Hosea 11:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Omugulu abamĩnyererĩ babirikirabo kutsibu, mobalenga kutsibu erĩlũa kubo; mobahongera Baalĩ, mobahĩsya obukwa busana nʼesyosanamu.

Hosea 11:2 Iomraidhean Croise

1 Abami 12:33

Neryo mwahetukira oko kiherero aho ahĩmba eBetelĩ oko kiro kyʼerĩkũmĩ nʼebitanu kyʼomukera wʼomunani, go mukera ogo aganĩraya omo mutima wuwe; kandi mwahĩra ekiro kikulu busana nʼabana ba Ĩsraelĩ, neryo mwahetukira oko kiherero ekyo, erĩhĩsya obukwa.

1 Abami 18:19

Nĩkwa lino Utume, Ũnyĩhĩndanĩraye Abaĩsraelĩ bosĩ oko kitwa kyʼeKarmelĩ, nʼabamĩnyererĩ ba Baalĩ amagana ani nʼamakũmĩ atanu (450), nʼabamĩnyererĩ ba Asera magana ani (400), abakalira oko mesa ya Yezebelĩ.

Nehemĩa 9:30

Nĩkwa mowalindabo emyaka mingi nʼerihanabo omo Mũlĩmũ wawe omo bamĩnyererĩ bawe; nĩkwa mobatanza eritega matwĩ. Busana nʼekyo mowahĩrabo omo byala byʼebihanda byʼebihugo.

Ĩsaya 65:7

Omwami Mukulu ati, Ebibi byenyũ nʼebibi byʼabotata wenyũ haguma. Kusangwa babĩrĩhĩsya obukwa oko bitwa, nʼerinyipona oko hitwa. Busana nʼekyo nasyalenga omũbĩrĩ wabo wʼerĩmbere omo bĩkũba byabo.

Yeremĩa 18:15

Kusangwa abandu bage babirinyibirirwa, babĩrĩokerya obukwa oko nyamuhanga sya busa. Babĩrĩtwĩkala omo nzira syabo, omo nzira sya kera, ibakakwama esyonzira syʼemikito, butsira omo nzira yʼembalu,

Yeremĩa 35:13

Omwami Mukulu wʼemilondo, Nyamuhanga wa Ĩsraelĩ ati, Ugende, Ubwire abandu bʼeYũda nʼesyondũlanĩ syʼeYerũsalema uti, Ko simwendisyangirira erĩkangĩrĩrya erĩowa ebĩnywa byage kwehĩ? Omwami Mukulu atya.

Yeremĩa 44:5

Nĩkwa mobatowa, kutse eritega okũtũ kwabo erireka ebibi byabo nʼerĩtĩndahĩsya obukwa oko Sindi nyamuhanga.

Hosea 11:7

Nʼabandu bage abahatikene erĩnyĩlũako; nomo abamĩnyererĩ bangabirikirabo oko yuli endata, sihali oyũkamũhamaya.

Hosea 2:13

Nasyamusuyira busana nʼebiro bya Baalĩ oyo ahĩsĩraya obukwa, omugulu ayisitika omo syombũka siwe syʼamatwĩ nʼobusanga buwe, nʼeriyakwamirira abaragane buwe, kyaleka inianyibirirwa, Omwami Mukulu atya.

Hosea 4:13

Bakahongera amahere oko syosingi syʼebitwa, nʼerĩhĩsya obukwa oko hitwa, nʼomo ndĩna yʼomwelo, nʼesyʼomulubwa, nʼomũerezĩ, kusangwa ekyũtsũtsũ kyayo kyowene; busana nʼekyo abali benyũ bakakola obũmalaya, nʼabaherũkĩ benyũ bakakola oluteto.

Hosea 4:17

Efũraĩmũ abĩrĩyĩhĩra oko syosanamu, mumuleke ĩyowene.

Zekarĩa 1:4

Simubye ngʼabotata wenyũ, ababwirawa nʼabamĩnyererĩ bʼembere, bati, Omwami Mukulu Wʼemilondo akabũga ati, Musubule lino, erĩlũa omo syonzira syenyũ nyibi, nʼoko mĩbĩrĩ yenyũ mibi; nĩkwa mobatetowa kandi mobatetanyihulikirira, Omwami Mukulu akabũga.

Zekarĩa 7:11

Nĩkwa mobagana erihulikirira, mobasũkya ebitigo, mobalĩba amatwĩ wabo, bati sĩbowe.

Luka 13:34

Uwe Yerũsalema, Yerũsalema! Ũkĩta abamĩnyererĩ nʼerĩĩtabo omo mabwe abatumawa ukʼuwe! Ngendo singahi nabya nyanzĩre erĩhĩndanĩa abana bawe bo haguma, ngʼerĩbũtĩ ko lĩkahĩndanaya emĩpyege yalyo omo bĩpũpa byalyo, nĩkwa Simwabya mwanzĩre!

Yoane 3:19

Neryo eritswera lyerĩ, ekyakakala kyabiriasa omo kihugo, nʼabandu mobanza omwĩrĩmya kwilaba ekyakakala, kusangwa emĩbĩrĩ yabo yabya mibi.

Emibiri 7:51

Ĩnywe muli bandu bakalĩre! Muli batwenge omo mitima yenyũ, nʼamatwĩ wenyũ sĩalĩowa omwatsi wa Nyamuhanga. Kandi mukalwa nʼOmũlĩmũ Abũyĩrĩre ebiro byosĩ. Muli ngʼaboso-kulu wenyũ.

Abatswerĩ 10:6

Kandi abana ba Ĩsraelĩ mobaswakola ebibi omo meso wʼOmwami Mukulu, mobakolera esyo Balĩ na Astarotĩ, nʼesyonyamuhanga syʼeSĩrĩa nʼesyonyamuhanga syʼeSĩdona, nʼesyonyamuhanga syʼeMoabũ; nʼesyonyamuhanga syʼabana ba Amonĩ, nʼesyonyamuhanga syʼAbafĩlĩstĩnĩ mobasĩganĩa Omwami Mukulu, mobatamukolera.

Abatswerĩ 2:13

Mobasĩganĩa Omwami Mukulu, mobakolera Baalĩ, na Astarotĩ.

Abatswerĩ 3:7

Nʼabana ba Ĩsraelĩ mobakola ebibi omo meso wʼOmwami Mukulu Nyamuhanga wabo, mobibirirwa Omwami Mukulu Nyamuhanga wabo, kandi mobakolera esyosanamu sya Baalĩ na Aseterotĩ.