Hosea 12:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Yakobo mwahambira mugala wabo omo nda oko kasĩnzĩro, nʼomugulu abya mukulu mwahambana na Nyamuhanga.

Hosea 12:3 Iomraidhean Croise

Enzũko 25:26

Enyũma kwʼaho mugala wabo mwahuluka, nʼebyala biwe ĩbĩnahambĩre akasĩnzĩro ka Esaũ. Erĩna liwe molyalukwa mo Yakobo. Nĩkwa Ĩsaka abya wʼemyaka makũmĩ ndatu omugulu omũkalĩ abutabo.

2 Abami 17:18

Neryo busana nʼebĩ, Omwami Mukulu mwahitana uku Ĩsraelĩ, mwalũsyabo omo meso wuwe; neryo mohatabya nʼomuguma oyo wasĩgala, kye nʼekihanda kya Yũda ĩkyokyene.

2 Abami 17:20

Neryo Omwami Mukulu mwagana bana bosĩ ba Ĩsraelĩ, kandi mwagalyabo, mwahabo omo byala byʼabanyeyĩ, erĩhĩka aho ahigirabo erĩlũa omo meso wuwe.

2 Abami 17:23

erĩhĩka aho Mwami Mukulu ahigira Ĩsraelĩ erĩlũa omo meso wuwe, ngoko abũga nʼabagombe buwe abamĩnyererĩ bosĩ. Neryo Ĩsraelĩ mobahekwa erĩlũa omo kihugo kyabo eritwalwa mo basayĩ eAsũrĩa erĩhĩka na mũnabwĩre.

Yeremĩa 2:9

Neryo Omwami Mukulu ati, Nasyalwa nenyũ, kandi nasyalwa nʼabitsikulu benyũ.

Ezekĩelĩ 7:3

Na lino endũlĩ yamakũhĩkako, nage nasyakutuma kwʼerihitana lyage, nasyakutswera ngʼesyonzira syawe. Nasyakũhĩnganĩa kwʼesyonye syawe syosĩ.

Ezekĩelĩ 7:8

Lino hakĩsĩya hake ĩnũta erihitana lyage ukʼuwe, nʼerĩhĩkererya erihitana lyage ukʼuwe, nasyakutswera ngʼesyonzira syawe ko siri. Nasyakũhĩra kwʼesyonye syawe syosĩ.

Hosea 4:1

Ĩnywe bana ba Ĩsraelĩ, mowe ekĩnywa kyʼOmwami Mukulu; kusangwa Omwami Mukulu ali nʼomwatsi haguma nʼesyondũlanĩ syʼekihugo, kusangwa sihali kwenene, kutse obubuya, kutse eriminya Nyamuhanga omo kihugo.

Hosea 4:9

Neryo ngoko abandu bali, abahererĩ ko bali batya; nage nasyasuyirabo busana nʼesyonzira syabo, nasyalihabo busana nʼemikolere yabo.

Amosĩ 2:4

Omwami Mukulu akabũga ati, Busana nʼamalolo asatu wʼeYũda, ega, busana nʼawani, sindiendisyakakĩrya erisuyira lyako, kusangwa babirigana emigambo yʼOmwami Mukulu, kandi sĩbetateya emigambo yiwe, nʼamabehĩ wabo abĩrĩtalyabo, amabehĩ, ebyo abotata-kulu wabo bakwama.

Mĩka 6:2

Ĩnywe bitwa, mowe, erihandikirira lyʼOmwami Mukulu, nenyũ ebibanza byʼekihugo ebitehwaho; kusangwa Omwami Mukulu akahandikirira abandu buwe, kandi asyakuba obuhaka na Ĩsraelĩ.

AbanyaRoma 9:11

Nĩkwa abahasa bate babutwa, isibebakola kibuya kutse kibi,