Hosea 11:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Sindiendĩsyaberererya obukali bwʼerihitana lyage, sĩndĩendĩsyaswaherya Efũraĩmũ kandi. Kusangwa ĩngye indi Nyamuhanga, Sindi mundu; Oyũbũyĩrĩre omo katĩkatĩ kawe; kandi sindiendisyasa omwʼihitana.

Hosea 11:9 Iomraidhean Croise

2 Samwelĩ 20:10

Nĩkwa Amasa mwatalebya omũyalĩ owabya omo byala bya Yoabũ; neryo mwalũbago omo kabunda, mũta amala wuwe wʼahisi, mwatasyamũswĩrya; neryo Amasa mwahola. Na Yoabũ na Abĩsayĩ mugala wabo mobakwamirira Seba mugala wa Bĩkũrĩ.

Esyonyimbo 46:5

Nyamuhanga ĩkere omo mũyĩ oyo, nago sĩendĩsyaherĩbwa na kera; Nyamuhanga asyawatĩkyago omugulu bukakya.

Esyonyimbo 78:38

Nĩkwa Nyamuhanga mwaganyira abandu buwe. Neryo mwabuyira ebibi byabo, mwataheryabo. Ega, engendo nyingi mwakakĩrya erihitana liwe, Kandi mwakakĩrya erikarama liwe,

Esyonyimbo 85:4

Uwe Nyamuhanga Omũlamya wetu, utubindukire, Kandi gũmbaye erituhitanako!

Ĩsaya 12:6

Umoleke omulenge ũbũgaye olukuko, Uwe ndũlanĩ yʼeSĩonĩ, kusangwa Oyũbũyĩrĩre wʼeĨsraelĩ ni mukulu omo katĩkatĩ kenyũ.

Ĩsaya 31:1

Obũlĩge ukwʼabo abakandagalira eMĩsĩrĩ erisonda-sondya erĩwatĩkĩbwa, abakayiketera esyosabayĩrĩ, abakayiketera esyogalĩ kusangwa ni nyingi, kandi abakayiketera abakagenda oko syosabayĩrĩ kusangwa ni bʼamaka kutsibu, nĩkwa sĩbehĩra ameso oko Yũbũyĩrĩre wa Ĩsraelĩ, kutse sĩbesonda-sondaya Omwami Mukulu!

Ĩsaya 41:14

Sigubahe, uwe kihanda kya Yakobo, uwe munyole, nenyũ abalume ba Ĩsraelĩ simubahe. Omwami Mukulu ati, Ngandĩkũwatĩkya, nʼomũtongolya wawe, Oyũbũyĩrĩre wa Ĩsraelĩ.

Ĩsaya 41:16

Wasyagũlũkyabyo, nʼerihunga lyasyahekabyo, nʼakanyabungu kasyapanza-panzabyo. Nawe wasyatsemera Omwami Mukulu, wasyayihalamba ũmwʼOyũbũyĩrĩre wa Ĩsraelĩ.

Ĩsaya 48:9

Busana nʼerĩna lyage ngamalaya erihitana lyage, kandi busana nʼeripipa lyage ngakakĩrĩrayalyo busana nawe, isinangakũtĩnda iguma.

Ĩsaya 5:24

Neryo ngʼekirimi kyʼomuliro ko kikalya esyombuba, kandi ngʼobunyatsi bũmĩre bukawa omo kirimi kyʼomuliro, ko mũlĩhĩ wabo asyabya ngʼerihonda, nʼomusanga wabo asyaguluka ngʼolũtũtũ. Kusangwa babirigana emigambo yʼOmwami Mukulu wʼemilondo, kandi babiripona ekĩnywa kyʼOyũbũyĩrĩre wa Ĩsraelĩ.

Yeremĩa 26:3

Kwamũhwa basyowa, nʼeribinduka erireka ebibi obuli mundu oko nzira nyibi yiwe, neryo inatoka erireka obũlĩge naganĩraya erikolerabo busana nʼobubi bwʼemĩbĩrĩ yabo.

Yeremĩa 30:11

Omwami Mukulu ati, Ĩngye indi haguma nawe erĩkũlamya, kusangwa nasyaherya kutsibu ebihanda byosĩ eyo nakupanza-panzira, nĩkwa uwe sindiendĩsyakũherya kutsibu, nĩkwa na nasyakukunga omo lĩbanza litunganene, sindiendisyakuleka butsira erikusuyira.

Hosea 12:1

Efũraĩmũ akalya erihunga, akakwama erihunga lyʼendata emigulu yosĩ; akakanyaya amabehĩ nʼomwaga; kandi akayira endagano na Asũrĩa, nʼamagũta akatwalawa eMĩsĩrĩ.

Hosea 14:4

Ngandĩsyalamya erisuba enyũma lyabo, nasyanzabo ndeke; kusangwa erihitana lyage lyabĩrĩlũa kubo.

Malakĩ 3:6

Kusangwa, Ĩngye Mwami Mukulu, sindibinduka; kikaleka ĩnywe bagala ba Yakobo ĩmũtaherĩbwa.

Emiganzo 23:19

Nyamuhanga si mundu, uti angabiha, Kutse mugala wʼomundu, uti angayibindukako; Amabũga, isiendisyakolakyo kwehĩ? Kutse amabĩgũga, ĩsĩendĩsyaberereryakyo kwehĩ?

Eryibuka Ebihano 13:17

Kandi sihendĩsyasĩgalira ekindu nʼekiguma oko byaganawa ebikandimakirira oko byala byawe, Omwami Mukulu atoke eribinduka okwʼihitana liwe rĩkalĩre, nʼerĩbakangya olukogo luwe nʼeribaganyira, nʼerĩbakanyĩa, ngoko abĩrĩlahĩrĩrya abotata-kulu wenyũ;

1 Samwelĩ 26:8

Neryo Abĩsaĩ mwabwira Dawĩdĩ ati, Nyamuhanga abĩrĩhĩra enzĩgũ yawe omo byala byawe mũnabwĩre; neryo, kĩsĩ-kĩsĩ Uleke nyimutsimite omwʼĩtũmo erilabira omo kitaka ngendo nguma, sindiendimutsimita kabiri.