Hosea 10:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Muyibibire omo litunganene, mugese omo bubuya; mulima-lime ekitaka ekĩtalĩmĩre; kusangwa ni mugulu wʼerisonda-sonda Omwami Mukulu, erĩhĩka aho asyasira nʼerĩbaheherya omo mbũla yʼekitunganene.

Hosea 10:12 Iomraidhean Croise

Esyonyimbo 105:4

Mugende oko Mwami Mukulu busana nʼerĩwatĩkĩbwa; Mwĩkale embere siwe emigulu yosĩ.

Esyonyimbo 72:6

Abye ngʼembũla omo malima, Ngʼembũla yʼobunyenye kwʼikawa oko kitaka.

Emĩsyo 11:18

Ababi bakabana ebihembo byʼamatebo; Nĩkwa oyukabiba eritunganene awite oluhembo lũsĩkĩre.

Emĩsyo 18:21

Oluholo nʼengebe biri omo maka wʼolulimi; Nʼabanzĩrelo basyalya ebĩgũma byalo.

Omũgambũlĩ 11:6

Omo ngyakyangyakya uhere embuto yawe, nʼomwʼĩgolo-golo sĩwĩkale buyira, kusangwa Sĩwasĩ ngʼeribiba lyʼengyakya-ngyakya, kutse lyʼomwʼĩgolo-golo lyasyalasa, kutse ngʼebyosĩ bibiri byasyowana haguma.

Ĩsaya 30:23

Neryo asyawĩsya embũla busana nʼembuto, eyo mwasyahera omo kitaka. Nʼakalyo kʼerikanyirira lyʼekitaka, nako kasyaboga nʼerĩerya bingi. Oko kiro ekyo ebihangulo byenyũ byasyalira omo lũlĩsĩryo lunene.

Ĩsaya 31:1

Obũlĩge ukwʼabo abakandagalira eMĩsĩrĩ erisonda-sondya erĩwatĩkĩbwa, abakayiketera esyosabayĩrĩ, abakayiketera esyogalĩ kusangwa ni nyingi, kandi abakayiketera abakagenda oko syosabayĩrĩ kusangwa ni bʼamaka kutsibu, nĩkwa sĩbehĩra ameso oko Yũbũyĩrĩre wa Ĩsraelĩ, kutse sĩbesonda-sondaya Omwami Mukulu!

Ĩsaya 32:20

Mwasyabya nʼomũyĩsa ĩnywe mukabiba oko mũsĩke wʼamagetsi gosĩ, ĩnywe mukabohola esyonume syʼesyonde nʼesyopunda.

Ĩsaya 44:3

Kusangwa nasyũtũlĩra amagetsi ũkwʼoyũkwĩre enyota, nʼesyonyũsĩ oko kitaka kyũmĩre. Nasyũtũlĩra Omũlĩmũ wage oko bana bawe, nʼeritsumula lyage oko bitsikulu bawe.

Ĩsaya 45:8

Ĩnywe matũkũ, mũwĩsaye, endata eyo, Nʼebĩtũ byũte ekitunganene. Ekihugo kibohokale, nʼerilama libute ebĩgũma, Kandi ekitunganene kilase haguma nakyo. Ĩngye Mwami Mukulu, nabirihangikakyo.

Ĩsaya 48:18

Kumbe wahulikirira ebihano byage! Neryo Obuholo bwawe nga bwabiribya ngʼolũsĩ, nʼeritunganene ryawe ngʼebisunda byʼomo ngetsi.

Ĩsaya 5:6

Nage nasyaheryalyo, siryendisyakolerwa kutse eririmirwa, nĩkwa hasyalasa emisakisaki nʼamahwa. Nibya nasyahana ebĩtũ nyiti sĩbĩwĩsaye embũla yo kulyo.

Ĩsaya 54:14

Wasyahanganĩbwa omo litunganene. Wasyabya hali okwʼĩnũbĩbwa, kusangwa siwendisyubaha. Wasyabya hali okwʼĩũbahya, sĩryendĩsyahĩka hakũhĩ nawe.

Ĩsaya 55:6

Mũsonda-sondaye Omwami Mukulu omugulu akinabanika; Mumulakire omugulu akine hakũhĩ.

Yeremĩa 50:4

Omwami Mukulu ati, Omo biro ebyo nʼoko mugulu oyo, abandu ba Ĩsraelĩ basyasa, ibo nʼabana ba Yũda haguma. Basyalolya omo nzira yabo bakalira, kandi basyasonda-sonda Omwami Mukulu Nyamuhanga wabo.

Ezekĩelĩ 34:26

Nasyayiraho nʼahatĩmbĩre ekitwa kyage mo hʼomũyĩsa. Kandi nasyaleka embũla eriwa oko kirimo kyayo. Yasyabya embũla yʼomũyĩsa.

Hosea 12:6

Busana nʼekyo, Ubindukire Nyamuhanga wawe; ũtegaye obubuya nʼerĩbanza libuya, ulindirire Nyamuhanga wawe emigulu yosĩ.

Hosea 14:1

Uwe Ĩsraelĩ, usube oko Mwami Mukulu Nyamuhanga wawe; kusangwa wabiriwa busana nʼebibi byawe.

Hosea 6:3

Neryo tuminye, tukwamirire eriminya Omwami Mukulu. Erihongoka liwe nĩ kũndũ ngʼomo ngyakya-ngyakya; naye asyatũhĩkako ngʼembũla, ngʼembũla yʼenyũma eyĩkaheheraya ekitaka.

Hosea 8:7

Kusangwa abakabiba erihunga, basyagesa akanyabungu; engano ihangene siyiwite embuto siyendisyayira eyĩsyano; yamasohola abʼehandi basyamerayo.

Amosĩ 5:15

Mwagalirawe oko bibi, mwanze ebibuya; mũhanganaye erĩbanza litunganene omo lũkyo; Omwami Mukulu Wʼemilondo aganyire amasĩgalira wa Yosefũ.

Amosĩ 5:4

Kusangwa Omwami Mukulu akabũga nʼekĩtũnga kya Ĩsraelĩ ati, Mũnyĩsonda-sondaye imwatoka eribyaho.

Amosĩ 5:6

Mũsonda-sondaye Omwami Mukulu imomwabyaho; Omwami Mukulu akasyahĩka oko kĩtũnga kya Yosefũ ngʼomuliro nago iniagulumira, isihali oyo wangalĩmyago eBetelĩ.

Amosĩ 5:8

Oyo wahangika eKĩlĩmĩa nʼeOrĩonĩ, nʼeribindula omwʼĩrĩmya owakalĩre eribya ngyakya-ngyakya, nʼerĩhĩra eritungi mo mwĩrĩmya wʼekiro; oyukabirikira amagetsi wʼengetsi erĩũtago oko bulambo bwʼekitaka, Omwami Mukulu lyo lĩna liwe.

Luka 13:24

Mulenge kutsibu eriingira omo lũkyo luke, kusangwa ngababwira nyiti, Ni bangi abasyasondasonda eriingiramo, isibendisyatoka.

Emibiri 2:18

Nage nasyũtũlĩra Omũlĩmũ wage oko biro ebyo, Oko bagombe bage bʼobulume nʼabʼobũkalĩ, Nabo basyaminyerera.

2 AbanyaKorinto 9:10

Neryo Nyamuhanga oyukaha embuto okwʼoyukabiba, nʼobundu bwʼerirya asyabaha embuto, nʼerĩlasyayo ndeke, nʼerireka imwagesa binene busana nʼekibuya kyenyũ.

Yakobo 3:18

Kandi emyatsi eyikaleta ebitunganene ĩkatsũka omo buholo busana nʼabandu abakayira Obuholo.