Hosea 11:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Basyasa bakatitimana ngʼesyonyonyũ esĩkalũa eMĩsĩrĩ, kandi ngʼehĩrĩkũkũ ehĩkalũa omo kihugo kyʼeAsũrĩa; kandi nasyĩkalyabo omo manyũmba wabo, Omwami Mukulu akabũga atya.

Hosea 11:11 Iomraidhean Croise

Ĩsaya 11:11

Neryo oko kiro ekyo, Omukama omo byala biwe engendo yʼakabiri, asyaswahamba abasĩgalira bʼabandu buwe, abasyasaka erĩlũa eAsũrĩa, nʼerĩlũa eMĩsĩrĩ, nʼerĩlũa ePatĩ-rosĩ, nʼerĩlũa eKũsĩ, nʼerĩlũa eElamũ, nʼerĩlũa eSĩnarĩ, nʼerĩlũa eHamatĩ, nʼerĩlũa oko bitsira byʼengetsi.

Ĩsaya 60:8

Ni bahi aba, abakaguluka ngʼekĩtũ, Kandi ngʼehĩrĩkũkũ omo madĩrĩsa wahyo?

Yeremĩa 31:12

Nabo basyasa nʼeriimbira oko kitwa kyʼeSĩonĩ nʼerĩũsũla nʼobubuya bʼOmwami Mukulu, oko ngano, nʼebĩnyũ bihya-bihya, nʼamagũta, nʼehyana hyʼesyombũlĩ, nʼehyʼesyonde. Nʼomutima wabo asyabya ngʼeririma lĩkahĩrawa mwʼamagetsi, kandi Sibendisyaswabya nʼobũlĩge nʼahake.

Ezekĩelĩ 34:27

Nʼemiti yʼomolĩ yasyabuta ebĩgũma byayo, nʼekitaka kyasyahũlũkya esyombuto syakyo, nabo basyĩkala buholo omo kihugo kyabo. Neryo basyaminya ko ndi Mwami Mukulu omugulu namabĩbũnanga emiti yʼesyongomo syabo, nʼerĩlamyabo omo byala byʼabayirabo mo bakobe.

Ezekĩelĩ 34:28

Nabo sibendisyaswabya banyegwa oko bihanda, kutse esyonyama syʼomolĩ sisyendisyalyabo. Nĩkwa basyĩkala buholo, isihali omundu wasyũbahyabo.

Ezekĩelĩ 37:21

Ubwirebo uti, Omukama Iye Omwami Mukulu akabũga ati, Lebaya, nasyahamba abana ba Ĩsraelĩ erĩlũa omo bihanda, eyo baya, nasyakuma-kumabo oko mbande syosĩ, nʼeriretabo omo kihugo kyabo.

Ezekĩelĩ 37:25

Nabo basyĩkala omo kihugo ekyo naha omugombe wage Yakobo, eyo abotata wenyũ bĩkala. Umwʼekyo basyĩkala, ibo nʼabana babo, nʼabitsikulu babo, kera na kera. Na Dawĩdĩ omugombe wage asyabya munya-mwami wabo kera na kera.

Hosea 3:5

Nʼenyũma wʼaho, abana ba Ĩsraelĩ basyasubula nʼerĩsondya Omwami Mukulu Nyamuhanga wabo, na Dawĩdĩ omwami wabo; kandi basyasa oko Mwami Mukulu nʼerititimana, nʼoko bibuya biwe, omo biro byʼenyũma-nyũma.

Hosea 7:11

Neryo Efũraĩmũ abiribya ngʼakalĩkũkũ kakĩrũ, akate nʼobowĩka; bakabirikira eMĩsĩrĩ, ibakaya eSũrĩa.

Obadĩa 1:17

Nĩkwa omo kitwa kyʼeSĩonĩ hasyabya abakabala, nakyo kyasyabya kĩbũyĩrĩre; nʼekĩtũnga kya Yakobo kyasyasĩgalya ebindu byabo.

Zekarĩa 10:10

Nasyaletabo kandi erĩlũa omo kihugo kyʼeMĩsĩrĩ, nasyahĩndanĩabo erĩlũa eAsũrĩa; nasyaletabo omo kihugo kyʼeGĩleadĩ nʼekyʼeLebanonĩ; erĩhĩka aho mwanya busana nabo asyabulira.

Zekarĩa 8:7

Omwami Mukulu Wʼemilondo akabũga ati, Lebaya, nasyalamya abandu bage erĩlũa omo kihugo kyʼendata, nʼerĩlũa omo kihugo kyʼeyĩkwa;

Zekarĩa 8:8

nage nasyaletabo kandi, nabo basyĩkala omo Yerũsalema; basyabya bandu bage, nage nasyabya Nyamuhanga wabo, omo kwenene nomo litunganene.