Hosea 1:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Neryo omũkalĩ mwaswaheka obukule, mwabuta mwali. Neryo Omwami Mukulu mwabwira Hosea ati, Umwahule mo Lorũhama; kusangwa Sindiendisyaganyira kandi ekĩtũnga kya Ĩsraelĩ, eribuyirabo nʼahake.

Hosea 1:6 Iomraidhean Croise

2 Abami 17:20

Neryo Omwami Mukulu mwagana bana bosĩ ba Ĩsraelĩ, kandi mwagalyabo, mwahabo omo byala byʼabanyeyĩ, erĩhĩka aho ahigirabo erĩlũa omo meso wuwe.

2 Abami 17:6

Oko mwaka wʼomwenda wa Hosea, omwami wʼeAsũrĩa mwahũnga eSamarĩa, neryo mwatwala Abaĩsraelĩ mo basayĩ eAsũrĩa, kandi mwahĩrabo eHala, nʼeHaborĩ oko lũsĩ lwʼeGosanĩ, nʼomo mĩyĩ yʼAbamedĩ.

Ĩsaya 27:11

Omugulu emitahi yago yamabiuma, yasyabũnangwa. Abakalĩ basyasa nʼerĩhĩsyayo omo muliro. Kusangwa si bandu bawite eriminya. Busana nʼekyo omũbũmbĩ wabo siendisyaganyirabo. NʼOmũhangĩkĩ wabo siendĩsyakwĩrabo olukogo.

Hosea 1:8

Neryo omugulu omũkalĩ amabĩtsĩrĩsya Lorũhama erionga, neryo mwaswaheka obukule, mwabuta mugala.

Hosea 2:23

Nage nasyamubiba ũkwʼĩngye omo kihugo; nage nasyamuganyira oyutaherwe eriganyira; kandi nasyabwira abatabya bandu bage nyiti, Muli bandu bage! Nabo basyabũga bati, Uwe uli Nyamuhanga wage.

Hosea 2:4

Kandi, Sindiendisyaganyira abana buwe; kusangwa ni bana bʼobũsĩngĩrĩ.

Amosĩ 7:8

Neryo Omwami Mukulu mwanyibwira ati, Amosĩ, Wamalangirakĩ kwehĩ? Monabũga nyiti, Engohe eyikalenga. Neryo Omwami Mukulu mwabũga ati, Lebaya, nasyahĩra engohe eyikalenga omo katĩkatĩ kʼabandu bage Ĩsraelĩ; sindiendisyaswabalyabo.

Amosĩ 9:8

Lebaya, ameso wʼomukama, Omwami Mukulu ali oko bwami bwʼebibi, nage nasyaheryabo erĩlũa oko bugali bwʼekihugo; nĩkwa Omwami Mukulu ati, Sĩndĩendĩsyaherya ekĩtũnga kya Yakobo kyo kutsibu.

1 Petero 2:10

Kusangwa Simwabya bandu, nĩkwa lino muli bandu ba Nyamuhanga; mwabya isimwetabana eriganyira lya Nyamuhanga, nĩkwa lino mwabiribana eriganyira liwe.