Hosea 10:10 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁰ Omugulu kĩkanyĩtsemesaya nasyasuyirabo; nʼebihanda byasyahĩndanĩbwa erilwa nabo, omugulu babohĩrwe nʼebibi byabo kabiri.

Hosea 10:10 Iomraidhean Croise

1 Abami 12:28

Busana nʼekyo omwami mwaya embĩta, neryo mwahesa ebyana bibiri byʼende omo syamagetsi; neryo mwabwirabo ati, Kĩkalĩre busana nenyũ erihetukira eYerũsalema; ĩnywe Baĩsraelĩ, musamalire esyonyamuhanga syenyũ esyabalũsaya omo kihugo kyʼeMĩsĩrĩ.

Yobũ 39:10

Wanganatoka eriboha enganda omo mũlĩkĩ omo mahya wʼeririma kwehĩ? Kutse yasyakunguta emisya yʼenyũma kuwe kwehĩ?

Ĩsaya 1:24

Busana nʼekyo, Omukama, Omwami Mukulu Wʼemilondo, Ogʼobũtokĩ bwa Ĩsraelĩ ati, Ega, nasyayĩlũsya oko nzĩgũ syage, nʼerĩyĩkĩsya oko nzĩgũ syage.

Yeremĩa 15:6

Omwami Mukulu ati, Ĩnywe mwabirinyigana, mukinasuba enyũma. Kikaleka inasumba ebyala byage erilwa nenyũ, nʼerĩbaherya. Namaluha erĩyĩkakĩrya!

Yeremĩa 16:16

Omwami Mukulu ati, Lebaya, nasyatuma abasohĩ bangi, nabo basyasohabo. Nʼenyũma nasyatuma abahiyi bangi, nabo basyahigirabo oko buli kitwa, nʼoko buli kitwa, nʼomo migenyo yʼamabwe.

Yeremĩa 21:4

Omwami Mukulu Nyamuhanga wa Ĩsraelĩ ati, Lebaya, nasyasũbũlya abasĩrĩkanĩ bawe, abakalwa nʼomwami wʼeBabelĩ nʼAbanya Kaldea abakakubambira eyĩhya oko syombĩmbo syʼomũyĩ. Nage nasyahĩndanĩa ebindu byʼamalwa byabo omo katĩkatĩ kʼomũyĩ oyũ.

Ezekĩelĩ 16:37

Busana nʼekyo, lebaya, nasyakuma-kuma abaragane bawe bosĩ, abo wabiritsemera, nʼabosĩ abo wabirianza, haguma nʼabosĩ abo wabĩrĩkwa obusu. Nasyahĩndanĩabo erilwa nawe oko mbande syosĩ, kandi nasyaswikulirabo endũmbũ yawe, ibatoka erilangira endũmbũ yawe yosĩ.

Ezekĩelĩ 16:42

Ko nasyakakĩrya litya erihitana lyage ukʼuwe, nʼobũha bwage bwasyakũlũako, nage nasyabondera, sindiendisyaswahitana.

Ezekĩelĩ 23:46

Kusangwa Omukama Iye Omwami Mukulu ati, Mulete endeko erilwa nabo nʼerihabo eriubaha nʼerĩhũngwa.

Ezekĩelĩ 23:9

Busana nʼekyo, monamũhĩra omo byala byʼabaragane buwe, omo byala byʼAbanya Asũrĩa, abo akwa engumbu.

Ezekĩelĩ 5:13

Erihitana lyage lyasyahĩkerera litya, kandi nasyũgũtya erihitana lyage lyo kubo, kandi nasyakĩranĩbwa. Nabo basyaminya ĩngye kwʼindi Mwami Mukulu, nabĩrĩbũga omo mũhwa wage, omugulu nabĩrĩhĩkererya erihitana lyage lyo kubo.

Hosea 10:9

Uwe Ĩsraelĩ, wabĩrĩhalya, erĩtsũka ebiro byʼeGĩbea; eyo mukahangana! Amalwa oko bana bʼebibi siendisyatangabo eGĩbea kwehĩ?

Hosea 4:19

Erihunga lyabiriswikabo omo bĩpũpa byalyo; kandi basyahemuka busana nʼamahongo wabo.

Hosea 4:9

Neryo ngoko abandu bali, abahererĩ ko bali batya; nage nasyasuyirabo busana nʼesyonzira syabo, nasyalihabo busana nʼemikolere yabo.

Hosea 8:1

Ũhĩre engubi oko mĩnywa yawe! Ngʼerĩsamba ko likasa, enzĩgũ ikasa oko kĩtũnga kyʼOmwami Mukulu, kusangwa babĩrĩhalya oko ndagano yage nʼerilwa nʼemigambo yage.

Hosea 8:10

Ega, nomo bangakondesya abĩra omo katĩkatĩ kʼebihanda, lino ngandĩhĩndanĩabo; nabo bakandĩsyatsũka erikeha busana nʼomuheke wʼOmwami wʼabanya-mwami.

Matayo 22:7

Nĩkwa omwami oyo mwahitana kutsibu, mwatuma emilondo yiwe, mwaherya abĩtĩ abo, kandi mwahĩsya omũyĩ wabo.

Eryibuka Ebihano 28:63

Neryo ngoko Mwami Mukulu abatsemera eribakola ebibuya, nʼerĩkũkanyĩa, litya Omwami Mukulu asyabatsemera erĩbaherya, nʼeribabugaho; nenyũ mwasyabakulwa omo kihugo ekyo mukingiramo erĩsĩgalyakyo.