola erĩbanza litunganene, nʼerianza obwenge, nʼerirendera na Nyamuhanga wawe nʼerĩyĩkehya.

Mĩka 7:7

Nĩkwa ĩngye, nasyalinda Omwami Mukulu nʼomũhwa, nasyalindirira Nyamuhanga wʼerilama lyage. Nyamuhanga wage asyanyowa.

Habakũkĩ 2:3

Kusangwa esyonzolĩ sikine busana nʼomugulu ategekawa, nasyo sikanguha erĩhĩka oko ndũlĩ yasyo, nasyo sisyendisyabiha; nomo syangalinda, ulindesyo; kusangwa sĩkandĩsyahĩka kwenene, sisyendisyamala.

Zefania 3:8

Busana nʼekyo, Omwami Mukulu ati, Mundinde, busana nʼekiro ekyo omugulu nasyahangana oko buhiyi. Kwenene erĩyĩsũnza lyage nĩʼhĩndanĩa ebihanda, nʼerĩhĩndanĩa amami, erĩũtũlĩra kubo kwʼerihitana lyage, lye rihitana lyage erĩkahĩsaya; kusangwa ekihugo kyosĩ kyasyalibwa omo muliro wʼobũha bwage.

Zekarĩa 1:3

Busana nʼekĩ ubwirebo uti, Omwami Mukulu Wʼemilondo akabũga ati, Musube ũkwʼĩngye, Omwami Mukulu Wʼemilondo akabũga, nage nasyasuba ũkwʼĩnywe, Omwami Mukulu Wʼemilondo atya.

Zekarĩa 7:9

Omwami Mukulu Wʼemilondo akabũga ati, Mutswere erĩbanza lyʼekwenene, mũkangaye obubuya nʼeriganyira obuli mundu uku mũlĩkyabo;

Zekarĩa 8:16

Emyatsi yeyĩ, mutolere erikolayo: obuli mundu abũge ebyʼekwenene uku mũlĩkyabo; mutswere omo kwenene nʼeritswera busana nʼobuholo omo syongyo syenyũ.

Emibiri 2:38

Petero mwabwirabo ati, Mubindule emitima yenyũ, muleke ebibi, kandi obuli mundu abatĩsĩbawe omo lĩna lya Yesu Kristo busana nʼeribuyirwa lyʼebibi byenyũ, neryo mwasyabana olũsũnzo lwa Nyamuhanga yo Mũlĩmũ Abũyĩrĩre.

Emibiri 26:20

Nĩkwa monatsũka erĩkangĩrĩrya bandu bʼeDamasĩkĩ, nʼabandu bʼeYerũsalema, nʼomo kihugo kyosĩ kyʼeYũdea, nʼoko Bihanda, nyiti babindule emitima yabo balũe kwʼebibi, babindukire Nyamuhanga, kandi bakole emĩbĩrĩ eyo eyĩkakangaya eribinduka lyabo.

Yakobo 1:27

Ekisomo kibuya, ekite nʼebĩtĩsĩrĩre embere sya Nyamuhanga Tata kyekĩ: erĩwatĩkya esyongũbĩ nʼabakwakalĩ omo bũlĩge bwabo, kandi eriyihigula oko myatsi mibi yʼekihugo.

Yakobo 2:13

Kusangwa Nyamuhanga siendisyaganyira omundu oyukagana eriganyira ogundi. Nĩkwa eriganyira lĩkakĩnda eritswera.