Hosea 10:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Bakabũga ebĩnywa bya busa, ĩbakalahĩraya nʼamabehĩ eriyira esyondagano; Ukwʼekyo eritswera likahangana ngʼomuhokolo omo mahya wʼeririma.

Hosea 10:4 Iomraidhean Croise

Ĩsaya 5:7

Kusangwa eririma lyʼebĩnyũ lyʼOmwami Mukulu wʼemilondo ni kihanda kyʼeĨsraelĩ, nʼabandu ba Yũda bo mwaka wʼerĩmũtsemesya. Neryo mwabya nʼamaha wʼerĩbanza, nĩkwa lebaya erĩũta omusasi musa, abya nʼamaha erilola okwʼitunganana, nĩkwa lebaya, kwesĩ ni milake yʼobũlĩge.

Hosea 4:2

Hali eritsuma nʼeriteba, nʼerĩĩta, nʼerĩĩba, nʼerĩsĩngĩra; bakakola nʼomwaga, nʼerĩũta omusasi likakwama erĩũta omusasi.

Hosea 6:7

Nĩkwa ibo nga Adamu babĩrĩhalya endagano. Aho babirinyikola nabi nʼerinyiteba.

Amosĩ 5:7

Ĩnywe mukahindula erĩbanza libuya eribya ekĩkalĩhĩre, nʼerigusa eritunganene lyʼahisi oko kitaka.

Amosĩ 6:12

Esyosabayĩrĩ syanasyatibita oko mabwe kwehĩ? Kutse omundu anasyalima mabwe omo syonume syʼesyonde kwehĩ? Nĩkwa ĩnywe mwabirihindula erĩbanza lyʼekwenene mo buti, nʼebĩgũma byʼeritunganene mo bĩkalĩhĩre.

Emibiri 8:23

Kusangwa namalangira goswĩre mʼobũha bũkalĩre, nʼomo mũlĩkĩ wʼebibi.

AbanyaRoma 1:31

Sibaliminya, bakatwa erilagana lyabo, sibawite olwanzo, sibeganyira mundu.

Eryibuka Ebihano 29:18

hakasyabya omo katĩkatĩ kenyũ omulume kutse omũkalĩ, kutse ekĩtũnga, kutse ekihanda, omutima wabo akabũnũkala mũnabwĩre akalũa oko Mwami Mukulu Nyamuhanga wetu, akayakolera esyonyamuhanga syʼebihanda ebyo; hakasyabya omũlĩhĩ owakabuta ebĩgũma byʼobuti nʼerikaliha;

Eryibuka Ebihano 31:16

Neryo Omwami Mukulu mwabũga na Musa ati, Lebaya, wasyeya abotata-kulu bawe; nʼabandu aba basyahangana, basyayira oburagane nʼesyonyamuhanga esĩtasĩbwe syʼekihugo eyo bakaya, basyanyĩsĩganĩa, nʼerĩtwa endagano yage eyo nabirilagana nabo.

Eryibuka Ebihano 31:17

Neryo erihitana lyage lyasyaka kubo oko kiro ekyo, nage nasyasĩgabo, nasyabĩsabo obũsũ bwage, nabo basyahwa, nʼebibi bingi nʼamalĩge asyahĩka kubo; kyasyaleka ĩbabũga oko kiro ekyo bati, Ebibi ebĩ sibyatatũhĩkako kusangwa Nyamuhanga wetu siali haguma netu kwehĩ?

2 Timoteo 3:3

Basyabya bʼomutima akalĩre, isibeganyira, abakalega abandi, abʼomwaga, abatsibu, abatanzĩre ekibuya,

AbaEbrania 12:15

Mũlebaye Sihabye omundu oyukabula oko lukogo lwa Nyamuhanga. Kandi mũlebaye Sihabye omundu oyũkalĩre omo mutima, oyukaleta obũlĩge, neryo abangi bakatsanda.