Hosea 11:8 - AMASAKO ABOYTRTRE WA NYAMUHANGA AWAKAHULAWA MO BIBLIA

⁸ Uwe Efũraĩmũ nasyakuleka nyiti kwehĩ? Uwe Ĩsraelĩ, nasyakugana nyiti kwehĩ? Nasyakuyira nga Adama nyiti kwehĩ? Nasyakukola nga Zeboĩmũ nyiti kwehĩ? Omutima wage abĩndwĩrwe omwisi wage, amaganĩryo wage abiriaka haguma.

Hosea 11:8 Iomraidhean Croise

Enzũko 14:8

Neryo Omwami wʼeSodomo mwahuluka, nʼomwami wʼeGomora, nʼomwami wʼeAdĩma, nʼomwami wʼeZeboĩmũ, nʼomwami wʼeBela. Eyo ye Zoarĩ. Mobategeka oluhi lwabo omo musya wʼeSĩdĩmũ,

2 Samwelĩ 24:16

Nʼomugulu omũlaĩka asumba ebyala biwe erĩlolyabyo eYerũsalema erĩheryako, Omwami Mukulu mwayĩbũnũla oko kibi ekyo, mwabwira omũlaĩka oyo waheraya bandu, ati, Bingaho; Ũkakĩraye ebyala byawe. Nʼomũlaĩka wʼOmwami Mukulu abya hakũhĩ nʼekĩhũmbĩro kya Araũna Omũyebũsĩ.

1 Abami 3:26

Neryo omũkalĩ wʼomwana oyuliho mwabũga nʼomwami kusangwa omutima wuwe mwaganyira omugala wuwe, ati, Iyo-o, mukama wage, umuhe omwana oyuliho, sũmwĩte nʼahake. Nĩkwa ogundi mwabũga ati, Siabye wage kutse wawe; atwĩbawe mo bihindi bibiri.

2 Abami 13:23

Nĩkwa Omwami Mukulu mwaganyirabo, mwakwĩrabo olukogo, kandi mwakeberabo busana nʼendagano yiwe haguma na Abrahamũ, na Ĩsaka, na Yakobo, ĩsĩanzĩre erĩheryabo, kutse erigusabo erĩlũa embere siwe erĩhĩka na lino.

2 Emyatsi yʼEmigulu 36:15

NʼOmwami Mukulu Nyamuhanga wʼabotatakulu wabo, mwatumirabo abakwenda buwe, engendo nʼengendo, kusangwa aganyira abandu buwe, nʼaherĩĩkala liwe.

Esyonyimbo 106:45

Busana nʼomwatsi wabo mwibuka erilaga liwe, Mwasuba oko mutima wuwe, busana nʼolwanzo luwe lunene.

Ĩsaya 16:11

Kikaleka omutima wage ĩnĩahũma ngʼekinanga busana nʼeMoabũ, nʼomutima wage akahũma omwisi busana nʼeKĩrĩ-heresĩ.

Ĩsaya 63:15

Usamalire eyĩkwa wʼelubula, usamalire eyĩkwa wʼahʼerĩĩkala lĩbũyĩrĩre lyawe nʼolukengerwa lwawe. Omũhwa wawe nʼemĩbĩrĩ yĩkala-kalĩre yawe biri hahi kwehĩ? Olukando lwʼomutima wawe nʼeriganyira lyawe byabĩrĩkakĩrĩbwa ũkwʼĩngye.

Yeremĩa 18:8

Ekihanda ekyo nabiriahula kyamabinduka oko bibi byakyo nasyaleka omwaga ogo naganĩraya erikolerabo.

Yeremĩa 3:12

Ugende, ũtũle ebĩnywa ebĩ oko luhande lwʼelutambi lwʼendata nʼerĩbũga uti. Omwami Mukulu ati, Ĩsraelĩ, oyukalegula, subula. Omwami Mukulu ati, Sindiendisyakutungerera omwʼihitana, kusangwa indi wʼeriganyira, sindiendisyabika erihitana erĩhĩka kera na kera.

Yeremĩa 31:20

Efũraĩmũ ni mwana wage mwanze kwehĩ? Iye ni mwana wʼerĩtsemesya kwehĩ? Kusangwa emigulu yosĩ ngamuhayira, nyikinamwibuka kutsibu. Kusangwa omutima wage akamũkwa olukando. Omwami Mukulu ati, Kwenene nasyamuganyira.

Yeremĩa 42:10

Mwamĩkala omo kihugo kino, neryo nasyabahĩmba, butsira erĩbahĩmbũla, kandi nasyabahanda butsira eribakunungula, kusangwa nasyayĩkakĩrya busana nʼerĩkwa eryo nabiribakolera.

Yeremĩa 9:6

Omwami Mukulu ati, Ahʼerĩĩkala lyawe hali omo katĩkatĩ kʼeriteba. Busana nʼeriteba bakagana erinyiminya.

Yeremĩa 9:7

Busana nʼekyo Omwami Mukulu ati, Lebaya, nasyayayũkyabo nʼerirengabo. Kusangwa nangaswakola nyiti busana nʼomwali wʼabandu bage kwehĩ?

Ekiriro 1:20

Uwe Mwami Mukulu, ũlebaye, kusangwa indi omo bũlĩge, Nʼomutima wage amayĩhũmbanga. Omutima wage abiribinduka omwisi wage, Kusangwa nabirihona nabi. Omo nzira omũyalĩ akĩta, Nʼomo nyũmba iri ngʼoluholo.

Ekiriro 3:32

Nomo angamwagalĩranĩa, Nĩkwa asyaganyira ngʼobungi bwʼerisasira liwe.

Ekiriro 3:33

Kusangwa sĩalĩagalaya nʼomũhwa, Kutse erĩĩta abana bʼabandu bʼobũlĩge.

Ezekĩelĩ 33:11

Ubwirebo uti, Omukama Iye Omwami Mukulu ati, Ngoko nyiriho! Sinditsemera oluholo lwʼababi, nĩkwa nyiti, kumbe ababi bakaleka enzira yabo babyeho. Mũbũnũkale, mũbũnũkale muleke esyonzira syenyũ nyibi! Busana nakĩ uwe kihanda kya Ĩsraelĩ, ukasonda erihola kwehĩ?

Ezekĩelĩ 6:9

Nenyũ abakasyabala mwasyanyibuka omo katĩkatĩ kʼebihanda eyo babirihekwa mo banyegwa, ngoko nabiriagalwa omo mutima busana nʼemitima yabo yʼerĩsĩngĩra, eyabĩrĩnyĩsĩga, na busana nʼameso wabo, awakagendera omwʼĩsĩngĩra lyʼesyosanamu syabo. Nabo basyayĩkwa obusu omo meso wabo busana nʼebibi ebyo babirikola, omo nye syabo syosĩ.

Hosea 6:4

Uwe Efũraĩmũ, ngandisyakukolakĩ kwehĩ? Uwe Yũda nasyakukolakĩ kwehĩ? Kusangwa obubuya bwawe buli ngʼekĩtũ kyʼengyakya-ngyakya, kandi ngʼekimi ekĩkalũaho omo tũtũtũ.

Hosea 7:1

Omugulu nyanzĩre erĩlamya Ĩsraelĩ, neryo ebibi bya Efũraĩmũ bikaswikulawa, nʼebibi byʼeSamarĩa; kusangwa bakakola nʼeriteba, nʼomũrahĩ akingiramo, nʼomulondo wʼabanyeyĩ bakahũnga eyĩhya.

Amosĩ 4:11

Omwami Mukulu ati, Nabĩrĩbatĩngĩtya ngoko natĩngĩtaya eSodomo nʼeGomora, nenyũ mwabya ngʼekĩsĩnganĩkya ekikatsagurawa omo muliro; nĩkwa simwetanyisubako.

Amosĩ 7:3

Omwami Mukulu mwasuba oko mutima busana nʼekĩ. Omwami Mukulu ati, Sikyendisyabya.

Amosĩ 7:6

Ũkwʼekĩ Omwami Mukulu mwasuba oko mutima. Omukama, Omwami Mukulu mwabũga ati, Ekĩ sikyendisyabya.

Mĩka 5:3

Busana nʼekyo asyalekabo erĩhĩka oko mugulu oyo, oyukakunda amabibuta omwana, neryo abasĩgalira bʼoko bagala babo basyasuba oko bana ba Ĩsraelĩ.

Zefania 2:9

Omwami Mukulu Wʼemilondo, Nyamuhanga wa Ĩsraelĩ akabũga ati, Neryo ngoko nyiriho, kwenene Moabũ asyabya ngʼeSodomo, nʼabana ba Amona ngʼeGomora, ahali ekyatsinge nʼebĩho byʼomũnyũ, nʼekĩma kyʼemigulu yosĩ; abakasĩgala oko bandu bage basyahũngabo, nʼabakasĩgala abʼoko kihanda kyage basyasĩgalyabo.

Matayo 23:37

Uwe Yerũsalema, Yerũsalema! Ũkĩta abamĩnyererĩ, nʼerĩĩta omo mabwe abakwenda abo Nyamuhanga akatuma ukʼuwe! Engendo singahi nabya nyanzĩre erĩhĩndanĩa abana bawe bo haguma, ngʼerĩbũtĩ ko lĩkahĩndanaya ehĩpyege hyalyo omo bĩpũpa byalyo. Nĩkwa momutanza!

Eryibuka Ebihano 29:22

Nʼolulengo olukandisyasa, abana benyũ abakandisyahangana enyũma wenyũ, nʼowʼehandi oyũkandĩsyalũa omo kihugo kyʼehali, omugulu bakalangira ebĩhũnzo byʼekihugo ekyo, nʼesyondwala esyo Mwami Mukulu abĩrĩlwalyakyo basyabũga bati,

Eryibuka Ebihano 29:23

Ekihugo kyosĩ kyayo nĩ bũsĩngo, nʼomũnyũ, omulala wʼeriakirira, sikyeherawa, kandi sikyebuta, nʼebiti sibyelasa mukyo, ngʼerisinduka lyʼeSodomo nʼeGomora, Adĩma na Zeboyĩmũ, ebyo Mwami Mukulu asindula omwʼihitana liwe, nʼomwʼigalirwa liwe.

Eryibuka Ebihano 32:36

Kusangwa Omwami Mukulu asyakola erĩbanza busana nʼabandu buwe, Nʼeriganyira abagombe buwe; Omugulu akalangira amaka wabo iniahwere, Isihali oyũsĩgere, oyũbohĩrwe kutse oyũtabohĩrwe.

2 Petero 2:6

Kandi Nyamuhanga mwahĩra omusango oko mĩyĩ yʼeSodomo na Gomora, mwasindulayo, nʼeriyirayo mo kĩmĩnyĩsyo busana nʼabandu abatendisyakenga Nyamuhanga.

Yuda 1:7

Ngʼabandu bʼeSodomo nʼeGomora, nʼemĩyĩ eyo yabya hakũhĩ nayo, mobahalya ngʼabamalaĩka abo. Mobayiha okwʼĩsĩngĩra libi, kandi mobakwama esyongumbu syʼesĩsonĩ omo mibiri yabo. Aba babirisuyirwa omo muliro Wʼerikota, ibakabya kĩmĩnyĩsyo oko bandu bosĩ.

Eribisurirwa 11:8

Nĩkwa ebĩnda byabo byasyabya omo nzira yʼomũyĩ mukulu aho Mukama abambirawa oko musalaba. Omũyĩ oyo akahulawa omwʼĩkũmbo mo Sodomo nʼeMĩsĩrĩ.

Eribisurirwa 18:18

mobalaka omugulu balangira omũkĩ wʼerihya lyago bati, Omũyĩ wahi ali ngʼomũyĩ mukulu oyũ kwehĩ?

Abatswerĩ 10:16

Kandi mobalũsya esyonyamuhanga syʼehali omo katĩkatĩ kabo, mobakolera Omwami Mukulu; nʼekĩrĩmũ kiwe mokyabya nʼobũlĩge busana nʼobuligo bwa Ĩsraelĩ.