Hosea 10:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Esyondũlanĩ syʼeSamarĩa syasyubaha kutsibu busana nʼekyana kyʼende kyʼeBetĩ-awenĩ; kusangwa abandu bako basyalirakyo nʼabahererĩ bako abatsemerakyo busana nʼolukengerwa lwakyo, kusangwa lwamalũa kukyo.

Hosea 10:5 Iomraidhean Croise

2 Abami 10:29

Nĩkwa Yehũ mwataleka erikwama ebibi bya Yeroboamũ mugala wa Nebatĩ ebyo akosesayamo Ĩsraelĩ, mwataleka erikwamabyo, bye byana byʼende byʼesyamagetsi ebyabya eBetelĩ nʼeDanĩ.

2 Abami 17:16

Mobaleka ebihano byosĩ byʼOmwami Mukulu Nyamuhanga wabo, mobayĩkokoterya esyosanamu syʼerĩnũnĩa, bye byana byʼesyonde bibiri, kandi mobakola esanamu ya Asera, kandi mobaramya omulondo gosĩ wʼelubula, kandi mobakolera Baalĩ.

2 Abami 23:5

Kandi mwalũsya abahererĩ bʼesyosanamu, abo abami bʼAbayũda bahĩra busana nʼerĩhĩsĩrya obukwa bwʼahendata omo mĩyĩ yʼeYũda, nʼehandi hosĩ ahatĩmbĩre eYerũsalema; nabo nibya bahĩsaya obukwa oko Baalĩ, nʼoko lyuba, nʼoko mukera, nʼoko syongũnũnũ nene-nene, nʼoko milondo yosĩ yʼekyanya.

2 Emyatsi yʼEmigulu 11:15

Yeroboamũ mwayĩhĩrĩra abahererĩ buwe busana nʼahʼendata, na busana nʼesyombaya, na busana nʼebyana byʼende ebyo akokotaya.

2 Emyatsi yʼEmigulu 13:8

Na lino mũkaganĩraya erĩkakĩrya obwami bwʼomwami Mukulu omo byala byʼabagala ba Dawĩdĩ; nenyũ muli ndeko nene, kandi muwite ebyana byʼesyonde byʼesyamagetsi ebyo Yeroboamũ akokotaya busana nenyũ eribya esyonyamuhanga.

Ĩsaya 46:2

Bakũnama, bakũnama ahisi haguma. Mobatatoka erĩlamya omuheke, nĩkwa mobaya omo bunyegwa.

Hosea 13:2

Na lino bakakanyaya erikola amalolo, kandi babĩrĩyĩkokoterya esyosanamu syʼerĩnũnĩa esyosanamu eriheswa nʼamenge omo bĩtsĩpa byabo, esyosĩ nĩ mũbĩrĩ wʼabanyima; bakabũga busana nasyo bati, Abandu abakahonga amahere balyatsirire oko byana byʼesyonde.

Hosea 4:15

Nawe Ĩsraelĩ, nomo wangakola obũmalaya, nĩkwa Suleke Yũda akabana omusango; kandi Simugende eGĩlĩgalĩ, kutse simuhetukire eBetĩ-awenĩ, kutse sĩmũlahĩraye muti, Ngoko Mwami Mukulu aliho.

Hosea 5:8

Mubuhe engubi eGĩbea, nʼemburura eRama; mutũle endulo ehee eBeti-awenĩ; nʼenyũma ukʼuwe, uwe Benyamĩna.

Hosea 9:1

Uwe Ĩsraelĩ, Sutseme busana nʼeritsema, ngʼebihanda! Kusangwa wabĩrĩsĩngĩra erĩlũa uku Nyamuhanga wawe; wabirianza erĩkondesya oko buli kibuga kyʼengano.

Hosea 9:11

Nĩkwa Efũraĩmũ, olukengerwa lwabo lwasyaguluka ngʼenyonyũ. Sihendisyabya eributa kutse omukule, kutse oyũkahekĩbawa obukule.

Amosĩ 3:14

Kusangwa oko kiro ekyo nasyasuyira amalolo wa Ĩsraelĩ, nibya nasyasuyira ebiherero byʼeBetelĩ; nʼamahembe wʼekiherero asyatũbwa, nʼeriwa oko kitaka.

Zefania 1:4

Nasyalolya ebyala byage oko Yũda nʼoko syondũlanĩ syosĩ syʼeYerũsalema; nasyabugaho abasĩgalira ba Baalĩ erĩlũa hano, nʼamena wʼabakakolera esyosanamu, haguma nʼabahererĩ.

Emibiri 19:27

Neryo omũbĩrĩ wetu oyũ ali omo bwĩko eriahulwa mo mũbĩrĩ mubi, kandi ehekalũ ya nyamuhanga mukulu wʼobũkalĩ yo Artemĩ iyaganzwa nga buyira, na Artemĩ oyũ akaramĩbawa nʼeAsĩa hosĩ, na muna-kihugo, ĩnĩalũsĩbwa oko bukulu buwe.

Yosũa 7:2

Kandi Yosũa mwatuma bandu eAĩ bakalũa eYerĩko, omũyĩ owali hakũhĩ nʼeBetĩ-avenĩ, oko luhande lwʼendata lwʼeBetelĩ, mwabwirabo ati, Muhetukireho mulinge ekihugo. Nʼabandu abo mobahetuka mobalinga eAĩ.

Abatswerĩ 18:24

Naye mwabũga ati, Mwabiriheka esyonyamuhanga syage esyo nakokotaya, nʼomũhererĩ, nenyũ momwayigendera, nage ngwitekĩ kwehĩ? Neryo mukambwira muti, Ũkwĩrekĩ kwehĩ?