Hosea 11:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Sibendisyasuba omo kihugo kyʼeMĩsĩrĩ; nĩkwa Omũsũrĩa asyabya mwami wabo kusangwa bagana erinyisubako.

Hosea 11:5 Iomraidhean Croise

2 Abami 15:19

Neryo Pũlĩ omwami wʼeAsũrĩa mwasa nʼerilwa nʼekihugo ekyo; na Menahemũ mwaha Pũlĩ yʼesyotalanta syʼekĩtsĩpa elfu nguma (1,000), amũwatĩkaye erĩsĩkya obwami omo byala biwe.

2 Abami 15:29

Omo biro bya Peka omwami wa Ĩsraelĩ, Tĩglatĩ-pĩleserĩ omwami wʼeAsũrĩa mwasa, mwahũnga eĨyonĩ, nʼeAbelĩbetĩ-maka, nʼeYonoa, nʼeKedesĩ, nʼeHazorĩ, nʼeGĩleadĩ, nʼeGalĩlaya, ekihugo kyosĩ kya Nafũtalĩ, mwatwalabo mo banyegwa eAsũrĩa.

Hosea 10:6

Ekindu ekyo kyasyatwalwa oko Asũrĩa eribya engemu oko mwami Yereba; Efũraĩmũ asyasyĩtwa esĩsonĩ, na Ĩsraelĩ asyĩtwa esĩsonĩ busana nʼebihano biwe.

Hosea 5:13

Omugulu Efũraĩmũ alangira endwala yiwe, na Yũda alangira ekironda kiwe, neryo Efũraĩmũ mwaya eAsũrĩa, mwatumira oko mwami ye Yarebũ; nĩkwa sialitoka erĩbalamya, kutse erĩbalya ekironda kyenyũ.

Hosea 6:1

Mwase tusube oko Mwami Mukulu; kusangwa abiritutulanga, nĩkwa akandĩtũlamya; abĩrĩswĩrya, naye akandisyatusenga-senga.

Hosea 7:16

Bakabinduka nĩkwa butsira erĩlolya endata; bali ngʼobuta obukateba; abakulu babo basyawa omo mũyalĩ busana nʼeritsatsuha lyʼolulimi lwabo. Ekĩ kyasyabya erisekwa lyabo omo kihugo kyʼeMĩsĩrĩ.

Hosea 8:13

Nĩkwa amahongo wʼamahere wage, bakahonga esĩswĩ ibalyasyo; nĩkwa Omwami Mukulu sĩalĩrĩgasyo; lino akandisyibuka ebibi byabo, nʼerisuyirabo busana nʼebibi byabo; basyasuba eMĩsĩrĩ.

Hosea 9:3

Sĩbendĩsyĩkala omo kihugo kyʼOmwami Mukulu; nĩkwa Efũraĩmũ asyasuba eMĩsĩrĩ, kandi eAsũrĩa basyalya akalyo katowene.

Hosea 9:6

Kusangwa, lebaya, basyagenda busana nʼerihera; eMĩsĩrĩ yasyakuma-kumabo, Memfĩsĩ asyatabo; ebiti byasyaheka ebindu byabo byʼebĩtsĩpa; emisakisaki yasyabya omo mahema wabo.

Amosĩ 4:11

Omwami Mukulu ati, Nabĩrĩbatĩngĩtya ngoko natĩngĩtaya eSodomo nʼeGomora, nenyũ mwabya ngʼekĩsĩnganĩkya ekikatsagurawa omo muliro; nĩkwa simwetanyisubako.

Amosĩ 4:6

Omwami Mukulu ati, Nĩkwa nabiribaha eriera lyʼameno omo mĩyĩ yenyũ yosĩ, nʼobwaga bwʼakalyo aho wenyũ hosĩ; nĩkwa simwetasuba aho nyiri.

Amosĩ 5:27

Busana nʼekyo nasyaleka imwaya omo bunyegwa eyisirya wʼeDamasekĩ, Omwami Mukulu akabũga, erĩna liwe yo Nyamuhanga Wʼemilondo.

Eryibuka Ebihano 17:16

Kandi siasyeyĩkanyĩrĩraya esyosabayĩrĩ, kutse akasyasũbya abandu bʼeMĩsĩrĩ, busana nʼerĩyĩkanyĩrĩrya esyosabayĩrĩ; kusangwa Omwami Mukulu abiribabwira ati, Simusyesuba omo nzira eyo kandi na kera.